Jeremias 10:7 - Chol: I T’an Dios

⁷ La' i bʌc'ñañet pejtel winicob ti pejtelel pañimil, come Reyet ti pejtelel tejclum tac. Ma'anic yambʌ, jatet jach.

Chol de Tumbalá Bible

⁷ La' i bʌc'ñañet pejtel winicob ti pejtelel pañimil, come Reyet ti pejtelel tejclum tac. Ma'anic yambʌ, jatet jach.

Jeremias 10:7 Iomraidhean Croise

2 Reyob 17:39

Pero yom mi la' chʌn bʌc'ñañon, come la' Yumon la' Dioson. Tsaj coltayetla loq'uel ti' tojlel pejtelel la' contrajob, che'en.

1 Cronicas 16:25

Come ñucʌch lac Yum, yom mi' wen sujbel i ñuclel. Yom mi lac wen bʌc'ñan Dios ñumen bajche' mi' bʌc'ñʌntelob dioste' tac.

Ester 1:13

Jini rey tsi' pejca año' bʌ i ña'tibal, come i tilel ma'anic chuqui mi' mel che' maxto anic mi' pejcan jini yujilo' bʌ ley yic'ot yujilo' bʌ meloñel.

Salmos 147:5

Ñuc lac Yum, cabʌl i p'ʌtʌlel. Ma'anic i p'isol i ña'tʌbal.

Salmos 22:28

Come i cha'añʌch lac Yum i yumʌntel. Mi' yumʌntel ti jujumpejt tejclum.

Salmos 47:3

Mi' yʌc' ti lac wenta winicob x'ixicob ti mojt ti mojt. Mi' yotsañonla ti yumʌl ti jujump'ejl tejclum.

Salmos 72:11

Isujm mi caj i c'uchchocoñob i bʌ pejtelel jini reyob ya' ti' tojlel lac Yum. Winicob x'ixicob ti pejtelel pañimil mi caj i melbeñob i ye'tel.

Salmos 76:7

Bʌc'ñʌbilet. ¿Majqui mi mejlel ti c'otel ti a t'ejl che' mich'et?

Salmos 86:8

C Yum, ma'anic yambʌ Dios che' bajche'et. Ma'anic yambʌ lajal bʌ i melbal.

Salmos 86:9

Pejtel winicob x'ixicob tsa' bʌ a mele mi caj i tilelob ti mojt ti mojt. Mi caj i ñocchocoñob i bʌ ti a tojlel, c Yum, Cha'an mi' subob i ñuclel a c'aba'.

Salmos 89:6

¿Am ba juntiquil ti panchan lajal bʌ bajche' lac Yum? ¿Am ba ángel ñuc bʌ bajche' lac Yum?

Exodo 8:10

Faraón tsi' yʌlʌ: Ijc'ʌl to yom, che'en. Moisés tsi' yʌlʌ: La' ujtic che' bajche' ma' wʌl cha'an ma' ña'tan ma'anic majqui lajal bajche' lac Yum Dios.

Exodo 9:14

Wʌle mi caj c wen tic'lañet yic'ot a winicob ti pejtelel a lumal cha'an mi la' cha'len tsic pusic'al, cha'an ma' ña'tan ma'anic yambʌ bajche'on ti pejtelel pañimil.

Isaias 2:4

Lac Yum mi caj i cha'len meloñel ti' tojlel pejtelel winicob x'ixicob cha'an mi' lajmel leto ti' tojlelob. Jini e'tijibʌl cha'an guerra mi caj i sujtel ti e'tijibʌl cha'an cholel. Ma'anix mi caj i chʌn cha'len contra jump'ejl tejclum ti' tojlel yambʌ. Ma'anix mi caj i chʌn ñopob guerra.

Jeremias 10:6

Ma'anic yambʌ ñuc bʌ Dios lajal bʌ bajche' jatet, c Yum. Wen ñuc a c'aba'. Cabʌl a p'ʌtʌlel.

