Jeremias 13:11 - Chol: I T’an Dios

¹¹ Che' bajche' tsi' toyoyet jini cajchiñʌc', che'ʌch ja'el tsi' toyoyon Israel yic'ot Judá come c cha'añobʌch ili winicob. Tsa' cʌlʌ mux caj i q'ueloñob ti ñuc ti' tojlel pejtel tejclum tac. Pero ma'anic tsi' jac'ʌyob.

Chol de Tumbalá Bible

¹¹ Che' bajche' tsi' toyoyet jini cajchiñʌc', che'ʌch ja'el tsi' toyoyon Israel yic'ot Judá come c cha'añobʌch ili winicob. Tsa' cʌlʌ mux caj i q'ueloñob ti ñuc ti' tojlel pejtel tejclum tac. Pero ma'anic tsi' jac'ʌyob.

Jeremias 13:11 Iomraidhean Croise

Salmos 135:4

Come lac Yum tsi' yajca Jacob cha'an che' yom i pusic'al, Tsi' yajca israelob cha'an mi' yochelob ti' cha'an bʌ.

Salmos 147:20

Mach che'ic tsi' mele ti' tojlel yan tac bʌ colem tejclum ba' mach cʌmbilic i t'an. Subula i ñuclel Dios.

Salmos 81:11

Pero c winicob x'ixicob ma'anic tsi' ch'ujbibeyon c t'an. Ts'a' tsi' q'ueleyoñob.

Isaias 43:21

Tsa'ix c wʌn mele c winicob cha'an mi' yochelob ti calobil, cha'an mi' tsictesañob i ñuclel j c'aba'.

Isaias 62:12

Mi caj i pejcʌntelob jini israelob ti Chujul bʌ Tejclum, yic'ot Coltʌbilo' bʌ i cha'an i Yum. Jixcu Jerusalén, mi caj i yotsʌbentel i c'aba' ti Sʌclʌbil bʌ Tejclum, yic'ot Tejclum mach bʌ Cʌybilic. Che' tsi' yʌlʌ lac Yum.

Jeremias 13:1

Lac Yum tsi' subeyon: Cucu, mʌñʌ a cajchiñʌc' melbil bʌ ti lino. Cʌchʌx a bʌ ti jini lino. Mach ma' ts'aj ti ja', che'en.

Jeremias 13:10

Jontolob. Mach yomobic i yubin c t'an. Mi' bajñel melob bajche' yom i bajñel pusic'al. Majlemobix yic'ot yan tac bʌ dios cha'an mi' ch'ujutesañob. Jini cha'an lajal mi caj i sujtelob che' bajche' jini cajchiñʌc' mach bʌ anix i c'ʌjñibal.

Jeremias 13:12

Jini cha'an subeñob: “Lac Yum Dios, i Dios Israel woli' sub: Mi caj i bujt'el ti vino pejtel tinaja tac”, che'et. Mi caj i jac'ob: “¿Mach ba cujilic lojon mi caj i laj bujt'el ti vino?” che'ob.

Jeremias 19:15

I Yum Panchan yic'ot Pañimil, i Dios Israel woli' yʌl: “Wolic chocbeñetla tilel ñuc bʌ wocol pejtel chumulet bʌ la ti ili tejclum yic'ot ti xchumtʌl tac, che' bajche' tsac subeyetla, pero tsa' la' mʌyʌ la' wut come mach la' womic la' wubin c t'an”. Che' woli' yʌl lac Yum, che'en.

Jeremias 32:20

Tsa' pʌsʌ i yejtal tac a p'ʌtʌlel ya' ti Egipto. C'ʌlʌl wʌle wola' pʌs wʌ' ba' chumulon lojon ti Israel yic'ot ti' tojlel pejtel winicob ti jujunmojt. Tsa' wʌc'ʌ a bʌ ti cʌjñel ti' tojlel c tatob ti oñiyi c'ʌlʌl wʌle.

Jeremias 33:9

Ili tejclum Jerusalén mi caj i tsictesan c ñuclel. Tijicña mi caj j q'uel. Pejtel tejclum ti yan tac bʌ lum mi caj i q'ueloñob ti ñuc che' tijicña ili tejclum cha'an pejtelel i yutslel c pusic'al mu' bʌ c pʌsben. Mi caj i toj sajtelob i pusic'al che' mi' ña'tañob cha' anix i ñʌch'tʌlel i pusic'al cha'an cabʌl tsaj colta.

Jeremias 6:17

Tsac wa'chocobeyob xq'uel winicob cha'an mi' subeñob cha'an mi' ñich'tañob i t'an trompeta. Pero tsi' yʌlʌyob: “Mach comic c ñich'tan lojon”, che'ob.

Jeremias 7:13

Wolix c cha' mel che' bajche' ti yambʌ ora, come cabʌlix la' mul. Seb tsa' ch'ojyiyon cha'an mic pejcañetla. Ma'anic tsaj cʌyʌ c pejcañetla, pero ma'anic tsa' la' ñich'ta. Tsac pʌyʌyetla, pero ma'anic tsa' la' jac'beyon.

Jeremias 7:23

Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

Jeremias 7:24

Pero ma'anic tsi' ñich'tayob c t'an. Ma'anic tsi' jac'ʌyob. Tsi' chʌn cha'leyob xʌmbal che' bajche' yomob i bajñel pusic'al. Tsʌtsob i pusic'al. Jontol bajche' tsi' meleyob. Tsi' tʌts'ʌyob i bʌ. Ma'anic tsi' lʌc'tesayob i bʌ.

Jeremias 7:26

Pero ma'anic tsa' la' ñich'tayob. Ma'anic tsa' la' jac'beyob. Tsʌts la' pusic'al, ñumen bajche' la' tatob.

Amos 3:1

Winicob x'ixicob ti Israel, ubinla ili t'an tsa' bʌ i yʌlʌ lac Yum ti la' contra yic'ot ti' contra pejtel la' pi'ʌlob año' bʌ ti Israel: Tsac pʌyʌyetla loq'uel ti' lumal Egipto.

Lucas 10:11

“Jini ts'ubejn tsa' bʌ i toybeyon lojon coc ti la' tejclum mic tijcan loq'uel cha'an i yejtal la' contrajintel. Ña'tanla lʌc'ʌlix i yumʌntel Dios”. Che' yom mi la' sub.

Deuteronomio 26:18

Tsa'ix i yʌc'ʌ i t'an lac Yum ja'el. Tsa'ix i yʌlʌ sajmʌl cha'an i tejclumet che' bajche' tsi' wʌn subeyet. Jini cha'an mi caj a jac'ben pejtel i mandar.

Deuteronomio 26:19

Che' jini mi caj i ñumen aq'uetla ti ñuc cha'an ñumen mi la' taj la' c'uxbintel yic'ot la' wenlel ti' tojlel yambʌ tejclum tac. Mi caj la' wochel ti ch'ujul bʌ i tejclum lac Yum Dios che' bajche' tsi' yʌlʌ.

Deuteronomio 4:7

¿Am ba yambʌ dios yujil bʌ coltaya che' bajche' lac Yum Dios mu' bʌ i yubiñonla che' an chuqui mi laj c'ajtiben?

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.