Jeremias 12:1 - Chol: I T’an Dios

¹ Tojet c Yum anquese mach tijicñayonic. La' c subeñet chuqui mach tojic woli bʌ i yujtel. ¿Chucoch tijicñayob jini xjontolilob? ¿Chucoch wen chumulob jini yujilo' bʌ lotiya?

Chol de Tumbalá Bible

¹ Tojet c Yum anquese mach tijicñayonic. La' c subeñet chuqui mach tojic woli bʌ i yujtel. ¿Chucoch tijicñayob jini xjontolilob? ¿Chucoch wen chumulob jini yujilo' bʌ lotiya?

Jeremias 12:1 Iomraidhean Croise

Genesis 18:25

¿Mu' ba caj a tsʌnsan jini tojo' bʌ yic'ot jontolo' bʌ? Che' jini junlajalob yilal jini tojo' bʌ yic'ot jontolo' bʌ. Pero mach che'ic ma' mel. Jini xMeloñel mu' bʌ i mel pejtel año' bʌ ti pañimil, ¿mach ba muq'uic i melob ti toj? Mu' cu. Che' tsi' yʌlʌ Abraham.

Esdras 9:15

Tojet c Yum, i Dioset bʌ Israel. P'untañon lojon, come i colojbalon lojon Israel mu' bʌ c ñopet lojon. Wʌ' añon lojon ti a tojlel yic'ot c mul lojon. Muq'uic a wen melon lojon ti toj, ma'anic majqui mi mejlel i wa'tʌl ti a tojlel. Cho'on tsac sube ti oración.

Nehemias 9:33

Tsa' pʌsʌ a bʌ ti toj che' bʌ tsa' chocbeyon lojon tilel wocol. Che'ʌch tsa' mele come xuc'ulet. An c mul lojon cha'an tsac mele lojon jontolil.

Job 12:6

Jini xujch'ob mi' wen chumtʌlob cha'an i xujch'. Jini mu' bʌ i contrajiñob Dios mi' chʌn cha'leñob bajche' jach yomob i pusic'al. Dios mi' we'sañob, mi' coltañob.

Job 13:3

Muq'uic c taj Dios Mach bʌ Anic i P'isol i P'ʌtʌlel, mi cochel ti t'an quic'ot.

Job 24:12

Ya' ti colem tejclum woliyob ti ajcʌn lajal bajche' woli' cajelob ti chʌmel. Jini lojwemo' bʌ mi' c'ajtiñob i coltʌntel ti wocol t'an, pero Dios ma'anic mi' coltañob.

Job 24:23

Mi' cha' p'ʌtesañob. Mi' cha' ch'ejl'añob. Pero Dios woli' chʌcʌ q'uelbeñob i bijlel.

Job 8:17

Chucul i wi' ti' jajp ts'ʌlʌl bʌ xajlel.

Salmos 116:5

Uts lac Yum, toj ja'el. Mi' p'untañonla lac Dios.

Salmos 119:137

Tojet c Yum, toj ma' cha'len meloñel.

Salmos 119:75

Cujil toj ma' cha'len meloñel, c Yum. Tsa' wʌq'ueyon wocol ti' xuc'tilel a pusic'al cha'an ma' ju'sʌbeñon c pusic'al.

Salmos 145:17

Toj lac Yum ti pejtelel chuqui tac mi' mel. Tsiquil i yutslel ti pejtelel i melbal.

Salmos 37:1

Mach a cha'len tsic pusic'al cha'an i mul jini mu' bʌ i cha'leñob jontolil. Mach ma' mulʌbeñob i chubʌ'an xmulilob.

Salmos 37:35

Tsaj q'uele c'ax jontol juntiquil winic. Ñuc tsi' mele i bʌ bajche' te' mu' bʌ ti wen colel.

Salmos 51:4

Tsaj contrajiyet che' bʌ tsac cha'le jontolil ti a wut. Che' jini tsa cʌc'ʌ ti tsictiyel tojʌch a t'an, Sʌcʌch a meloñel.

Salmos 51:6

A wom a taj chuqui tac isujm ti' pusic'al winic, Jini cha'an aq'ueñon c wen ch'ʌmben isujm chuqui a wom.

Salmos 92:7

Anquese mi' p'ojlelob jini jontolo' bʌ che' bajche' mi' pasel jam, lolom jach. Come mux i jisʌntelob. Mach colicob ti pejtelel ora.

Proverbios 1:32

Come i sajtemal jini tontojo' bʌ mi caj i tsʌnsañob. Jini lon xuc'ulo' bʌ i pusic'al cha'an i chubʌ'an mi caj i jilelob.

Eclesiastes 8:14

Wolic ña'tan junchajp wocol mu' bʌ i yujtel ti pañimil. An tojo' bʌ mu' bʌ i yubiñob wocol lajal bajche' xjontolilob. An ja'el xjontolilob mu' bʌ i tajob i wenlel che' bajche' jini tojo' bʌ. ¿Chucoch tsa'? Wocol jax jini. Lolom jach ja'el.

