Jeremias 12:10 - Chol: I T’an Dios

¹⁰ Jini año' bʌ i ye'tel cha'an mi' cʌntañob c tiñʌme' tsa'ix i biy t'uchtayob c ts'usubil. Tsi' tic'layob c lum ba' tsa' ñumiyob. Jini i t'ojol jax bʌ c lum tsa'ix sujti ti colem bʌ xajlelol wen ch'ijiyem bʌ.

Chol de Tumbalá Bible

¹⁰ Jini año' bʌ i ye'tel cha'an mi' cʌntañob c tiñʌme' tsa'ix i biy t'uchtayob c ts'usubil. Tsi' tic'layob c lum ba' tsa' ñumiyob. Jini i t'ojol jax bʌ c lum tsa'ix sujti ti colem bʌ xajlelol wen ch'ijiyem bʌ.

Jeremias 12:10 Iomraidhean Croise

Isaias 3:14

Lac Yum mi caj i pʌy jini xñoxob yic'ot i yumob tejclum tac cha'an mi' melob. Mi caj i subeñob: An la' mul ti' tojlel c cha'año' bʌ. Tsa'ix la' jisa c ts'usubil. Tsa' la' xujch'ibeyob i chubʌ'an jini p'ump'uño' bʌ. Lotolix ti la wotot.

Isaias 43:28

Jini cha'an tsac loc'sa a motomajob ti' ye'tel. Tsa cʌc'ʌ ti p'ajtʌl jini israelob. Mi caj i yubiñob quisin.

Isaias 63:18

Jini Jerusalén poj jumuc' jach an tic wenta lojon. Tsa' juli laj contrajob. Tsi' chilbeyon lojon. Tsi' t'uchtayob.

Jeremias 23:1

Obol i bʌ jini xcʌnta tiñʌme' mu' bʌ i yʌc' ti pam pujquel c tiñʌme'. Mi caj i tojob i mul cha'an tsi' yʌc'ʌyob ti jisʌntel c cha'año' bʌ, che'en lac Yum.

Jeremias 25:37

Ya' ba' ñʌch'ʌlob winicob x'ixicob mi' cajelob ti tsʌnsʌntel cha'an mich' lac Yum.

Jeremias 25:38

Tsa'ix loq'ui i sʌclan i buc'bal che' bajche' bajlum. Jocholix i lumal Judá. Cha'an mich' lac Yum tsa' jisʌntiyob ti espada jini ya' bʌ chumulob.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 3:19

Tsa cʌlʌ tic pusic'al: Tijicñayon che' mi cʌq'ueñetla la' ñuclel yic'ot calobilob ti jini wen bʌ lum, jini i t'ojol jax bʌ ti' wutob pejtel tejclum tac. Che' jini mi caj la' pejcañon ti uts'at. Ma'anix mi caj la' chʌn xoy la' bijlel cha'an mi la' cʌyon, cho'on tic pusic'al.

Jeremias 39:3

Pejtel jini yumʌlob ch'oyolo' bʌ ti Babilonia tsa' tiliyob ti buchtʌl ya' ti' ti' ts'ajc xinlʌpʌl bʌ an. Ya' añob Nergal Sarezer yic'ot Samgar Nebo yic'ot Sarsequim yic'ot Rabsaris yic'ot yambʌ Nergal Sarezer jini ñuc bʌ i yaj coltaya rey yic'ot pejtel jini yumʌlob chocbilo' bʌ tilel cha'an i rey Babilonia.

Jeremias 6:3

Talob i tic'lañet jontol bʌ xcʌnta tiñʌme'ob. Mi caj i joy mʌquetob. Mi caj i chilob a lum cha'an mi' buc'sañob i yʌlac'.

Jeremias 9:10

P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Ezequiel 34:5

Tsa' pam pujquiyob c tiñʌme', come ma'anic i cʌntʌntel. Tsa' sujtiyob ti' we'el bʌte'el.

Daniel 8:13

Tsa cubibe i t'an cha'tiquil ángelob. Juntiquil tsi' c'ajtibe yambʌ: ¿Baqui ora mi caj i cha' pulbentel i majtan Dios ti jujump'ejl q'uin ya' ti pulʌntib? ¿Jala to mi caj i bib'esʌntel jini Ch'ujul bʌ Ajñibʌl i cha'an lac Yum? ¿Baqui ora mi caj i q'uextʌbentel i jontolil? ¿Baqui ora mi caj i mʌjlel i cha'an xñopt'añob?

Zacarias 7:14

Tsac pam pucuyob che' bajche' p'ʌtʌl bʌ ic' ti ñajt tac bʌ pañimil ti' tojlel jini mach bʌ i pi'ʌlobic. Ch'ijiyem tsa' cʌle i lum. Ma'anic majqui tsa' chʌn ñumi ya'i. Jochol tsa' cʌle jini uts'at bʌ lum tsa' bʌ i lon mulayob. Che' tsi yʌlʌ i Yum Panchan yic'ot Pañimil.

Lucas 21:14

Chʌn ña'tanla mach yomic mi la' wʌn mel la' pusic'al cha'an bajche' mi caj la' jac' cha'an mi la' coltan la' bʌ.

Apocalipsis 11:2

Mach a p'is i pam Templo am bʌ ti' mal corral. La' to ajnic. Aq'uebilix gentilob. Cha'p'ejl i yuxc'al (42) uw mi caj i t'uchtañob jini ch'ujul bʌ tejclum.