Jeremias 11:5 - Chol: I T’an Dios

⁵ Che' jini mi' caj ti ts'ʌctiyel chuqui tsac sube la' tatob che' bʌ tsa cʌq'ueyob jini wen bʌ lum ba' on mi tajtʌl lech yic'ot chab che' bajche' woli la' q'uel wʌle”, che'en lac Yum, i Dios Israel. Tsac jac'be: Isujm bajche' wola' wʌl, c Yum, cho'on tsac sube.

Chol de Tumbalá Bible

⁵ Che' jini mi' caj ti ts'ʌctiyel chuqui tsac sube la' tatob che' bʌ tsa cʌq'ueyob jini wen bʌ lum ba' on mi tajtʌl lech yic'ot chab che' bajche' woli la' q'uel wʌle”, che'en lac Yum, i Dios Israel. Tsac jac'be: Isujm bajche' wola' wʌl, c Yum, cho'on tsac sube.

Jeremias 11:5 Iomraidhean Croise

2 Cronicas 6:17

Jini cha'an, c Yum, i Dios israelob, ts'ʌctesan ili t'an tsa' bʌ a sube c tat David.

Salmos 105:8

Ti pejtelel ora ña'tibilix i cha'an jini xuc'ul bʌ i t'an Tsa' bʌ i subeyob winicob x'ixicob yic'ot i yalobilob ti lajm ti lajm cha'an mi' chʌn ña'tañob ti pejtelel ora.

Exodo 13:5

Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Jeremias 19:12

Che'ʌch mi caj c melben Jerusalén yic'ot pejtelel wʌ' bʌ chumulob. Mi caj i sujtel ili tejclum ti' yajñib c'ajc che' bajche' Tofet.

Jeremias 28:6

Jini x'alt'an Jeremías tsi' yʌlʌ: Uts'atax muq'uic i mel che' bajche' wola' wʌl. La' i mel lac Yum. La' i sut'quin jini latu tac yic'ot pejtel jini cʌchʌlo' bʌ año' bʌ ti Babilonia.

Jeremias 32:22

Tsa' wʌq'ueyob ili lum c tatob lojon che' bajche' tsa' wʌn subeyob. Jiñʌch wen bʌ lum on bʌ mi' yʌc' lech yic'ot chab.

Levitico 20:24

Tsa'ix c subeyetla cha'an mi la' ch'ʌmbeñob i lum. Tsa'ix cʌq'ueyetla jini wen bʌ lum ba' mi' colel ti uts'at pejtelel pʌc'ʌbʌl. Joñoñʌch la' Yumon la' Dioson tsa' bʌ c yajcayetla. Ma'anic tsac yajca yambʌ winicob x'ixicob.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

1 Corintios 14:16

Come mi ti a ch'ujlel jach ma' ch'ujutesan Dios ti' tojlel jini mu' bʌ i tilel i ñich'tan, ¿bajche' mi caj i yʌl amén che' ma' suben Dios wocolix i yʌlʌ, mi ma'anic mi' ch'ʌmben isujm chuqui wola' wʌl?

Deuteronomio 6:3

Ñich'tanla che' jini, israelob, cha'an xuc'ul mi la' jac'ben i mandar lac Yum. Che' jini uts'at mi caj la' ñusan q'uin ya' ti la' lum baqui mi' colel pejtelel pʌc'ʌbʌl. Mi caj la' p'ojlel ja'el che' bajche' tsi' subeyetla lac Yum Dios, jini jach bʌ i Dios la' ñojte'elob.