Jeremias 10:6 - Chol: I T’an Dios

⁶ Ma'anic yambʌ ñuc bʌ Dios lajal bʌ bajche' jatet, c Yum. Wen ñuc a c'aba'. Cabʌl a p'ʌtʌlel.

Chol de Tumbalá Bible

⁶ Ma'anic yambʌ ñuc bʌ Dios lajal bʌ bajche' jatet, c Yum. Wen ñuc a c'aba'. Cabʌl a p'ʌtʌlel.

Jeremias 10:6 Iomraidhean Croise

2 Samuel 7:22

Come wen ñuquet, c Yum Dios. Ma'anic yambʌ Dios che' bajche' jatet. Jatet jach Dioset.

1 Cronicas 16:25

Come ñucʌch lac Yum, yom mi' wen sujbel i ñuclel. Yom mi lac wen bʌc'ñan Dios ñumen bajche' mi' bʌc'ñʌntelob dioste' tac.

Nehemias 4:14

Tsaj q'uele uts'at añob. Tsa' wa'leyon c subeñob jini ñuco' bʌ winicob yic'ot año' bʌ i ye'tel yic'ot yaño' bʌ lac pi'ʌlob ti pejtelelob: Mach la' bʌc'ñañob. Ña'tanla wen ñuc lac Yum mu' bʌ lac bʌc'ñan. Cha'lenla wersa ti guerra cha'an mi la' coltan la' pi'ʌlob yic'ot pejtel la' walobilob yic'ot la' wijñam yic'ot la' wotot, cho'on.

Nehemias 9:32

C Dios lojon, ñuc bʌ Dioset, p'ʌtʌlet, bʌc'ñʌbilet. Ma' ts'ʌctesan jini xuc'ul bʌ a t'an. Cabʌl ma' pʌs a c'uxbiya. Jini cha'an q'ueleyon lojon. Cabʌlʌchix c wocol tsa' bʌ tili tic tojlel lojon, ti' tojlel c rey lojon, yic'ot c yumob lojon, yic'ot c motomajob lojon, yic'ot x'alt'añob tsa' bʌ a chocbeyon lojon tilel, yic'ot c tat lojon, yic'ot pejtel winicob x'ixicob a cha'año' bʌ. An c wocol c'ʌlʌl che' bʌ tsi' cha'leyob yumʌntel jini asiriajob c'ʌlʌ wʌle. Ma'anic mi' lajmel.

Salmos 145:3

Wen ñuc lac Yum. La' sujbic i ñuclel. Ma'anic i p'isol i ñuclel.

Salmos 147:5

Ñuc lac Yum, cabʌl i p'ʌtʌlel. Ma'anic i p'isol i ña'tʌbal.

Salmos 35:10

Mi caj c pejcañet che' c'oc'on to. C Yum, ¿majqui lajal bajche' jatet? Ma' chuc loq'uel jini p'ump'un bʌ ti' c'ʌb jini ñumen p'ʌtʌl bʌ. Ma' loc'san jini tic'lʌbil bʌ yic'ot jini pobre bʌ ti' p'ʌtʌlel jini yom bʌ i jisan.

Salmos 48:1

Ñuc lac Yum. Yom cabʌl mi' sujbel i ñuclel. Chumul Dios ti Jerusalén am bʌ ti ch'ujul bʌ wits i c'aba' Sion.

Salmos 96:4

Come ñucʌch lac Yum. La' wen sujbic i ñuclel. Yom mi lac bʌc'ñan Dios ti pejtelel lac pusic'al. Jini jach yom bʌc'ñʌñtel ti' tojlel jini diosob.

Exodo 15:11

C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Exodo 8:10

Faraón tsi' yʌlʌ: Ijc'ʌl to yom, che'en. Moisés tsi' yʌlʌ: La' ujtic che' bajche' ma' wʌl cha'an ma' ña'tan ma'anic majqui lajal bajche' lac Yum Dios.

