Jeremias 12:12 - Chol: I T’an Dios

¹² Julemobix jini yujilo' bʌ jisaya i wentajobʌch i yespada lac Yum. Pam pujquemob ti pam wits ba' ma'anic pʌc'ʌbʌl. Baqui jach añob woliyob ti jisaya. Ma'anic majqui ñʌch'ʌl. Woliyob ti bʌq'uen pejtel winicob.

Chol de Tumbalá Bible

¹² Julemobix jini yujilo' bʌ jisaya i wentajobʌch i yespada lac Yum. Pam pujquemob ti pam wits ba' ma'anic pʌc'ʌbʌl. Baqui jach añob woliyob ti jisaya. Ma'anic majqui ñʌch'ʌl. Woliyob ti bʌq'uen pejtel winicob.

Jeremias 12:12 Iomraidhean Croise

Isaias 34:6

Come ya' mi' caj i tojob i mul. Bombilix i yespada lac Yum ti' ch'ich'el yic'ot ti' lewil tiñʌme' yic'ot chivo tac. Ya' ti Edom mi caj i tsʌnsʌbentel cabʌl i majtan lac Yum.

Isaias 57:21

Mach i tajayobic i ñʌch'tʌlel i pusic'al jini jontolo' bʌ, che'en Dios.

Jeremias 15:2

Che' mi' yʌlob: “¿Baqui yom mic majlel lojon?” subeñob: “La' majlicob ti chʌmel jini mu' bʌ caj i chʌmelob. La' jejq'uicob ti espada jini mu' bʌ caj i jejq'uelob ti espada. La' chʌmicob ti wi'ñal jini mu' bʌ caj i yubiñob wi'ñal. La' majlicob ti yambʌ lum jini mu' bʌ caj i cʌjchelob majlel”. Che' yom ma' subeñob.

Jeremias 16:5

Tsi' yʌlʌ lac Yum: Mach ma' wochel ti otot ba'an ch'ujlelʌl. Mach ma' wuc'tan, mach a ñʌch'tesʌbeñob i pusic'al i pi'ʌlob, come mach chʌn utsix mij q'uelob. Ma'anix mi caj c p'untañob. Ma'anic mi caj j coltañob, che'en lac Yum.

Jeremias 25:11

Pujch'emix mi' majlel ili lum. Jini cʌchbilo' bʌ loq'uel ti' lumal mi caj i yumañob Nabucodonosor rey ti Babilonia. Lujump'ejl i chʌnc'al jab (70) mi caj i jac'ob.

Jeremias 3:2

Pam q'uele jini bujtʌl tac. ¿Am ba jump'ejl bujtʌl ba' mach tic'lʌbiletic? Tsa' pijta a pi'ʌlob ti' t'ejl bij che' bajche' mi' mel árabe ti jochol bʌ lum. Tsa' bib'esa jini lum ti a ts'i'lel yic'ot a jontolil.

Jeremias 3:21

Mi cubibeñob i t'an i yalobilob Israel ya' ba' ma'anic te'el ti pam wits. Woliyob ti uq'uel. Woliyob ti c'ajtiya. Woli' melob i pusic'al cha'an tsa' sajtiyob ti bij. Tsa'ix ñajʌyi i cha'añob i Yum.

Jeremias 30:5

Tsi' yʌlʌ lac Yum: Ubibilix c cha'an i t'an jini tsiltsilñayo' bʌ ti bʌq'uen. Ma'añobic i ñʌch'tʌlel i pusic'al.

Jeremias 34:17

Jini cha'an lac Yum woli' yʌl: Ma'anic tsa' la' jac'ʌ c t'an cha'an mi la' wʌc' ti colel la' pi'ʌlob woliyo' bʌ ti majtan e'tel. La' wila to, woli cʌq'uetla ti libre cha'an mi la' chʌmel ti espada yic'ot ti c'amʌjel yic'ot ti wi'ñal, che'en lac Yum. Mi caj i toj sajtelob i pusic'al pejtel winicob ti pañimil che' mi' q'ueletla.

Jeremias 4:27

Come lac Yum tsi' yʌc'ʌ ti jisʌntel jini lum che' bajche' tsi' yʌlʌ: Pero mach jilic i colojbal c winicob x'ixicob, che'en lac Yum. Lamital jach mi caj i cʌytʌl.

