Jeremias 10:4 - Chol: I T’an Dios

⁴ Yaño' bʌ mi' boñob ti oro. Mi' ch'ʌlob ti plata. Mi' ch'ijob yic'ot lawux ya' ba' mi' wa'chocoñob ti' t'uchlib ame yajlic.

Chol de Tumbalá Bible

⁴ Yaño' bʌ mi' boñob ti oro. Mi' ch'ʌlob ti plata. Mi' ch'ijob yic'ot lawux ya' ba' mi' wa'chocoñob ti' t'uchlib ame yajlic.

Jeremias 10:4 Iomraidhean Croise

Salmos 115:4

I diostac sajtemo' bʌ, i melbalob jach winicob. Mi' melob ti sʌsʌc taq'uin yic'ot c'ʌnc'ʌn taq'uin.

Salmos 135:15

I diosob jini sajtemo' bʌ melbilob jach ti sʌsʌc taq'uin yic'ot oro, I melbal tac i c'ʌb winicob.

Isaias 44:12

Jini yujil bʌ i pʌc'ol tsucu taq'uin mi' chuc yic'ot tenaza cha'an mi' ticwesan ti c'ajc. Mi' jats' ti martillo ti' p'ʌtʌlel i c'ʌb cha'an mi' melben i wut. Che' tsa'ix lujba ti e'tel wi'ñayix. Anix i tiquin ti'. Tsa'ix jili i wersa. C'unix pañimil mi ma'anic chuqui mi' jap.

Isaias 46:6

Jini yomo' bʌ yambʌ i dios on mi' loc'sañob oro ti' bolsa. Mi p'isob plata ti balanza. Mi' tojob xmel dioste' cha'an mi' melbeñob i dios. Mi' ñocchocoñob i bʌ ti' tojlel, mi' ch'ujutesañob.

Isaias 46:7

Mi' q'uechob majlel. Mi' wen buchchocoñob ti' yajñib. Ya' jach mi' cʌytʌl. Ma'anic mi' wis ñijcan i bʌ. Anquese c'am mi' cha'leñob oñel cha'an mi' c'ajtiñob i coltʌntel, ma'anic mi jac'. Che' woliyob ti wocol ma'anic i coltʌntelob.

Oseas 13:2

Wʌle woli' yutsi cha'leñob mulil. Mi' yulmesañob taq'uin cha'an mi' melob i yejtal tac dios che' bajche' mi' bajñel ña'tañob, come i melbal jach winicob. Mi' yʌq'ueñob i majtan tac. Winicob mi' ts'ujts'uñob wacax.

Habacuc 2:19

Obol i bʌ jini mu' bʌ i lon suben jini dios te' cha'an mi' coltan. Lolom jach mi' pejcan jini dios xajlel mach bʌ yujilic t'an. To'ol tep'bil jach ti oro yic'ot ti plata, pero ma'anic i cuxtʌlel, che'en lac Yum.