Jeremias 12:9 - Chol: I T’an Dios

⁹ Jini c tejclum ba' tsac ña'ta c taj c ñuclel mi' mel i bʌ che' bajche' xiye' yom bʌ i c'uxon. ¿Mach ba joyolic c tejclum ti xta'jol mu' bʌ caj i c'uxob? Cucu pʌyʌ tilel ti we'el pejtel bʌte'el.

Chol de Tumbalá Bible

⁹ Jini c tejclum ba' tsac ña'ta c taj c ñuclel mi' mel i bʌ che' bajche' xiye' yom bʌ i c'uxon. ¿Mach ba joyolic c tejclum ti xta'jol mu' bʌ caj i c'uxob? Cucu pʌyʌ tilel ti we'el pejtel bʌte'el.

Jeremias 12:9 Iomraidhean Croise

2 Reyob 24:2

Lac Yum tsi' choco tilel cabʌl soldadojob: caldeojob, siriajob, moabob yic'ot amoñob cha'an mi' jisañob Judá, cha'an mi' ts'ʌctiyel i t'an lac Yum che' bajche' tsi' subeyob jini x'alt'añob.

Isaias 2:11

Jini winicob ñuc bʌ mi' q'uelob i bʌ, wersa mi caj i lijob i bʌ. Jini chan bʌ mi melob i bʌ wersa mi caj i peq'uesʌntelob. Ti jim bʌ q'uin jini jach lac Yum mi caj i q'uejlel ti ñuc.

Isaias 2:12

Ti jim bʌ q'uin i Yum Panchan yic'ot Pañimil mi caj i tech meloñel ti' contra pejtelel jini ñuco' bʌ yic'ot jini chaño' bʌ yic'ot jini xñusa t'añob, cha'an mi' ju'sʌbeñob i pusic'al.

Isaias 56:9

Pejtelel bʌte'el, la'la ti jisaya. La' jisan c tejclum.

Jeremias 15:3

Mi caj cʌc'ob ti chʌmel ti chʌnchajp wocol: jini espada yujil bʌ tsʌnsa, yic'ot jini jontol bʌ ts'i' yujil bʌ c'ux, yic'ot jini mate'el mut, yic'ot bʌte'el. Tsa cʌq'ueyob i p'ʌtʌlel ili chʌnchajp cha'an mi' jisañob.

Jeremias 2:15

Woli' mʌjlel i cha'an año' bʌ ti ñajtʌl. Mi' pam tsictiyel i t'añob che' bajche' bajlum. Tsi' yʌc'ʌyob ti pujch'el i lum Israel. Tsi' yʌc'ʌyob ti bujchel jini tejclum tac. Laj majlemobix i yumob otot. Ma'anix majqui an.

Jeremias 34:20

Mi caj cʌc'ob ti chʌmel ti' c'ʌb i contrajob. Jini te'lemut yic'ot bʌte'el mi caj i c'uxbeñob i bʌc'tal.

Jeremias 7:33

Jini xta'jol yic'ot bʌte'el mi caj i c'uxbeñob i bʌc'tal winicob x'ixicob. Ma'anix mi juntiquilic mu' bʌ caj i ñijcañob majlel, come laj majlemobix i pi'ʌlob.

Lamentaciones 1:17

Sion mi' letsan i c'ʌb ti c'ajtiya, pero ma'anic i yaj coltaya. Lac Yum tsi' cha'le mandar cha'an mi' laj tejchelob ti' contra Jacob. Bibi'ix Jerusalén ti' wutob jini año' bʌ ti' joytʌlel.

Ezequiel 34:5

Tsa' pam pujquiyob c tiñʌme', come ma'anic i cʌntʌntel. Tsa' sujtiyob ti' we'el bʌte'el.

Apocalipsis 17:16

Jini lujunts'ijt xulub tsa' bʌ a q'uele yic'ot jini jontol bʌ bʌte'el mi caj i ts'a'leñob jini xmoja. Mi caj i chilbeñob i chubʌ'an yic'ot i pislel. Mi caj i c'uxbeñob i bʌc'tal. Mi caj i pulob ti c'ajc.