Jeremias 12:4 - Chol: I T’an Dios

⁴ ¿Jala to mi' yujtel wocol? Tiquinix lum. Tiquinix pejtel jini jam. Majlemobix bʌte'el yic'ot te'lemut. Jochol mi' cʌytʌl lum cha'an i mul xjontolilob. Mi' yʌlob: Mach jiliconla. Mach muq'uic i jisañonla Dios, che'ob.

Chol de Tumbalá Bible

⁴ ¿Jala to mi' yujtel wocol? Tiquinix lum. Tiquinix pejtel jini jam. Majlemobix bʌte'el yic'ot te'lemut. Jochol mi' cʌytʌl lum cha'an i mul xjontolilob. Mi' yʌlob: Mach jiliconla. Mach muq'uic i jisañonla Dios, che'ob.

Jeremias 12:4 Iomraidhean Croise

Salmos 107:34

Mi' sutq'uin ti pujch'em bʌ lum jini wen bʌ lum, Cha'an i jontolil jini ya' bʌ chumulob.

Salmos 50:21

Tsa'ix a mele iliyi. Tsa' ña'ta lajalon bajche'et come ma'anic chuqui tsa cʌlʌ. Mi caj c tiq'uet. Mi caj c tsictesan a mul.

Isaias 24:4

Pujch'emix pañimil cha'an i mulob winicob x'ixicob. Tiquinix jini pʌc'ʌbʌl tac, ma'anix ja'al. Cabʌl mi' p'ojlel jontolil. Jini ñuco' bʌ tsa'ix i socbeyob i mandar Dios. Tsa'ix i cʌyʌyob jini xuc'ul bʌ i t'an mu' bʌ i yajñel ti pejtelel ora.

Isaias 24:6

Jini cha'an Dios tsi' jisʌbe i c'ʌjñibal lum. Tsi' yʌc'ʌ ti wocol jini ya' bʌ chumulob. Wen jamʌl jax pañimil. Ma'anix jaytiquil mu' bʌ i cʌytʌlob.

Jeremias 12:11

Ma'anix i c'ʌjñibal. Ma'anix i yum. Wen ch'ijiyem mij q'uel. Ma'anic majqui mi' p'untan. Ma'anic majqui woli' mel i pusic'al cha'an chuqui woli' yujtel, che'en.

Jeremias 14:2

Woliyob ti uq'uel jini año' bʌ ti Judá. Ma'anix mi' tilelob xchoñoñelob ti' ti' tejclum. Pʌcʌlob ti lum woliyob ti uq'uel. Ti ñajtʌl mi' yubintel.

Jeremias 23:10

Come but'ul ili lum ti xmulilob mu' bʌ i cʌyob i pi'ʌlob cha'an i ts'i'lel. Jini cha'an ch'ijiyem ili lum. Tiquinix i buc'ujib alʌc'ʌl. Mi' yesmañob jontolil. Mach tojic bajche' mi' cha'leñob ganar.

Jeremias 4:25

Tsaj q'uele, ma'anix tsiquil winic. Laj puts'em te'lemut ti panchan.

Jeremias 4:28

Jini cha'an la' i yuc'tañob i lumal. La' mʌjquic yic'ot i'ic' bʌ pisil yilal jini q'uin, cha'an tsac cha'le t'an. Tsac wʌn ña'ta tic pusic'al bajche' mi caj c mel. Mach quepelic mi caj j cʌy. Ma'anic mij q'uextan c pusic'al, che'en lac Yum.

Jeremias 5:13

Jini x'alt'añob che' jach mi' ñumelob che' bajche' sutujt ic'. Lolom jach i t'an. Mi caj i tajob jini wocol woli bʌ i lon alob”, lon che'ob.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Jeremias 9:10

P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Jeremias 9:9

¿Mach ba yomic mi cʌc'ob ti wocol cha'an cabʌl i mul c tejclum? ¿Mach ba yomic mic sutq'uibeñob wocol cha'an che'ʌch woli' melob? che'en lac Yum.

Oseas 4:3

Jini cha'an ch'ijiyem la' lumal yic'ot pejtel jini ya' bʌ chumulob. Ma'anix mi' yʌc' i wut la' lum. Wolix ti jilel jini bʌte'el tac am bʌ ti mate'el yic'ot te'lemut tac, yic'ot i chʌñil tac colem ja'.

Joel 1:18

Jini alʌc'ʌl tsa' c'uñ'a cha'an wi'ñal. Mi' caj ti uq'uel ñumel jini tat wacax come ma'anic potrero. Wen yajyajax jini tiñʌme' come ma'anix chuqui mi' taj i c'ux.

Amos 1:2

Tsa' caji' yʌl: Lac Yum mi' cha'len t'an ya' ti Sion che' bajche' i t'an bajlum. Mi' cha'len c'am bʌ t'an ti Jerusalén. Jini cha'an obol i bʌ jini potrero tac. Tsa' caji ti tiquin i pam wits i c'aba' Carmelo, che'en.

Habacuc 3:17

Anquese ma'anic mi' cha'len ñich jini higuera te', anquese ma'anic mi' yʌc' i wut jini ts'usubil, anquese ma'anic mi' wen loq'uel i wut olivote', anquese ma'anic mi' yʌc' i wut lac pʌc'ʌb cha'an jasʌl mi laj c'ux, anquese mi' chʌmel alʌc'ʌl ya' ti potrero, anquese jochol mi' cʌytʌl jini corral,

Zacarias 1:12

Jini Angel i cha'an lac Yum tsa' caji ti oración: C Yum Añet bʌ ti Panchan yic'ot ti Pañimil, anix lujump'ejl i chʌnc'al (70) jab wola' pʌsbeñob a mich'lel jini año' bʌ ti Jerusalén yic'ot ti Judá. ¿Jal to ba mi caj i lajmel a mich'lel cha'an ma' cha' p'untañob? che'en.

Romanos 8:22

Come la cujil temel woli ti ajacniyel pejtelel jini pañimil. Woli ti bajq'uel yilal c'ʌlʌl wʌle.