Jeremias 11:10 - Chol: I T’an Dios

¹⁰ Tsa'ix sujtiyob ti' bijlel i tatob tsa' bʌ i juch'teq'ueyob c t'an. Tsa' majli i ch'ujutesañob yambʌ dios tac. Jini chumulo' bʌ ti Judá yic'ot ti Jerusalén tsa'ix i ñusayob jini xuc'ul bʌ c t'an tsa' bʌ c mele yic'ot i tatob.

Chol de Tumbalá Bible

¹⁰ Tsa'ix sujtiyob ti' bijlel i tatob tsa' bʌ i juch'teq'ueyob c t'an. Tsa' majli i ch'ujutesañob yambʌ dios tac. Jini chumulo' bʌ ti Judá yic'ot ti Jerusalén tsa'ix i ñusayob jini xuc'ul bʌ c t'an tsa' bʌ c mele yic'ot i tatob.

Jeremias 11:10 Iomraidhean Croise

Salmos 78:57

Tsi' cʌyʌyob Dios lajal bajche' i tatob mach bʌ anic tsi' ñopoyob. Xlotob che' bajche' ts'otol metel bʌ jalʌjb.

Jeremias 13:10

Jontolob. Mach yomobic i yubin c t'an. Mi' bajñel melob bajche' yom i bajñel pusic'al. Majlemobix yic'ot yan tac bʌ dios cha'an mi' ch'ujutesañob. Jini cha'an lajal mi caj i sujtelob che' bajche' jini cajchiñʌc' mach bʌ anix i c'ʌjñibal.

Jeremias 17:23

Pero ma'anic tsi' yubiyob. Ma'anic tsi' jac'ʌyob. Tsi' mʌyʌyob i wut come mach yomobic i yubin c t'an. Ma'anic tsi' jac'ʌyob i cʌntesʌntel.

Jeremias 22:9

Mi caj i jac'ob: Cha'an tsi' jemeyob jini xuc'ul bʌ t'an. Tsi' cʌyʌyob i Dios. Tsi' ch'ujutesayob yambʌ dios tac, mach bʌ mero Diosic. Tsi' c'uxbiyob, che'ob”. Che'ʌch yom ma' subeñob, che'en lac Yum.

Jeremias 31:32

Mach i pi'ʌlic jini xuc'ul bʌ t'an tsa' bʌ c mele yic'ot i tatob che' bʌ tsac pʌyʌyob loq'uel ti jini lum Egipto. Tsi' jemeyob jini xuc'ul bʌ t'an tsa' bʌ c mele yic'otob anquese i ñoxi'alon, che'en lac Yum.

Jeremias 44:16

Mach tilemic ti Dios jini t'an woli bʌ a subeñon lojon. Ma'anic mi caj c jac' lojon.

Jeremias 44:5

Pero ma'anic tsi' jac'ʌyob. Ma'anic tsi' cʌyʌyob i pulben pom yambʌ diosob. Ma'anic tsi' cʌyʌyob i mul.

Jeremias 7:28

Mi caj a subeñob: Jiñʌch tejclum mach bʌ yomic i jac'ben i t'an lac Yum Dios. Mach yomic i cʌntesʌntel. Mi' mulan lot. Mi' ñop lot.

Jeremias 9:6

Ti jujump'ejl q'uin woli' tempañob i mul yic'ot i lot. Jini cha'an mach yomobic i ñopoñ, che'en lac Yum.

Ezequiel 16:59

Come lac Yum Dios woli' yʌl: Mi caj cʌq'ueñet a toj a mul tsa' bʌ a mele, come tsa' ñusa jini xuc'ul bʌ trato tsa' bʌ a mele quic'ot.

Ezequiel 44:7

Mach yomix mi la' chʌn pʌy tilel yambʌ winicob mach bʌ tsepbilobic i pʌchʌlel yic'ot jini jontolo' bʌ i pusic'al ya' ti Ch'ujul bʌ Ajñibʌl c cha'an, come jiñob mi' bib'esañob, che' mi' yʌc'ob jini c waj, yic'ot i lewil yic'ot i ch'ich'el jini majtañʌl. Tsa'ix la' ñusʌbeyon c t'an.

Oseas 6:4

Efraín yic'ot Judá, ¿chuqui mi caj c tumbeñetla? Come lajal la' c'uxbiya bajche' tocal ti sʌc'ajel yic'ot jini ye'eb, ora jach bʌ mi' jilel.

Oseas 6:7

Pero lajaletla bajche' Adán tsa' bʌ i ñusʌbeyon c t'an. Tsa'ix la' cʌyʌyon.

Oseas 7:16

Mi' c'ajtiñob i coltʌntel ti pejtelel pañimil, pero mach ya'ic ti panchan ti' tojlel jini C'ax Ñuc bʌ Dios. Lajalob bajche' rocol bʌ i te'el jalʌjb mach bʌ anic mi' wen c'otel. Mi caj cʌc' i yumob ti' c'ʌbob i contrajob cha'an mi' tsʌnsañob ti' caj i mul cha'an tsi' ts'a'leyoñob. Jini año' bʌ ti Egipto mi caj i tse'tañob.