Exodo 9:14

Wʌle mi caj c wen tic'lañet yic'ot a winicob ti pejtelel a lumal cha'an mi la' cha'len tsic pusic'al, cha'an ma' ña'tan ma'anic yambʌ bajche'on ti pejtelel pañimil.

Isaias 12:6

Winicob chumulet bʌ la ti Jerusalén, yom mi la' pam sub ñumel ti' tijicñʌyel la' pusic'al. Come ñucatax ti la' tojlel jini Ch'ujul Bʌ ti Israel.

Isaias 40:18

Ma'anic majch lajal bajche' Dios. ¿Mejl ba lac mel i yejtal tac?

Isaias 40:25

¿Chucoch ma' lajiñon bajche' te'? ¿Am ba yambʌ lajal bʌ bajche' joñon? che'en jini Ch'ujul Bʌ.

Isaias 46:5

¿Majqui yic'ot mi mejlel la' lajon? ¿Majqui lajal bajche' joñon mi la' wʌl?

Isaias 46:9

Ña'tanla c melbal ti' tojlel Israel ti wajali. Dioson. Joñon jach Dioson. Ma'anic yambʌ.

Jeremias 10:16

Mach che'ic i Dios Jacob, come jini tsi' mele pejtel chuqui tac an. Tsi' yajca Israel cha'an mi yochel ti' cha'an bʌ. Jiñʌch i Yum Panchan.

Jeremias 32:18

Jatet ma' pʌsbeñob i yutslel a pusic'al bajc'ʌl winicob. Ma' wʌq'ueñob i tojbeñob i mul i tatob, jini i yalobilob. Ñuquet, cabʌl a p'ʌtʌlel, Dios. I Yumet Panchan yic'ot Pañimil. Che'ʌch a c'aba'.

Daniel 4:3

Wen ñuc i melbal. Mi' yajñel i yumʌntel ti pejtelel ora. Mi' pʌsbeñob i p'ʌtʌlel winicob yic'ot i yalobilob ti lajm ti lajm.

Daniel 4:34

Nabucodonosor tsi' yʌlʌ: Che' ñumenix wucp'ejl jab, joñon Nabucodonosor tsac letsa c wut ti panchan. Tsa' cha' jajmi c pensar. Tsa' caji c ñuq'uesan Dios am bʌ ti Chan. Tsaj q'uele ti ñuc jini cuxul bʌ ti pejtelel ora. Mi' yajñel i yumʌntel ti pejtelel ora. Chʌn xuc'ul i yumʌntel ti' tojlel winicob yic'ot i p'olbalob ti lajm ti lajm.

Malaquias 1:11

Pero jini mach bʌ israelobic mi caj i q'uelob ti ñuc j c'aba' c'ʌlʌl ti' pasibal q'uin c'ʌlʌl ti' bʌjlibal q'uin. Ti pejtelel pañimil mi caj i yʌq'ueñoñob xojocña bʌ pom yic'ot uts'at bʌ c majtan, come j c'aba' mi' q'uejlel ti ñuc ti pejtelel pañimil, che'en i Yum Panchan yic'ot Pañimil.

1 Corintios 8:6

pero ti lac tojlel an juntiquil jach Dios, jiñʌch lac Tat. Ya' ch'oyol pejtelel chuqui tac an. Tsi' meleyonla cha'an mi lac ñuq'uesan. An juntiquil jach lac Yum, jiñʌch Jesucristo. Ti' p'ʌtʌlel tsa' mejli pejtel chuqui tac an. Joñonla ja'el añonla cha'an Cristo.

Deuteronomio 32:31

Come ma'anic i xajlel yambʌ tejclum tac Che' bajche' lac Xajlel. Lolom jach mi' pejcañob i dioste' tac.

Deuteronomio 33:26

Ma'anic yambʌ dios che' bajche' i Dios Israel. Mi' t'uchtan jini tocal am bʌ ti panchan cha'an mi' tilel i coltañet. Mi' pʌs i ñuclel ya' ti panchan.