Jeremias 12:3 - Chol: I T’an Dios

³ A cʌñʌyon c Yum. A wujil com c tsajcañet. C Yum, tujc'añon loq'uel che' bajche' tiñʌme' mu' bʌ caj i yʌjq'uel ti chʌmel. Meleyob c Yum.

Chol de Tumbalá Bible

³ A cʌñʌyon c Yum. A wujil com c tsajcañet. C Yum, tujc'añon loq'uel che' bajche' tiñʌme' mu' bʌ caj i yʌjq'uel ti chʌmel. Meleyob c Yum.

Jeremias 12:3 Iomraidhean Croise

1 Cronicas 29:17

C Yum Dios, cujil jatet ma' cʌmben i pusic'al winicob x'ixicob. Uts'at ma' q'uelob che' mi' melob chuqui uts'at ti jump'ejl i pusic'al. Ti pejtelel c pusic'al tsa'ix cʌq'ueyet ili a majtan. Che' ja'el ti pejtelelob woli' yʌq'ueñetob a majtan ti' tijicñʌyel i pusic'al.

Job 23:10

Pero yujil Dios baqui mic majlel. Che' bʌ tsa'ix ujti i q'uelbeñon c pusic'al, mi caj c loq'uel che' bajche' oro.

Salmos 11:5

Lac Yum mi yilʌben i pusic'al jini toj bʌ winic. Ti pejtelel i pusic'al mi' ts'a'len jini jontol bʌ winic yic'ot jini mu' bʌ i lon mulan jisaya.

Salmos 139:23

Tsajiñon, Dios. Q'uelbeñon c pusic'al. Cʌmbeñon c pensar.

Salmos 17:3

Tsa'ix a wilʌbeyon c pusic'al. Tsa' wʌc'ʌyon ti prueba ti ac'ʌlel. Tsa' q'uele ma'anic jontolil tic pusic'al. Ma'anic jontol bʌ c t'an.

Salmos 26:1

C Yum, tsictesañon cha'an tojon. Xuc'ul tsac mele chuqui wen. Tsa'ix c ñopoyet ti' xuc'tilel c pusic'al.

Salmos 7:9

La' jilic i jontolil jini jontol bʌ. Coltan jini tojo' bʌ cha'an mi' chʌn melob chuqui toj. Come Dioset, tojet, wola' q'uelbeñon lojon c pusic'al yic'ot c ch'ujlel lojon.

Jeremias 15:15

Laj a wujil, c Yum. Chʌn coltañon. Ac'ʌyob ti toj mulil jini mu' bʌ i tic'lañoñob. Ti' yutslel a pusic'al mach ma' wʌc'on ti cʌjchel majlel. Ña'tan wolic ts'a'lentel cha'an xuc'ulon quic'otet.

Jeremias 17:16

A wujil, c Yum. Ma'anic tsaj c'ajtibeyet jini ñuc bʌ wocol. Mach comic mi' jisʌntelob a cha'año' bʌ. Jatet a wujil baqui tilem pejtel c t'an tsa' bʌ cʌlʌ.

Jeremias 17:18

Ac'ʌyob ti quisin jini woli bʌ i tic'lañoñob. Pero mach ma' wʌc'on ti quisin. La' toj sajticob i pusic'al, pero mach yomic mi' toj sajtel c pusic'al. La' i tajob jini ñuc bʌ wocol che' ti' q'uiñilel. Yom cha'yajl ma' jisañob.

Jeremias 20:12

Jatet i Yumet Panchan yic'ot Pañimil, ma' lu' cʌmbeñob i pusic'al jini tojo' bʌ. A wujil bajche' mi' ña'tañob ti' pusic'al pejtel winicob. Meleyob c Yum. La' i tojob i mul. Come Xmeloñelet c cha'an. Añon ti a wenta.

Jeremias 48:15

Talob mu' bʌ caj i jisañob Moab yic'ot pejtel i tejclum. Jini ch'iton winicob ti Moab tsa'ix majliyob ti chʌmel. Mi caj i tsʌnsʌntelob ti guerra. Che' tsi' yʌlʌ jini Rey, i Yum Panchan yic'ot Pañimil. Che'ʌch i c'aba'.

Jeremias 50:27

Tsʌnsanla pejtelel winicob. Obolob i bʌ, come i yorajlelix mi' tojob i mul.

Jeremias 51:4

Mi caj i yajlelob ti bij ya' ti Caldea. Mi caj i chʌmelob.

Juan 21:17

Jesús tsi' cha' c'ajtibe ti' yuxyajlel: Simón, i yalobilet bʌ Juan, ¿mu' ba a c'uxbiñon? che'en. Pedro tsa' caji i mel i pusic'al come tsi' c'ajtibe ti' yuxyajlel: “¿Mu' ba a c'uxbiñon?” Tsi' sube: C Yum, a wujil pejtelel chuqui tac an. A wujil mij c'uxbiñet. Jesús tsi' sube: Aq'uen i buc'bal c tiñʌme'.

Santiago 5:5

Wen chumuletla wʌ' ti pañimil. Tijicña tsa' la' ñusa q'uin. Ma'anic tsa' la' tiq'ui la' bʌ. Tsa' la' jujp'esa la' pusic'al cha'an jini q'uin che' mi caj la' tsʌnsʌntel.

2 Pedro 2:12

Pero ili winicob mi' cha'leñob t'an ti' contra jini mach bʌ anic mi' ch'ʌmbeñob isujm. Tontojob che' bajche' bʌte'el mu' bʌ i yilan pañimil cha'an mi' yʌjquel, cha'an mi' tsʌnsʌntel. Mi caj i jilelob yic'ot i bibi'lel.