Jeremias 11:12 - Chol: I T’an Dios

¹² Mi' majlelob i pejcan i diosob cha'an mi' c'ajtibeñob i coltʌntel. Cabʌl tsi' pulbeyob pom pero ma'anic mi' jac'ob. Ma'anic i p'ʌtʌlel ti coltaya ti' yorajlel ñuc bʌ wocol.

Chol de Tumbalá Bible

¹² Mi' majlelob i pejcan i diosob cha'an mi' c'ajtibeñob i coltʌntel. Cabʌl tsi' pulbeyob pom pero ma'anic mi' jac'ob. Ma'anic i p'ʌtʌlel ti coltaya ti' yorajlel ñuc bʌ wocol.

Jeremias 11:12 Iomraidhean Croise

2 Cronicas 28:22

Che' bʌ tsa' p'ojli i wocol jini rey Acaz, tsa' caji i ñumen cha'len mulil ti' contra lac Yum.

Isaias 45:20

Much'quin la' bʌ ba' añon. Tempan la' bʌ pejteletla mach bʌ anic tsa' jisʌntiyetla cha'an Ciro, cha'an mi la' wubin jini mu' bʌ caj c subeñetla. Ma'anic i ña'tʌbal winicob mu' bʌ i q'uechob ñumel i diosob. Mi' lon c'ajtibeñob i coltʌntel ti' tojlel dioste' tac mach bʌ yujilic coltaya.

Isaias 46:7

Mi' q'uechob majlel. Mi' wen buchchocoñob ti' yajñib. Ya' jach mi' cʌytʌl. Ma'anic mi' wis ñijcan i bʌ. Anquese c'am mi' cha'leñob oñel cha'an mi' c'ajtiñob i coltʌntel, ma'anic mi jac'. Che' woliyob ti wocol ma'anic i coltʌntelob.

Jeremias 18:15

Pero ma'anic i xuc'tʌlel c tejclumob. Tsa'ix i cʌyʌyoñob. Woli' pulbeñob pom jini mach bʌ Diosic. Mach uts'atic tsi' q'ueleyob jini toj bʌ bij tsa' bʌ c pʌsbeyob c'ʌlʌl ti oñiyi. Tsi' xoyoyob i bijlel. Woliyob ti xʌmbal ti yambʌ bij tac cha'an yomob mulil.

Jeremias 2:28

Sʌclan a diosob tsa' bʌ a mele. ¿Baqui añob che' ti' yorajlel a wocol? La' ch'ojyicob che' woliyet ti wocol, mi yujilob coltaya. Tsiqui a diosob, Judá. Wen cabʌlob ti tsic che' bajche' a tejclumob.

Jeremias 44:8

¿Chucoch mi la' techbeñon c mich'ajel cha'an i melbal la' c'ʌb? Mi la' pulbeñob pom yambʌ diosob wʌ' ti Egipto ba' tsa' tiliyetla ti chumtʌl. Che' jini mi caj la' ts'a'lentel ti pejtelel lum tac ti pañimil.

Deuteronomio 32:37

Che' jini lac Yum mi caj i c'ajtibeñob: ¿Bac'an la' dioste'? ¿Bac'an la' xajlel cha'an mi la' majlel ti puts'el?

Deuteronomio 32:38

¿Bac'an la' dios xajlel? Tsa' la' wʌq'ueyob i majtan tac, lew yic'ot vino. La' i coltañetla, la' i yotsañetla ti' wenta.

Juezob 10:14

Cucula, pejcan la' dios tac tsa' bʌ la' yajca. La'ix i coltañetla ti pejtelel la' wocol mu' bʌ la' taj. Che' tsi' yʌlʌ lac Yum.