Jeremias 11:13 - Chol: I T’an Dios

¹³ Tsa'ix p'ojliyob a diosob ti jujump'ejl tejclum, Judá. Cabʌlix a pulʌntib che' bajche' jayts'ijt a bijlel tac, Jerusalén. Tsa' wa'chocobeyob pulʌntib jini Baal cha'an ma' cha'len chuqui quisintic jax.

Chol de Tumbalá Bible

¹³ Tsa'ix p'ojliyob a diosob ti jujump'ejl tejclum, Judá. Cabʌlix a pulʌntib che' bajche' jayts'ijt a bijlel tac, Jerusalén. Tsa' wa'chocobeyob pulʌntib jini Baal cha'an ma' cha'len chuqui quisintic jax.

Jeremias 11:13 Iomraidhean Croise

2 Reyob 23:13

Tsi' jisa ja'el i yotlel dioste' tac am bʌ ti bujbujtʌl ti' tojel Jerusalén ya' ba' mi' pasel q'uin yic'ot ya' ti sur. Salomón tsi' melbe i yotlel Astoret i dios jini sidoñob ts'a'lebil bʌ ti Dios, yic'ot i yotlel Quemos i dios Moab, ts'a'lebil bʌ ti Dios, yic'ot i yotlel Milcom i dios amoñob, ts'a'lebil bʌ ti Dios.

2 Cronicas 28:25

Che'ʌch tsi' mele ti pejtelel tejclum ti Judá cha'an mi' pulbeñob i majtan yambʌ diosob. Tsi' techbe i mich'ajel lac Yum, i Dios i ñojte'elob.

Isaias 2:8

An ja'el cabʌl dioste' tac ti' petol pañimil. Mi' ñocchocoñob i bʌ cha'an mi' ch'ujutesañob. I wʌlʌc melbalob i c'ʌb.

Jeremias 11:17

Come i Yum Panchan yic'ot Pañimil tsa' bʌ i pʌc'ʌyet mi caj i contrajiñet che' bajche' tsi' yʌlʌ cha'an ñuc a mul. Cabʌl tsa' jec'beyon c pusic'al che' bʌ tsa' pulbe pom Baal, che'en lac Yum.

Jeremias 17:1

Ts'ijbubilix i mul Judá yic'ot pluma melbil bʌ ti fierro. Tsʌtsatax i ñi' pluma melbil bʌ ti diamante. Ts'ijbubilix i mul ti' pusic'alob yic'ot ya' ti' xulub tac pulʌntib.

Jeremias 18:15

Pero ma'anic i xuc'tʌlel c tejclumob. Tsa'ix i cʌyʌyoñob. Woli' pulbeñob pom jini mach bʌ Diosic. Mach uts'atic tsi' q'ueleyob jini toj bʌ bij tsa' bʌ c pʌsbeyob c'ʌlʌl ti oñiyi. Tsi' xoyoyob i bijlel. Woliyob ti xʌmbal ti yambʌ bij tac cha'an yomob mulil.

Jeremias 19:4

Tsa' la' cʌyʌyon. Tsa' la' bib'esa ti mulil ili lum. Woli la' pulbeñob pom yambʌ dios tac mach bʌ la' cʌñʌyic, mi jatetla mi la' tatob mi la' reyob. Baqui jach mi la' ñumel ti ili lum an i ña'tʌntel la' mul cha'an tsa' la' tsʌnsa jini mach bʌ añobic i mul.

Jeremias 19:5

Tsa' la' wa'chocobe i pulʌntib i majtan Baal ba' mi la' pul ti c'ajc la' walobilob. Mach c mandaric. Ma'anic tsac wis ña'ta j c'ajtibeñet.

Jeremias 2:28

Sʌclan a diosob tsa' bʌ a mele. ¿Baqui añob che' ti' yorajlel a wocol? La' ch'ojyicob che' woliyet ti wocol, mi yujilob coltaya. Tsiqui a diosob, Judá. Wen cabʌlob ti tsic che' bajche' a tejclumob.

