Jeremias 12:11 - Chol: I T’an Dios

¹¹ Ma'anix i c'ʌjñibal. Ma'anix i yum. Wen ch'ijiyem mij q'uel. Ma'anic majqui mi' p'untan. Ma'anic majqui woli' mel i pusic'al cha'an chuqui woli' yujtel, che'en.

Chol de Tumbalá Bible

¹¹ Ma'anix i c'ʌjñibal. Ma'anix i yum. Wen ch'ijiyem mij q'uel. Ma'anic majqui mi' p'untan. Ma'anic majqui woli' mel i pusic'al cha'an chuqui woli' yujtel, che'en.

Jeremias 12:11 Iomraidhean Croise

Eclesiastes 7:2

Uts'at mi lac cha'len jula' ti' yotot ba' tsa' chʌmi juntiquil lac pi'ʌl. Lolom jach mi lac jula'tan xq'uiñijelob, come jujuntiquil winic mi caj i yuc'tʌntel ja'el. Come mi caj lac chʌmel ti pejtelonla. Yom mi lac p'is ti lac wenta che' cuxulon tola.

Isaias 42:25

Jini cha'an Dios tsi' wersa pʌsbeyob i mich'lel. Tsi' jisayob ti guerra. Anquese joyolob ti c'ajc, ma'anic tsi' ch'ʌmbeyob isujm. Ma'anic tsi' ñopoyob mi tilem ti Dios.

Isaias 57:1

Jini toj bʌ winic mi' chʌmel. Ma'anic majch mi' c'o'otan. Jini xuc'ul bʌ winicob mi' chʌmelob che' maxto i yorajlelic. Jini cuxulob to bʌ ma'anic mi' wis ña'tañob pʌybil jini toj bʌ i cha'an Dios ba' mach i q'ueleyic jini wocol mu' bʌ caj i tilel ti' tojlelob.

Jeremias 10:22

Ubinla. Motocñayob xguerrajob. Talob ti xʌmbal ya' ti norte. I tejclum tac Judá mi caj i sujtelob ti' ch'eñal jontol bʌ ts'i'.

Jeremias 10:25

Pʌsbeñob a mich'ajel yan tac bʌ tejclum mach bʌ anic mi' cʌñet, mach bʌ anic mi' pejcañet, come tsi' jisayob Jacob. Tsi' laj jisʌbeyob i tejclum tac.

Jeremias 14:2

Woliyob ti uq'uel jini año' bʌ ti Judá. Ma'anix mi' tilelob xchoñoñelob ti' ti' tejclum. Pʌcʌlob ti lum woliyob ti uq'uel. Ti ñajtʌl mi' yubintel.

Jeremias 19:8

Mi caj i toj sajtel i pusic'al majqui jach mi' q'uel ili tejclum che' jisʌbilix c cha'an ti ñuc bʌ wocol.

Jeremias 23:10

Come but'ul ili lum ti xmulilob mu' bʌ i cʌyob i pi'ʌlob cha'an i ts'i'lel. Jini cha'an ch'ijiyem ili lum. Tiquinix i buc'ujib alʌc'ʌl. Mi' yesmañob jontolil. Mach tojic bajche' mi' cha'leñob ganar.

Jeremias 25:11

Pujch'emix mi' majlel ili lum. Jini cʌchbilo' bʌ loq'uel ti' lumal mi caj i yumañob Nabucodonosor rey ti Babilonia. Lujump'ejl i chʌnc'al jab (70) mi caj i jac'ob.

Jeremias 4:20

Mach lajmix jisaya. Mi' ñumel junchajp, mi' tilel yambʌ. Laj jisʌbil lac lumal. Mi' bʌc' q'uejchel majlel pejtel jini pisil bʌ cotot. Ti jumuc' jach lu' tsijlem jini joc'ol bʌ pisil.

Jeremias 4:27

Come lac Yum tsi' yʌc'ʌ ti jisʌntel jini lum che' bajche' tsi' yʌlʌ: Pero mach jilic i colojbal c winicob x'ixicob, che'en lac Yum. Lamital jach mi caj i cʌytʌl.

Jeremias 4:28

Jini cha'an la' i yuc'tañob i lumal. La' mʌjquic yic'ot i'ic' bʌ pisil yilal jini q'uin, cha'an tsac cha'le t'an. Tsac wʌn ña'ta tic pusic'al bajche' mi caj c mel. Mach quepelic mi caj j cʌy. Ma'anic mij q'uextan c pusic'al, che'en lac Yum.

Jeremias 6:8

Jac'ʌ a cʌntesʌntel Jerusalén. La' jultesʌntic a pusic'al ame mic junyajlel tʌts' c bʌ ti a tojlel, ame mic chilbeñet a lum, che'en.

Jeremias 9:10

P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Jeremias 9:11

Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Jeremias 9:9

¿Mach ba yomic mi cʌc'ob ti wocol cha'an cabʌl i mul c tejclum? ¿Mach ba yomic mic sutq'uibeñob wocol cha'an che'ʌch woli' melob? che'en lac Yum.

Joel 1:10

Ma'anix chuqui an ti pʌc'ʌbʌl. Wen ch'ijiyemob ti pejtelel pañimil, come jilemix jini trigo yic'ot ts'usub yic'ot jini aceite loq'uem bʌ ti olivote'.

Levitico 26:32

Jochocña' mi caj i cʌytʌl jini pañimil. La' contrajob mi caj i yajñelob ti la' lumal. Mi caj i toj sajtelob i pusic'al cha'an la' wocol.

Zacarias 7:5

Subeñob pejtel winicob yic'ot jini motomajob: “Che' bʌ tsa' la' cha'le ch'ajb yic'ot uq'uel che' ti agosto yic'ot ti octubre ti jujump'ejl jab ili lujump'ejl i chʌnc'al (70) jab tsa' bʌ ñumi ya' ti Babilonia, ¿tsa' ba la' cʌyʌ la' mul cha'an mi la' tsajcañon? Ma'anic.

Malaquias 2:2

Mi ma'anic mi la' ñich'tʌbeñon c t'an, mi ma'anic mi la' wʌc' ti la' pusic'al, mi caj c chocbeñetla tilel castigo. Mi' caj ti jilel pejtelel jini uts'at tac bʌ woli bʌ la' q'uel. Mi caj la' taj cabʌl wocol. Ma'anic mi caj cʌq'ueñetla tijicña bʌ che' bajche' com. Wersa mi caj la' toj la' mul, come ma'anic tsa' la' p'isi ti wenta jini mu' bʌ c subeñetla.

Romanos 8:22

Come la cujil temel woli ti ajacniyel pejtelel jini pañimil. Woli ti bajq'uel yilal c'ʌlʌl wʌle.