Jeremias 11:11 - Chol: I T’an Dios

¹¹ Jini cha'an p'isi ti a wenta, wolic chocbeñob tilel ñuc bʌ wocol. Mach mejlicob ti puts'el. Anquese mi' lon c'ajtiñob, ma'anic mi caj cubin.

Chol de Tumbalá Bible

¹¹ Jini cha'an p'isi ti a wenta, wolic chocbeñob tilel ñuc bʌ wocol. Mach mejlicob ti puts'el. Anquese mi' lon c'ajtiñob, ma'anic mi caj cubin.

Jeremias 11:11 Iomraidhean Croise

2 Cronicas 34:24

Mi caj c jisan ili tejclum yic'ot jini wʌ' bʌ chumulob. Mi caj i tajob pejtelel jini wocol ts'ijbubil bʌ ti ili jun tsa' bʌ i q'uele jini rey ti Judá.

Job 35:13

Dios ma'anic mi' ñich'tʌbeñob i t'an jini mach bʌ i cha'añobic. Jini C'ax P'ʌtʌl Bʌ ma'anic mi' p'isob ti wenta.

Salmos 18:41

Tsi' lon cha'leyob oñel. Ma'anic majch tsi' coltayob. Tsi' pejcayob lac Yum, pero ma'anic tsi' jac'beyob.

Salmos 66:18

Muq'uic c chʌn c'uxbin mulil, Mach i jac'ʌyic c t'an jini lac Yum.

Proverbios 1:28

Ti jim bʌ ora mi caj i pejcañoñob, pero ma'anic mi caj c jac'beñob. Mi caj i wersa sʌclañoñob. Mach i tajayoñobic.

Proverbios 29:1

Jini mach bʌ anic mi' ñoj jac' i tic'ol anquese cabʌl mi' tijq'uel mi caj i bʌc' jilel. Ma'anix i ts'ʌcal.

Isaias 1:15

Che mi la' lon letsan la' c'ʌb tic tojlel cha'an mi la' pejcañon ti oración, mux caj c mʌy c wut. Anquese cabʌl mi la' cha'len oración, mi wisilic mi caj c jac'beñetla cha'an ti' caj stsʌnsajetla, xbec' ch'ich'etla.

Isaias 24:17

Bʌbʌq'uen tac bʌ yic'ot tojmulil woli to i pijtan jini chumulo' bʌ ti pañimil.

Jeremias 11:14

Jini cha'an, Jeremías, mach ma' tajob ti oración ili winicob x'ixicob, come ma'anic mi caj cubiñob che' mi' pejcañoñob ti' yorajlel wocol.

Jeremias 11:17

Come i Yum Panchan yic'ot Pañimil tsa' bʌ i pʌc'ʌyet mi caj i contrajiñet che' bajche' tsi' yʌlʌ cha'an ñuc a mul. Cabʌl tsa' jec'beyon c pusic'al che' bʌ tsa' pulbe pom Baal, che'en lac Yum.

Jeremias 14:12

Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 14:2

Woliyob ti uq'uel jini año' bʌ ti Judá. Ma'anix mi' tilelob xchoñoñelob ti' ti' tejclum. Pʌcʌlob ti lum woliyob ti uq'uel. Ti ñajtʌl mi' yubintel.

Jeremias 15:2

Che' mi' yʌlob: “¿Baqui yom mic majlel lojon?” subeñob: “La' majlicob ti chʌmel jini mu' bʌ caj i chʌmelob. La' jejq'uicob ti espada jini mu' bʌ caj i jejq'uelob ti espada. La' chʌmicob ti wi'ñal jini mu' bʌ caj i yubiñob wi'ñal. La' majlicob ti yambʌ lum jini mu' bʌ caj i cʌjchelob majlel”. Che' yom ma' subeñob.

Jeremias 18:11

Jini cha'an, subeñob jini chumulo' bʌ ti Judá yic'ot ti Jerusalén: “Awilan, wolic chajpʌbeñetla ñuc bʌ wocol. Mi caj j contrajiñetla. Wolic subeñetla ti wocol t'an, sutq'uin la' bʌ. Cʌyʌx la' mul. Ñopoxla chuqui uts'at. Melexla chuqui wen, che'en lac Yum”.

Jeremias 19:15

I Yum Panchan yic'ot Pañimil, i Dios Israel woli' yʌl: “Wolic chocbeñetla tilel ñuc bʌ wocol pejtel chumulet bʌ la ti ili tejclum yic'ot ti xchumtʌl tac, che' bajche' tsac subeyetla, pero tsa' la' mʌyʌ la' wut come mach la' womic la' wubin c t'an”. Che' woli' yʌl lac Yum, che'en.

Jeremias 19:3

Subeñob: “Ubinla i t'an lac Yum, pejtel reyob ti Judá yic'ot pejtel chumulo' bʌ ti Jerusalén. I Yum Panchan yic'ot Pañimil, i Dios Israel, woli' yʌl: P'isi ti la' wenta chuqui wolic mel cha'an la' mul. Wolic chocbeñetla tilel wocol. Ch'inlaw i chiquin mu' bʌ caj i yubiñob.