Jeremias 5:22

¿Chucoch ma'anic mi la' bʌc'ñañon? che'en lac Yum. ¿Chucoch mach tsiltsilñayeticla tic tojlel? Tsa cʌc'ʌ jini ji'il che' bajche' bujtʌl ti' ti'il colem ja' cha'an ya' jaxʌl mi' c'otel ja'. Mach mejlic ti ñumel ti pejtelel ora anquese we'ecña ja', anquese chan mi' mel i bʌ. Wersa mi' jac'beñon c t'an.

Daniel 2:27

Daniel tsi' yʌlʌ: Ma'anic winic ti' tojlel jini año' bʌ i ña'tʌbal mu' bʌ mejlel i subeñet chuqui tsa' ñajle, mi xwujt mi xq'uel ec', mi jinic yujil bʌ i pʌs ñuc bʌ i melbal, mi xch'ʌcojel.

Daniel 2:28

Pero an juntiquil Dios chumul bʌ ti panchan mu' bʌ mejlel i tsictesʌbeñet chuqui tsa' ñajle yic'ot i sujmlel jini mucul tac bʌ mach bʌ cʌmbilic lac cha'an. Wolix i tsictesʌbeñet chuqui mi' cajel ti ujtel ti yanto bʌ ora. Mi caj c tsictesʌbeñet a ñajal.

Habacuc 3:2

C Yum, tsa'ix cubi jini tsa' bʌ a cha'le. Mic ch'ujutesañet come bʌc'ñʌbilet cha'an pejtel a we'tel. Yomix ma' cha' coltañon lojon che' bajche' ti wajali. Pʌsbeñon lojon a p'ʌtʌlel ti coltaya. Che' mich'et, ña'tan a p'untañon lojon.

Zacarias 2:11

Ti jim bʌ q'uin cabʌl tejclumob mi caj i sutq'uiñob i bʌ cha'an mi' ñopob lac Yum. Mi caj i yochelob tic cha'an. Mi caj c tem chumtʌl quic'otob. Che' jini mi caj la' ña'tan chocbilon tilel cha'an i Yum Panchan yic'ot Pañimil.

Malaquias 1:11

Pero jini mach bʌ israelobic mi caj i q'uelob ti ñuc j c'aba' c'ʌlʌl ti' pasibal q'uin c'ʌlʌl ti' bʌjlibal q'uin. Ti pejtelel pañimil mi caj i yʌq'ueñoñob xojocña bʌ pom yic'ot uts'at bʌ c majtan, come j c'aba' mi' q'uejlel ti ñuc ti pejtelel pañimil, che'en i Yum Panchan yic'ot Pañimil.

Lucas 12:5

Mi caj c wʌn subeñetla majqui yom mi la' bʌc'ñan. Yom mi la' bʌc'ñan jini am bʌ i p'ʌtʌlel cha'an mi' choquetla ochel ti c'ajc che' mi' yʌq'uetla ti chʌmel. Isujm mic subeñetla, jini jach yom mi la' bʌc'ñan.

1 Corintios 8:6

pero ti lac tojlel an juntiquil jach Dios, jiñʌch lac Tat. Ya' ch'oyol pejtelel chuqui tac an. Tsi' meleyonla cha'an mi lac ñuq'uesan. An juntiquil jach lac Yum, jiñʌch Jesucristo. Ti' p'ʌtʌlel tsa' mejli pejtel chuqui tac an. Joñonla ja'el añonla cha'an Cristo.

Josue 4:24

Che' jini winicob x'ixicob ti pejtelel pañimil mi caj i ña'tañob wen p'ʌtʌl lac Yum. Mi caj i bʌc'ñañob lac Yum Dios ti pejtelel ora. Che' tsi' yʌlʌ Josué.

Apocalipsis 11:15

I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Apocalipsis 15:4

C Yum, ¿am ba winic mach bʌ anic mi caj i bʌc'ñʌbeñet a c'aba', mach bʌ anic mi caj i ñuq'uesʌbeñet a c'aba'? Come jatet jach ch'ujulet. Jini cha'an pejtel año' bʌ ti pañimil mi caj i tilelob i ch'ujutesañet, come tsa' tsictiyi toj bʌ a meloñel. Che' tsi' c'ʌyiyob.