Jeremias 13:21 - Chol: I T’an Dios

²¹ ¿Chuqui mi caj a wʌl che' ma' yuman a contra? ¿Bajche' mi caj a mulan? ¿Tijicña ba mi caj a wubin? ¿Mach ba muq'uic a wubin wocol che' bajche' x'ixic woli bʌ ti bajq'uel?

Chol de Tumbalá Bible

²¹ ¿Chuqui mi caj a wʌl che' ma' yuman a contra? ¿Bajche' mi caj a mulan? ¿Tijicña ba mi caj a wubin? ¿Mach ba muq'uic a wubin wocol che' bajche' x'ixic woli bʌ ti bajq'uel?

Jeremias 13:21 Iomraidhean Croise

2 Reyob 16:7

Acaz tsi' chocbe majlel t'an Tiglat Pileser rey bʌ ti Asiria. Tsi' yʌlʌ: Awocolic coltañon loq'uel ti' c'ʌb i rey Siria, yic'ot ti' c'ʌb i rey Israel, come woli' contrajiñoñob ti guerra. Che' tsi' yʌlʌ Acaz.

Isaias 10:3

¿Chuqui mi caj la' mel ti' q'uiñilel wocol che' mic choc tilel wocol tilem bʌ ti ñajtʌl? ¿Majqui mi caj la' pejcan cha'an mi' coltañetla? ¿Baqui mi mejlel la' cʌntan la' chubʌ'an?

Isaias 13:8

Bʌbʌq'uen jax mi la' wubin. Cabʌl mi la' mel la' pusic'al. Mi la' cha'len bajq'uel che' bajche' x'ixicob. Mi la' lon q'uel la' bʌ, chʌchʌc la' wut cha'an quisin. Mi' toj sajtel la' pusic'al.

Isaias 21:3

Cabʌl woli cubin wocol che' bajche' x'ixic che' woli ti bajq'uel. Mi' toj sajtel c pusic'al cha'an jini wocol tsa' bʌ cubi tsa' bʌ j q'uele.

Jeremias 2:25

Tsajaletme ame i tajet wocol. Come mux caj a wubin wocol che' pits'il a woc, che' tiquin a ti'. Pero wola' wʌl: “Lolom jach ma' tic'on. Wersa com c chʌn mel che' bajche' mi' melob jini parte bʌ i t'añob, come c'ux mi cubiñob”, che'et.

Jeremias 22:23

Tijicñayet ya' ba' chumulet. Joyolet ti ch'ujte' ch'oyol bʌ ti Líbano. Pero mux caj a cha'len bajq'uel che' bajche' x'ixic mu' bʌ i yʌc' ti pañimil i yalobil. Cabʌl mi caj a wubin wocol yic'ot ch'ijiyem bʌ a pusic'al.

Jeremias 30:6

C'ajtibeñob jini winicob mi cʌntʌbilob i cha'an alʌl. ¿Chucoch sʌcobix i wut ti bʌq'uen? ¿Chucoch woli' ñet'ob i ya' che' bajche' x'ixic woli bʌ ti bajq'uel?

Jeremias 38:22

Tsaj q'uele pejtel jini x'ixicob tsa' bʌ cʌleyob ti' yotot jini rey ti Judá. Tsa' laj pʌjyiyob loq'uel ti' wenta jini yumʌlob chocbilo' bʌ tilel i cha'an i rey Babilonia. Jini yumʌlob tsi' subeyob: “Tsa' la' ñopbe i t'an la' pi'ʌlob, pero tsa' jach i lotiyetla. Jini cha'an ma'anic la' coltʌntel. Che' bʌ tsi' q'ueleyetla ti wocol, tsi' cʌyʌyetla”, che'ob.

Jeremias 4:30

Jixcu jatet sajtemet bʌ, ¿chuqui mi caj a mel? Mach mejlix a chʌn lʌp jini chʌchʌc bʌ pisil. Mach mejlix a chʌn ch'ʌl a bʌ ti oro. Mach mejlix a chʌn bon a wut ti i'ic' bʌ. Lolom jach a t'ojlʌwel. Tsa' sujtiyob ti a contra jini c'uxbibilo' bʌ a cha'an. Ts'a' mi' q'uelet. Yomob i tsʌnsañet.

Jeremias 4:31

Tsa cubibe i t'an Sion, woli ti uq'uel. Woli ti bajq'uel che' bajche' x'ixic woli bʌ i yʌc' ti pañimil jini yʌx alʌl. Ajacña mi' jap ic'. Woli' c'ajtin i coltʌntel. Obol jax c bʌ. C'unix pañimil mi cubin cha'an jini tsʌnsʌbilo' bʌ.

Jeremias 48:41

Mi caj i ch'ʌmob jini tejclum tac yic'ot ts'ajquibil bʌ i yotot tac. Jini p'ʌtʌlo' bʌ winicob ti Moab lajal mi caj i sujtelob che' bajche' x'ixicob woliyo' bʌ ti bajq'uel.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Jeremias 6:24

Ubibilix lac cha'an bajche' woli' melob. Jini cha'an c'unix laj c'ʌb. Woliyonla ti wocol che' bajche' x'ixic woli bʌ ti bajq'uel.

Ezequiel 28:9

¿Mu' ba caj a chʌn sub a bʌ ti dios che' mi' tsʌnsañet? Come winiquet jach, mach diosetic ti' tojlel jini mu' bʌ i lowet.

Mateo 24:8

Ti pejtelel iliyi i cajibal jach wocol.

1 Tesalonicenses 5:3

Ba' ora mi' yʌlob ñʌch'ʌlix pañimil, ba' ora mi' yʌlob ma'anic tsiquil bʌbʌq'uen bʌ, che' jini mi caj i bʌc' jisʌntelob che' bajche' mi' bʌc' cajel ti bajq'uel x'ixic che' mi' yilan pañimil i yalobil. Mach mejlicob ti puts'el.