Levitico 26:15

mi tsa' jach caji' la' ñusan c mandar, mi tsa' caji' la' chañ'esan la' bʌ tic tojlel cha'an mi la' ñusan c t'an, yic'ot pejtelel j cʌntesa, joñon mi caj cʌq'ueñetla wocol. Mi caj cotsʌbeñetla la' bʌq'uen. Mi caj cʌq'ueñetla jini leco bʌ ojbal, yic'ot jini c'ajc tac c'ʌlʌl mi' yajpel la' wut, c'ʌlʌl mi' toj sajtel la' pusic'al. Che' jini lolom jach mi caj la' cha'len pac', come jini la' contrajob mi caj i c'uxbeñetla.

Sofonias 1:6

Mi caj c tem jisan jini tsa' bʌ i cʌyʌ i tsajcañon yic'ot jini mach bʌ anic tsi' tsajcayon, mach bʌ anic tsi' pejcayon, che'en lac Yum.

Zacarias 1:4

Mach yomic lajaletla bajche' la' ñojte'elob. Jini x'alt'añob tsi' pejcayob ti oñiyi cha'an mi' cʌyob i mul. Tsi' yʌlʌyob: “Ubinla i t'an i Yum Panchan yic'ot Pañimil. Cʌyʌ la' mul, come leco jax la' melbal”, che'ob. Pero ma'anic tsi' jac'ʌyob. Ma'anic tsi' p'isiyob ti' wenta.

Zacarias 7:11

Pero la' ñojte'elob ma'anic tsi' jac'ʌyob. Tsi' mʌyʌyob i wut. Tsi' mʌcʌyob i chiquin cha'an mach yomobic i yubin.

Zacarias 7:13

Tsac pʌyʌyob, pero ma'anic tsi' yubiyob. Jini cha'an ba' ora tsi' pejcayoñob, ma'anic tsac jac'beyob i t'an ja'el.

Deuteronomio 31:16

Lac Yum tsi' sube Moisés: Mi caj a majlel ba'an a ñojte'elob. Mi caj a chʌmel. Jixcu ili winicob x'ixicob, che' mi' c'otelob ti chumtʌl ya' ba'an yaño' bʌ tejclumob, mi caj i tsajcʌbeñob i dioste' tac. Mi caj i cʌyoñob. Mi caj i ñusʌbeñoñob jini xuc'ul bʌ t'an tsa' bʌ c mele quic'otob.

Deuteronomio 9:7

Yom mi la' chʌn ña'tan. Mach ñajʌyic ti la' pusic'al. Tsa' caji ti mich' lac Yum Dios ya' ti colem bʌ i tiquiñal pañimil ti' caj la' mul. C'ʌlʌl ti' tejchibal xʌmbal che' bʌ tsa' loq'uiyetla ti' lumal Egipto, c'ʌlʌl wʌle che' c'otemetix la ti' ti' la' lumal, tsa'ix la' ñusʌbe i t'an lac Yum.

Hebreos 8:9

Mach lajalic bajche' jini xuc'ul bʌ t'an tsa' bʌ c mele yic'ot i ñojte'elob, che' bʌ tsac chucbeyob i c'ʌb cha'an mic pʌyob loq'uel ti' lumal Egipto. Ma'anic tsi' wen jac'ʌyob. Jini cha'an tsac tʌts'ʌ c bʌ.

Juezob 2:11

Jini israelob tsi' cha'leyob jontolil ti' tojlel lac Yum. Tsa' caji i ch'ujutesañob jini dios Baal.

Juezob 2:17

Pero ma'anic tsi' jac'beyob i yaj coltayajob ja'el. Tsi' tsajcayob dios tac. Tsi' ch'ujutesayob. Tsi' bʌc' cʌyʌyob jini bij tsa' bʌ i xʌñʌyob majlel i ñojte'elob tsa' bʌ i jac'beyob i mandar lac Yum. Ma'anic tsi' jac'beyob lac Yum.

Juezob 2:19

Che' bʌ tsa' chʌmi jini juez, tsa' caji i cha' melob ñaxan bʌ i melbal. Ñumen leco tsi' cha'leyob bajche' i ñojte'elob. Tsi' tsajcayob yan tac bʌ dios. Tsi' ñocchocoyob i bʌ ti' tojlel. Ma'anic tsi' cʌyʌyob jontol bʌ i melbalob. Mach yomobic i cʌy jini bij woli bʌ i tsajcañob.

1 Samuel 15:11

Ch'ijiyem c pusic'al cha'an tsa cotsa ti rey jini Saúl, come tsa'ix i tʌts'ʌ i bʌ tic tojlel. Ma'anic woli' jac'beñon c t'an, che'en. Tsi' wen mele i pusic'al Samuel. Jump'ejl ac'ʌlel c'ʌlʌl tsa' sʌc'a tsi' pejca lac Yum ti c'am bʌ t'an. Tsi' cha'le uq'uel.