Jeremias 3:24

Jini dios Baal tsa' jach i yʌc'ʌ ti quisin lac tatob. Tsi' to'ol jisʌbeyob i chubʌ'an che' ch'itoñob to c'ʌlʌl wʌle. Tsi' jisʌbeyob i c'ajbal yic'ot i yʌlac'. Tsi' yʌc'ʌ ti sajtel i yalobilob.

Jeremias 3:25

La' lac pʌcchocon lac bʌ cha'an cabʌl woliyonla ti quisin. Wen wocol añonla, come tsa' laj contraji lac Yum Dios, joñonla yic'ot lac tatob c'ʌlʌl che' ch'itoñon to la c'ʌlʌl wʌle. Ma'anic tsa' lac jac'be i t'an lac Yum Dios”. Che'ʌch woli' comol pejcañob i bʌ, che'en lac Yum.

Jeremias 32:35

Tsi' wa'chocobeyob i pulʌntib Baal ya' ti joctʌl i cha'an Hinom ba' mi' pulob jini ch'iton bʌ yic'ot xch'oc bʌ i yalobilob cha'an i ch'ujutesʌntel Moloc. Mach che'ic tsa cʌq'ueyob mandar. Mach tilemic tic pusic'al. Jiñʌch leco bʌ i melbal Judá woli bʌ i yʌsan ti ñuc bʌ i mul.

Jeremias 44:21

Che' bʌ tsa' la' pulu pom ya' ti' bijlel Jerusalén, jatetla a wic'ot la' tatob, la' reyob, yic'ot año' bʌ i ye'tel, ¿mach ba anic tsi' q'uele lac Yum? ¿Mach ba anic woli' chʌn ña'tan? ¿Mach ba anic tsi' p'isi ti' wenta?

Jeremias 44:5

Pero ma'anic tsi' jac'ʌyob. Ma'anic tsi' cʌyʌyob i pulben pom yambʌ diosob. Ma'anic tsi' cʌyʌyob i mul.

Jeremias 48:35

Ya' ti Moab mi caj cʌc' ti jisʌntel jini mu' bʌ i yʌq'uen i majtan i dios yic'ot jini mu' bʌ i pulben pom, che'en lac Yum.

Jeremias 7:9

Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Ezequiel 16:24

Come tsa' wa'chocobe i yotlel dioste' tac ti plaza,

Oseas 10:1

Lajal jini israelob che' bajche' wen c'oc' bʌ ts'usubil wen yujil bʌ wut. Pero che' mi' yutsi p'ojlel i wut, mi' yutsi p'ojlel pulʌntib tac ba' mi' yʌq'ueñob i majtan i diosob. Che' mic p'ojlesʌbeñob i chubʌ'an, ñumen i t'ojol jax mi' ch'ʌlob i yejtal tac i diosob.

Oseas 12:11

Pero ñʌmʌletla ti mulil ya' ti Galaad. Lolom jach mi la' cha'len ch'ujutesaya. Ya' ti Gilgal tsa' la' pulbeyob i majtan xibajob. Tsolol tac pulʌntib che' bajche' xajlel ti' t'ejl top'bil bʌ lum.

Oseas 9:10

Mic ña'tan bajche' añet Israel che' uts'at to a pusic'al. Tsa' c'uxbiyon. Wen tijicñayon che' bʌ tsac ñaxan tajayet, che' bʌ tsac pʌyʌyet ñumel ti colem bʌ i tiquiñal pañimil. Lajalet tic wut che' bajche' ñaxan bʌ i wut ts'usub ti jochol bʌ lum. Wen tijicñayon che' bʌ tsac taja a tatob, pero tsi' cʌyʌyoñob cha'an mi' tsʌcleñob jini Baalpeor, cha'an quisintic jax mi' melob. Jini cha'an leco tsa' sujtiyob che' bajche' jini diosob tsa' bʌ i c'uxbiyob.