Isaias 41:21

La'la mele la' bʌ ba' añon. Subeñon chuqui i c'ʌjñibal jini dioste' tac la' cha'an, che'en lac Yum Dios, i Rey Israel.

Isaias 48:8

Mach ubibilic a cha'an. Mach cʌmbilic a cha'an ti pejtelel ora. Anix ora wola' mel a bʌ ti xcojc, come mach xuc'uletic, ch'aplomet jax c'ʌlʌl che' bʌ tsa' wila pañimil.

Jeremias 11:20

C Yum, i Yumet Panchan yic'ot Pañimil. Toj ma' cha'len meloñel. Lu' cʌñʌl a cha'an i pusic'al winicob. Ac'ʌyob ti toj mulil come tsa'ix cʌc'ʌ c bʌ ti a wenta cha'an ma' melon cho'on.

Jeremias 12:6

Jini a wijts'iñob yic'ot a pi'ʌlob año' bʌ ti' yotot a tat tsi' yʌc'ʌyet ti' c'ʌb a contrajob. Tsi' yajñesayet ti lot cha'an ma' majlel ti puts'el. Mach a ñopbeñob i t'an anquese uts mi' pejcañetob.

Jeremias 3:20

Pero lajal tsa' la' melbeyon che' bajche' x'ixic yujil bʌ lotiya mu' bʌ i cʌy i ñoxi'al. Tsa'ix la' cʌyʌyon, tsa'ix la' wʌc'ʌ la' bʌ cha'an mi la' c'uxbin dios te' tac”, che'en lac Yum Dios.

Jeremias 3:7

Che' cabʌl i mul Israel, tsac sube: “La', sujten ba' añon”, cho'on. Pero ma'anic tsa' sujti. Ma'anic tsi' jac'ʌ.

Jeremias 32:16

Che' bʌ tsa' ujti cʌq'uen jun Baruc (i yalobil Nerías), tsac pejca lac Yum. Tsac sube:

Jeremias 5:11

Come junlajalob Judá yic'ot Israel. Tsi' junyajlel cʌyʌyoñob.

Jeremias 9:2

Uts'at anic c cha'an otot cha'an mic majlel ti chumtʌl ya' ti tiquin bʌ lum. Comix j cʌy c pi'ʌlob come laj sojquemob ti' ts'i'lel. Laj yujilob lotiya.

Lamentaciones 1:18

Sion woli' yʌl: Toj lac Yum ti pejtelel i melbal, pero an c mul cha'an tsac ñusʌbe i t'an. Ubin c t'an che' jini, pejtel winicob. Q'uele c wocol. Majlemobix ti to'ol e'tel jini calobilob, jini xch'ocob yic'ot ch'itoñob c'uxbibilo' bʌ c cha'an.

Ezequiel 18:25

Pero jatetla mi la' lon al: “Mach utsic lac Yum che' jini”, che'etla. Pero ubinla wʌle pejtelel israelob: ¿Mach ba uts'atic bajche' mic mel? ¿Mach ba lecojic bajche' mi la' mel jatetla?

Daniel 9:14

Jini cha'an c Yum, tsa'ix a choco tilel jini ñuc bʌ wocol cha'an ma' ts'ʌctesan a t'an, come tojet c Yum Dios ti pejtelel a melbal. Ma'anic tsac ñich'ta lojon a t'an.

Daniel 9:7

Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

Oseas 6:7

Pero lajaletla bajche' Adán tsa' bʌ i ñusʌbeyon c t'an. Tsa'ix la' cʌyʌyon.

Habacuc 1:4

Ma'anix i p'ʌtʌlel a mandar ba' ma'anic mi' jac'ob. Mach tojix mi' yujtel meloñel che' bajche' yom. Come an cabʌl xjontolilob, pero ma'anic jaytiquil tojo' bʌ. Jini xmeloñel mi' ch'ʌm i majtan ti' c'ʌb jini am bʌ i mul. Jini cha'an mach tojic mi' loq'uel jini meloñel.

Sofonias 3:5

Pero ya'an lac Yum ti yojlil tejclum. Ma'anic mi' mel jontolil. Ti jujump'ejl sʌc'ajel toj mi' melonla. Mi' pʌsbeñonla chuqui toj. Mi' ts'ʌctesan i t'an. Pero jini xmulil mach yujilic quisin.

Malaquias 2:17

Tsa'ix lujb'a lac Yum cha'an ti' caj la' t'an. Pero mi la' wʌl: ¿Chuqui tsa' lac tumbe lac Yum? che'etla. Tsa' lujb'a lac Yum come tsa' la' lon alʌ uts'at jontolil. Tsa' la' lon alʌ ma'anic mi caj i yʌc' castigo Dios.

Deuteronomio 32:4

Jiñʌch xajlel. Ts'ʌcʌl i ye'tel. Tojʌch pejtelel mu' bʌ i mel. Xuc'ulʌch, ma'anic i mul.