Jeremias 11:6 - Chol: I T’an Dios

⁶ Lac Yum tsi' subeyon: Subeñob pejtel ili t'an jini chumulo' bʌ ti' tejclum tac Judá yic'ot ti Jerusalén: Ñich'tanla jini xuc'ul bʌ c t'an. Melela.

Chol de Tumbalá Bible

⁶ Lac Yum tsi' subeyon: Subeñob pejtel ili t'an jini chumulo' bʌ ti' tejclum tac Judá yic'ot ti Jerusalén: Ñich'tanla jini xuc'ul bʌ c t'an. Melela.

Jeremias 11:6 Iomraidhean Croise

Salmos 15:5

Ma'anic mi' ch'ʌm i jol taq'uin che' mi' yʌc' ti majan. Ma'anic mi' ch'ʌm taq'uin cha'an mi' tic'lan jini mach bʌ anic i mul. Jini toj bʌ mu' bʌ i mel pejtel iliyi, chʌn xuc'ul mi' caj ti ajñel.

Isaias 58:1

Cha'len c'am bʌ oñel. Mach a cha'len bʌq'uen. Cha'len t'an che' bajche' trompeta. Tiq'ui c cha'año' bʌ cha'an i mul.

Jeremias 19:2

Loq'uen ti tejclum. Yom majliquet ti joctʌl Ben Hinom lʌc'ʌl ti' ti' tejclum am bʌ ti' pasibal q'uin. Ya' yom ma' sub pejtelel ili t'an woli bʌ c subeñet.

Jeremias 2:2

Cucu subeñob c t'an jini winicob ti Jerusalén: “C'ajal to c cha'an bajche' añet che' ch'o'ch'oquet. Wen bʌxet tic tojlel. Wen cabʌl a c'uxbiya che' bajche' ti' yorajlel ñujpuñijel. Tsa' wen tsajcayon ti colem tiquin lum ba' ma'anic pʌc'ʌbʌl.

Jeremias 3:12

Cucu ti' tojel norte ba'an Israel. Suben ili t'an: “Tsa' cʌyʌyon, Israel, pero sujtenix, che'en lac Yum. Mach mich'onic, come wen cujil p'untaya. Lac Yum tsi' yʌlʌ: Mach ti pejtelelic ora mi caj c mich'leñet.

Zacarias 7:7

Che'ʌch ja'el tsa cʌlʌ ti oñiyi ti' tojlel jini x'alt'añob che' tijicñayob to la' tatob ya' ti Jerusalén yic'ot ti' joytʌlel yic'ot ti joctʌl am bʌ ti sur, come tsi' bajñel yajcayob i bijlel ja'el”. Che' yom ma' subeñob. Che' tsi' yʌlʌ lac Yum.

Juan 13:17

Mi la' wujilʌch chuqui tsac subeyetla, tijicñayetla che' mi la' mel.

Romanos 2:13

Come mach tojobic ti' wut Dios jini mu' bʌ i lon ubiñob mandar, cojach jini mu' bʌ i jac'ob jini mandar mi' ch'ʌjmelob ti' wenta.

Deuteronomio 4:1

Jini cha'an, israelob, wen ñich'tanla jini mandar yic'ot la' tic'ol. Jac'ʌla ti uts'at jini woli bʌ c subeñetla cha'an chʌn cuxul mi la' wajñel, cha'an mi la' wochel ti chumtʌl ti jini lum mu' bʌ caj i yʌq'ueñetla lac Yum.

Deuteronomio 4:5

Tsa'ix j cʌntesayetla i mandar lac Yum che' bajche' tsi' subeyon, cha'an ts'ʌcʌl mi la' jac' che' ya'ix añetla ti jini lum baqui mi la' majlel la' ch'ʌm.

Santiago 1:22

Chʌn melela chuqui mi' yʌl jini wen t'an. Mach yomic to'o che' jach mi la' wubin. Mach mi la' lon ña'tan woli la' ñop mi ma'anic woli la' jac'.