Jeremias 13:13 - Chol: I T’an Dios

¹³ Subeñob che' jini: “Lac Yum woli' sub: Che' bajche' mi la' yʌc'an ti vino, che' ja'el mi caj la' yʌc'an ti wocol ti pejteletla yic'ot ja'el jini rey am bʌ ti' buchlib David yic'ot motomajob yic'ot x'alt'añob yic'ot pejtel winicob x'ixicob.

Chol de Tumbalá Bible

¹³ Subeñob che' jini: “Lac Yum woli' sub: Che' bajche' mi la' yʌc'an ti vino, che' ja'el mi caj la' yʌc'an ti wocol ti pejteletla yic'ot ja'el jini rey am bʌ ti' buchlib David yic'ot motomajob yic'ot x'alt'añob yic'ot pejtel winicob x'ixicob.

Jeremias 13:13 Iomraidhean Croise

Salmos 60:3

Tsa' wʌc'ʌyob ti wocol jini winicob x'ixicob a cha'an. Tsʌts tsa' tic'layon lojon.

Salmos 75:8

Come an vaso ti' c'ʌb lac Yum, i yejtalʌch i mich'ajel. Woli' paj'an jini vino am bʌ ti vaso, wen xʌbil bʌ. Mi' jeb ti' tojlel jontolo' bʌ ti pañimil. Mi caj i japob yic'ot i xixil pejtelel jontolo' bʌ. I yejtalʌch i mich'ajel Dios.

Isaias 29:9

Ñopox lot mi a wom a soc a bʌ. Otsan a bʌ ti xpots' mi a wom ajñel ti ic'ch'ipan bʌ pañimil. Yʌquetla pero mach cha'anic vino. Tʌcʌlbexel mi la' majlel, pero mach cha'anic lembal.

Isaias 49:26

Pejtel a contrajob mi caj cʌq'ueñob i wʌlʌc c'ux i bʌc'tal. Mi caj i yʌc'añob ti' japol i bajñel ch'ich'el. Pejtelel año' bʌ ti pañimil mi caj i ña'tañob joñon Yumʌlon. A waj coltayajon tsa' bʌ c mʌñʌyet. P'ʌtʌlon mu' bʌ j coltan Israel, che'en Dios.

Isaias 51:17

Ch'ojyen Jerusalén, caña a wut. Tsa'ix a wubi i mich'ajel lac Yum. P'ump'un tsa' cʌleyet che' bajche' xyʌc'ajel mach bʌ mejlix ti xʌmbal che' bʌ tsa'ix i lu' jisa lembal.

Isaias 51:21

Jini cha'an ñich'tan c t'an. P'ump'uñet jax. Yʌquet, pero mach cha'anic lembal.

Isaias 63:6

Tic mich'ajel tsac pech' teñe winicob mach bʌ anic tsi' cʌñʌyoñob. Tsac xiq'uiyob ti yajlel. Tsac jisayob. Yolocña tsa' majli i ch'ich'el ti lum. Che' tsi' yʌlʌ Dios.

Jeremias 13:12

Jini cha'an subeñob: “Lac Yum Dios, i Dios Israel woli' sub: Mi caj i bujt'el ti vino pejtel tinaja tac”, che'et. Mi caj i jac'ob: “¿Mach ba cujilic lojon mi caj i laj bujt'el ti vino?” che'ob.

Jeremias 25:27

Mi caj a subeñob: “Japʌla jinto mi la' yʌc'an, jinto mi la' xejtan. Mi caj la' yajlel. Ma'anix mi caj la' chʌn ch'ojyel come mi caj la' jilel ti espada. Che' woli' yʌl i Yum Panchan yic'ot Pañimil, i Dios Israel”. Che' yom ma' subeñob.

Jeremias 25:29

¿Mu' ba caj la' colel mi la' wʌl, che' wolix cʌc' ti ñuc bʌ wocol jini c winicob x'ixicob? Ma'anic. Mach loq'uiquetla. Mux caj la' toj la' mul, come wolic pʌy tilel winicob chumulo' bʌ ti pejtelel pañimil mu' bʌ caj i tsʌnsañetla ti espada, che'en i Yum Panchan yic'ot Pañimil”.

Jeremias 51:57

Mi caj c xic'ob ti yʌc'ajel i yumob Babilonia yic'ot jini año' bʌ i ña'tʌbal yic'ot año' bʌ i ye'tel yic'ot soldadojob yic'ot i capitañob. Mi' cajelob ti wen wʌyel. Mach chʌn ch'ojyix. Che' woli' yʌl jini ñuc bʌ Rey, i Yum Panchan yic'ot Pañimil.

Jeremias 51:7

Babilonia i wentajʌch taza melbil bʌ ti oro, chucul bʌ i cha'an lac Yum. Tsi' ñusʌbeyob vino winicob ti pejtelel lum. Tsi' lu' japʌyob. Jini cha'an tsa' sojqui i jol.

Habacuc 2:16

Mi caj i sujtel a ñuclel ti quisin. Mi caj a pʌy tilel i mich'ajel Dios ti a tojlel. Mi caj a wubin wocol, mi caj a wubin quisin.