Jeremias 12:7 - Chol: I T’an Dios

⁷ Lac Yum tsi' yʌlʌ: Tsa'ix j cʌyʌ cotot. Tsa'ix c choco c tejclum ba' tsac ña'ta c taj c ñuclel. Tsa'ix cʌc'ʌ jini c'uxbibilo' bʌ c cha'an ti' c'ʌb i contrajob.

Chol de Tumbalá Bible

⁷ Lac Yum tsi' yʌlʌ: Tsa'ix j cʌyʌ cotot. Tsa'ix c choco c tejclum ba' tsac ña'ta c taj c ñuclel. Tsa'ix cʌc'ʌ jini c'uxbibilo' bʌ c cha'an ti' c'ʌb i contrajob.

Jeremias 12:7 Iomraidhean Croise

2 Reyob 21:14

Mi caj c choc loq'uel i colojbal winicob mu' bʌ i cʌytʌlob. Mi caj cʌc'ob ti' c'ʌb i contra. Mi caj i chilbentelob i chubʌ'an.

Salmos 106:40

Jini cha'an lac Yum tsi' mich'le i cha'año' bʌ. Tsi' ts'a'leyob.

Salmos 78:62

Dios tsi' yʌc'ʌ i cha'año' bʌ ti' c'ʌb i contrajob tsa' bʌ i tsʌnsayob ti espada. Tsi' mich'le i cha'año' bʌ.

Isaias 2:6

C Yum Dios tsa'ix i cʌyʌ i cha'año' bʌ, i p'olbalob Jacob, come woli' jac'ob xwujtob tilemo' bʌ ti' pasibal q'uin mu' bʌ i to'ol ña'tañob chuqui tac mi' caj ti ujtel. Che' ja'el woli' jac'ob winicob mu' bʌ i pejcañob xibajob che' bajche' mi' melob jini filisteojob. Woli' temob i t'an yic'ot jini ñajt bʌ ch'oyolob.

Jeremias 11:15

Che' ujtel to i cha'len ts'i'lel jini c'uxbibil bʌ c cha'an, ¿yom ba mi' cha' ochel ti cotot? ¿Mu' ba caj i sʌc'an i pusic'al Judá yic'ot i t'an mu' bʌ i subeñon yic'ot cotol bʌ c majtan mu' bʌ i yʌq'ueñon? ¿Jasʌl ba iliyi cha'an mi' cha' taj i tijicñʌyel?

Jeremias 14:19

C Yum, ¿tsa' ba a junyajlel ts'a'le Judá? ¿Mach ba yujilic lajmel a mich'ajel? ¿Chucoch wen wocol tsa' wʌc'ʌyon lojon ti lojwel cha'an ma'anix mic lajmel lojon? Tsa cʌlʌ lojon mux i lajmel wocol, pero ma'anic. Junyajlel ch'ijiyem lojon c pusic'al.

Jeremias 17:4

Mi caj a len cʌy a chumlib yic'ot a lum tsa' bʌ cʌq'ueyet. Mi caj cʌq'uet ti to'ol e'tel ti' wenta a contrajob ya' ti yambʌ lum ti' wenta yumʌlob mach bʌ a cʌñʌyobic. Tsa'ix a wʌc'ʌyon ti mich'ajel. Bʌc'ñʌbil c mich'ajel che' bajche' c'ajc yujil bʌ lejmel ti pejtel ora.

Jeremias 22:5

Pero mi mach la' womic la' jac'beñon c t'an, mi caj i junyajlel jejmel jubel ili otot. P'ulul mi caj i cʌytʌl. Tsa'ix c wa'choco c t'an. Joñon mi caj c ts'ʌctesan, che'en lac Yum”.

Jeremias 23:33

Che' an majqui mi' tilel, mi x'alt'an o mi motomaj o yambʌ, che' mi' c'ajtibeñet: “¿Chuqui jini ch'ijiyem bʌ t'an woli bʌ i cuch lac Yum wʌle?” mi che'en, yom ma' suben: “¿Ch'ijiyem ba i t'an? Mach ch'ijiyemic i t'an, pero an cu i cuch. Jatetla i cuchetla pero mi caj i choquetla jubel”. Che'ʌch yom ma' suben, che'en lac Yum.

Jeremias 23:39

Ma'anix mi caj c chʌn cuchetla. Mi caj c choquetla jubel. Mi caj c jisañetla tic tojlel yic'ot ili tejclum tsa' bʌ cʌq'ue la' tatob.

Jeremias 51:5

Come mach cʌybilobic ti meba' Israel yic'ot Judá anquese cabʌlob i mul ti' tojlel jini Ch'ujul Bʌ ti Israel, jiñʌch i Dios, i Yum Panchan yic'ot Pañimil.

Jeremias 7:14

Jini cha'an lajal mi caj c jisan ili otot ba' tsa cʌc'ʌ ti cʌjñel j c'aba' che' bajche' tsac mele ti Silo.

Jeremias 7:29

Set'e i tsutsel a jol, Jerusalén. Cucux ti uq'uel ti a bajñelil ya' ti' chañelal wits, come chocbiletix i cha'an lac Yum woli bʌ i mich'leñet. Cʌybiletix i cha'an.

Oseas 11:1

Che' maxto anic i jabilel yilal jini calobil Israel, tsac wen c'uxbi. Tsac pʌyʌ loq'uel ti Egipto.

Oseas 9:15

Leco jax chuqui tsi' meleyob ti Gilgal. Ya' tsa' tejchi i jontolil. Ya' tsa' caji c ts'a'leñob. Mi caj c chocob loq'uel tic lumal cha'an i mul. Ma'anix mic chʌn c'uxbiñob, come i yumob tsi' ñusayob c t'an.

Joel 2:15

Wusula jini trompeta ya' ti Sion. Tempanla winicob x'ixicob. Subeñob cha'an mi' cha'leñob ch'ajb.

Joel 3:2

mi caj c pʌy majlel soldadojob año' bʌ ti pañimil ya' ti joctʌl am bʌ i c'aba' Lac Yum Mi' Cha'len Meloñel. Mi caj c tsictesʌbeñob i mul cha'an tsi' tic'layob c tejclumob. Tsi' pucuyob c cha'año' bʌ ti ñajt bʌ lum. Tsi' t'oxbeyob i bʌ jini c lum.

Lucas 21:24

Mi caj i yajlelob cha'an ti' yej machit. Mi caj i chujquelob majlel ti pejtelel lum. Jerusalén mi caj i t'uchtʌntel cha'an gentilob c'ʌlʌl mi' ts'ʌctiyel i yorajlel gentilob.

Deuteronomio 33:12

Moisés tsi' yʌlʌ cha'an Benjamín: C'uxbibilet i cha'an lac Yum, Xuc'ul ma' wajñel yic'ot. Lac Yum mi' joy cʌntanet ti jujump'ejl q'uin. Mi' yʌq'uet ti chumtʌl ti' pusic'al.