Jeremias 10:9 - Chol: I T’an Dios

⁹ Ch'oyol ti Tarsis jini tsucu taq'uin, ch'oyol ti Ufaz jini oro, mi' ch'ʌmob tilel. Jini wen yujilo' bʌ mi' melob ejtalʌl. Mi' xojbeñob chʌchʌc bʌ yic'ot chʌccojan bʌ i pislel, wen letsem bʌ i tojol. Laj i melbalob winicob yujilo' bʌ i melol.

Chol de Tumbalá Bible

⁹ Ch'oyol ti Tarsis jini tsucu taq'uin, ch'oyol ti Ufaz jini oro, mi' ch'ʌmob tilel. Jini wen yujilo' bʌ mi' melob ejtalʌl. Mi' xojbeñob chʌchʌc bʌ yic'ot chʌccojan bʌ i pislel, wen letsem bʌ i tojol. Laj i melbalob winicob yujilo' bʌ i melol.

Jeremias 10:9 Iomraidhean Croise

1 Reyob 10:22

Cabʌlʌch i barco Salomón yic'ot Hiram. Tsi' coltayob i bʌ ti' ye'tel ti colem ñajb. U'uxp'ejl jab tsa' c'oti cabʌl colem barco. Tsi' cuchu tilel cabʌl oro, yic'ot plata, yic'ot marfil, yic'ot colem bats', yic'ot chʌc mut.

2 Cronicas 9:21

An colem barco tac i cha'an jini rey Salomón. Tsi' ñijcayob majlel i winicob Hiram. Uxp'ejl jab tsi' chocoyob majlel ti Tarsis cha'an mi' ch'ʌmob tilel oro yic'ot plata, yic'ot i bʌquel i yej elefante, yic'ot bats', yic'ot xyʌx ac'ach.

Salmos 115:4

I diostac sajtemo' bʌ, i melbalob jach winicob. Mi' melob ti sʌsʌc taq'uin yic'ot c'ʌnc'ʌn taq'uin.

Salmos 72:10

Jini reyob año' bʌ ti' ti' colem ñajb mi caj i yochelob ti' wenta. Jini reyob ti Tarsis, yic'ot ti Sabá, yic'ot ti Seba mi caj i ch'ʌmbeñob tilel i majtan.

Isaias 23:6

Cucula, sʌclan la' wotot ti Tarsis, winicob chumulet bʌ la ti' ti' ñajb. Cha'lenla uq'uel cha'an la' lumal.

Isaias 40:19

Mach mejlic lac lajin Dios yic'ot dioste' i melbal bʌ winic, tep'bil bʌ ti oro, ch'ʌlbil bʌ ti sʌsʌc taq'uin.

Ezequiel 27:12

Jini ch'oyolo' bʌ ti Tarsis tsi' chombeyet plata, tsucu taq'uin, sʌsʌc taq'uin, yic'ot plomo tac, come wen chumulet. Tsi' mʌñʌyob a chubʌ'an.

Ezequiel 27:7

Jini lich'il bʌ pisil ti barco tsi' joch'oyob ti yʌjyʌx bʌ puy tilem bʌ ti Egipto. Melbil a bandera ti yʌjyʌx pisil tilem bʌ ti' ti' ja' i c'aba' Elisa.

Daniel 10:5

Tsaj q'uele juntiquil winic xojol bʌ i pislel melbil bʌ ti lino yic'ot i cajchiñʌc' melbil bʌ ti oro. Che' yilal i bʌc'tal che' bajche' i t'ojol jax bʌ xajlel i c'aba' topacio. Lemlaw i wut bajche' i xu'il chajc. Lajal i bʌc' i wut che' bajche' xutunte' woli bʌ ti lejmel. Che' yilal i c'ʌb i yoc bajche' wen juc'bil bʌ bronce. Ju'ucña i t'an che' bajche' i t'an cabʌl winicob.

Oseas 8:6

Come mach Diosic jini alʌ tat wacax tsa' bʌ i meleyob. I melbal jach winic. Jini cha'an wersa mi caj i bic'ti tojp'el jini dios alʌ tat wacax am bʌ ti Samaria.

Jonas 1:3

Jonás tsi' chajpa i bʌ cha'an mi' puts'el loq'uel ti' tojlel lac Yum cha'an mach yomic majlel ti Nínive. Tsa' jubi majlel ti Jope ba' tsi' taja colem barco woli bʌ i majlel ti Tarsis. Tsi' tojo i yochib. Tsa' ochi cha'an mi' majlel ti Tarsis yic'ot jini año' bʌ ti barco cha'an mi' loq'uel ti' tojlel lac Yum.

Habacuc 2:19

Obol i bʌ jini mu' bʌ i lon suben jini dios te' cha'an mi' coltan. Lolom jach mi' pejcan jini dios xajlel mach bʌ yujilic t'an. To'ol tep'bil jach ti oro yic'ot ti plata, pero ma'anic i cuxtʌlel, che'en lac Yum.