Jeremias 23:12

Ac'ʌlelix ba' woliyob ti xʌmbal. Bojyatax jini bij ba' woli' wejts'elob majlel. Jini cha'an mi caj i yajlelob ti jump'ej jab. Come joñon mi caj c chocbeñob tilel wocol. Ts'ʌcʌl mi' caj i tojob i mul, che'en lac Yum.

Jeremias 25:35

Ma'anic i puts'ib jini yumʌlob ba' mi mejlel i coltañob i bʌ. Ma'anic ba' mi caj i colelob i yumob alʌc'ʌl.

Jeremias 35:17

Lac Yum, i Yumʌch Panchan yic'ot Pañimil, i Diosʌch Israel. Tsi' yʌlʌ: Q'uele woli cʌc'ob ti wocol pejtel chumulo' bʌ ti Judá yic'ot Jerusalén cha'an i mul che' bajche' tsac wʌn subeyob, pero ma'anic tsi' ñich'tayob che' bʌ tsac pejcayob. Tsac pʌyʌyob, pero ma'anic tsi' jac'ʌyob, che'en lac Yum.

Jeremias 36:31

Joñon mi caj cʌq'uen i toj i mul yic'ot i yalobilob yic'ot i winicob cha'an i jontolil. Mi caj cʌc'ob ti ñuc bʌ wocol yic'ot pejtel jini chumulo' bʌ ti Jerusalén yic'ot ti Judá che' bajche' tsac subeyob ti ili jun, come mach yomic i yubiñob, che'en lac Yum.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Lamentaciones 2:22

Tsa' wʌn ña'ta jini q'uin cha'an ma' jisañob. Ma'anic majqui tsa' mejli ti puts'el ti' yorajlel a mich'ajel. Ma'anic majqui tsa' cʌle. Laj chʌmeñobix ya' ti bij jini tsa' bʌ c meq'ueyob tsa' bʌ j cosayob. Tsi' laj jisayob j contra.

Ezequiel 14:3

I yalobil winic, pejtelel ili winicob tsa'ix i yʌc'ʌyob i pusic'al cha'an mi' ch'ujutesañob dioste'. Tsi' yʌc'ʌyob i pusic'al ba' mi' yutsi tajob i sojquemal. ¿Yom ba' mi' tilelob i c'ajtibeñon chuqui yomob?

Ezequiel 7:5

Lac Yum Dios woli' yʌl: Awilan talix wocol ti chajp ti chajp. Wolix i lʌc'tiyel ti la' tojlel. Tsa'ix tejchi ti la' contra. Mi caj la' jilel. Awilan ix tilel.

Ezequiel 8:18

Jini cha'an tic mich'lel mi caj cʌq'ueñob i toj i mul. Ma'anic mi caj c p'untañob, ma'anic mi caj j coltañob. Che' mi' cha'leñob oñel yic'ot c'am bʌ t'an, ma'anic mi caj c ñich'tañob. Che' tsi' yʌlʌ lac Yum.

Amos 5:19

Che'ʌch yilal i Q'uiñilel lac Yum bajche' oso mu' bʌ i chuc winic che' woli' puts'tan bajlum. Lajalʌch bajche' lucum mu' bʌ i c'uxe' che' mi' yochel ti' yotot, che' mi' ñʌcchocon i c'ʌb ti bojte'.

Miqueas 3:4

Anquese cabʌl la' mul, mi la' c'ajtiben lac Yum la' coltʌntel che' ti' yorajlel wocol. Pero ma'anix mi caj i chʌn jac'beñetla. Mi caj i mʌy i wut ti la' tojlel cha'an jontol la' melbal.

Zacarias 7:13

Tsac pʌyʌyob, pero ma'anic tsi' yubiyob. Jini cha'an ba' ora tsi' pejcayoñob, ma'anic tsac jac'beyob i t'an ja'el.

1 Tesalonicenses 5:3

Ba' ora mi' yʌlob ñʌch'ʌlix pañimil, ba' ora mi' yʌlob ma'anic tsiquil bʌbʌq'uen bʌ, che' jini mi caj i bʌc' jisʌntelob che' bajche' mi' bʌc' cajel ti bajq'uel x'ixic che' mi' yilan pañimil i yalobil. Mach mejlicob ti puts'el.

Hebreos 1:3

Mi' wen ac' ti tsictiyel i ñuclel i Tat. Mero Diosʌch ajñel. I tsictiyemlelʌch i Tat. Ti' p'ʌtʌlel i t'an mi' cʌntan pejtel chuqui tac an. Che' bʌ tsa' ujti i bajñel poc lac mul, tsa' buchle ti' ñoj jini C'ax Ñuc Bʌ am bʌ ti chan.