Jeremias 46:10

Pero jiñʌch i Yum Panchan yic'ot Pañimil mu' bʌ caj i mʌjlel i cha'an ti jim bʌ q'uin. Mi caj i q'uextʌbeñob i mul i contrajob. Mi caj i yʌq'ueñob i toj i mul jini egiptojob. Jini caldeojob mi caj i tsʌnsañob egiptojob ti espada ya' ti norte ti' t'ejl jini ja' Eufrates. Mi caj i yʌq'uentel tsʌnsʌbil bʌ i majtan lac Yum Dios, i Yum Panchan yic'ot Pañimil.

Jeremias 47:6

Mach yujilic ñʌjch'el i yespada lac Yum. ¿Jal to ba mi caj a cha' otsan espada ti' yotot? La' ajnicon lojon, che'etla.

Jeremias 48:2

Ma'anix i ñuclel Moab. Ya' ti Hesbón tsi' temeyob i t'an cha'an mi' contrajiñob: “Conla. La' lac jisan”, che'ob. Ñʌch'ʌl mi caj i cʌytʌl Madmena. Mi caj i laj puts'elob i winicob, ajñesʌbilob ti espada.

Jeremias 8:15

Tsa' la cʌlʌ tal i ñʌch'tʌlel lac lumal, pero ¿bacan tsa' tili? Tsa' la cʌlʌ tal i yorajlel lajmesaya, pero talob i jisañonla laj contrajob.

Lamentaciones 3:17

C Yum, ma'anix i ñʌch'tʌlel c pusic'al. Anix ora tsa' chilbeyon pejtel tijicña bʌ.

Ezequiel 14:17

Che' mic choc tilel guerra cha'an mi' laj jisʌntelob yic'ot espada, ma'anic bajche' mi caj i coltʌntelob.

Ezequiel 21:28

I yalobil winic, suben jini amoñob ili t'an come tsi' wajleyob c tejclumob che' woliyob ti wocol: “Lac Yum woli' yʌl: Bots'bilix jini espada cha'an mi' set' t'ojben i bic' jini amoñob. Wen juc'bil jini espada cha'an jisaya.

Ezequiel 21:4

Cha'an mic jisan jini xmulilob yic'ot jini tojo' bʌ, bots'bil quespada mi caj c ñumel ti contra pejtelel winicob año' bʌ ti norte yic'ot ti Neguev.

Ezequiel 21:8

Tsa' cha' tili i t'an lac Yum ba' añon: I yalobil winic, subeñob ili t'an: “Jini espada mu' bʌ caj i tilel, wen juc'bil i yej. Chajpʌbil jini espada cha'an mi' tsʌnsan winicob. ¿Yom bʌ tijicña mi la' wubin? Tsa'ix jisʌntiyob ñumen p'ʌtʌlo' bʌ bajche' jatetla”, che'en lac Yum Dios.

Ezequiel 5:2

Yom ma' wʌc' jump'is ya' ti yojlil i planojlel Jerusalén. Ya'i mi caj a pul che' ujtemix a wubin jini wocol. Yambʌ jump'is mi caj a tsep yic'ot espada ya' ti' joytʌlel i planojlel tejclum. Yambʌ jump'is mi caj a puc ti ic', i wentajlel c tejclumob mu' bʌ caj cajñesan yic'ot espada.

Levitico 26:33

Mi caj c pam puquetla ti pejtelel pañimil. Mi caj cʌq'uetla ti jilel ti espada. Che' jini jochocña mi caj i cʌytʌl la' lum yic'ot la' tejclum tac.

Amos 9:4

Mi cʌchʌl mi' pʌjyelob majlel ti' lumal i contrajob, mi caj cʌc' mandar cha'an mi' tsʌnsʌntelob ti espada. Joñon mi caj j q'uelob cha'an mij contrajiñob. Ma'anic mi caj j coltañob, che'en lac Yum.

Sofonias 2:12

Jatetla ja'el añet bʌ la ti Etiopía mi caj la' tsʌnsʌntel ti guerra.

Deuteronomio 32:42

Mi caj c julob ti jalʌjb. On mi caj c bec'beñob i ch'ich'el. Mi caj c tsepbeñob i bʌc'tal j contrajob ti espada. Chʌctilan i ch'ich'el i jol j contrajob, che'en lac Yum.

Apocalipsis 6:4

Tsa' loq'ui tilel yambʌ caballo, wen chʌchʌc. Jini c'ʌchʌl bʌ ti' pat caballo tsa' aq'uenti i p'ʌtʌlel cha'an mi' tech guerra ti' tojlel winicob cha'an mi' tsʌnsañob i bʌ. Tsa' aq'uenti junts'ijt colem espada.