Jeremias 10:3 - Chol: I T’an Dios

³ Come lot jach chuqui mi' yʌlob xq'uel ec'. I tilel mi' ñopob lot. Jini xjuc'te' mi' sec' jubel te'. Wen yujil e'tel ti te'. Mi' c'ʌn machit cha'an mi' melben i wut i dios.

Chol de Tumbalá Bible

³ Come lot jach chuqui mi' yʌlob xq'uel ec'. I tilel mi' ñopob lot. Jini xjuc'te' mi' sec' jubel te'. Wen yujil e'tel ti te'. Mi' c'ʌn machit cha'an mi' melben i wut i dios.

Jeremias 10:3 Iomraidhean Croise

Salmos 115:4

I diostac sajtemo' bʌ, i melbalob jach winicob. Mi' melob ti sʌsʌc taq'uin yic'ot c'ʌnc'ʌn taq'uin.

Isaias 45:20

Much'quin la' bʌ ba' añon. Tempan la' bʌ pejteletla mach bʌ anic tsa' jisʌntiyetla cha'an Ciro, cha'an mi la' wubin jini mu' bʌ caj c subeñetla. Ma'anic i ña'tʌbal winicob mu' bʌ i q'uechob ñumel i diosob. Mi' lon c'ajtibeñob i coltʌntel ti' tojlel dioste' tac mach bʌ yujilic coltaya.

Jeremias 1:16

Cabʌl jax i jontolil c tejclumob. Jini cha'an mi caj c chocbeñob tilel pejtel jini wocol cha'an tsa'ix i cʌyʌyoñob. Mi' pulbeñob pom yambʌ diosob. Mi' ñocchocoñob i bʌ ti' tojel jini melbil tac bʌ tsa' bʌ i meleyob.

Jeremias 10:8

Tontojob jini diosob melbilo' bʌ ti te'. Ma'anic i c'ʌjñibal ti cʌntesaya. Tontojob ja'el mu' bʌ i ñopob.

Jeremias 14:22

¿Mejl ba i chocob tilel ja'al i diosob yan tac bʌ tejclum? ¿Yilol jach ba mi' tilel ja'lel ti panchan? Jatet c Yumet, c Dioset. Mic pijtañet lojon. Jatet jach ma' mel pejtel iliyi.

Jeremias 16:19

C Yum, ma'anic c bajñel p'ʌtʌlel. An jach c p'ʌtʌlel ti jatet. I wentajet ts'ajquibil bʌ otot tic joytʌlel. C puts'ibet ti' yorajlel wocol. Mi caj i tilelob ba' añet winicob ti jujunwejl pañimil. Mi caj i yʌlob: Tsi' ñopoyob lot c tat lojon. Tsi' lon tsajcayob jini mach bʌ isujmic, mach bʌ anic i c'ʌjñibal. Che' mi caj i yʌlob.

Jeremias 2:5

Woli' yʌl lac Yum: ¿Chuqui c mul ti' tojlel la' tat? ¿Chucoch tsi' cʌyʌyoñob? Tsi' lon c'uxbiyob jini mach bʌ anic i c'ʌjñibal. Tsa' sojquiyob i ña'tʌbal.

Mateo 6:7

Che' mi la' cha'len oración, mach mi la' chʌn taj lajal bʌ t'an cha'an ma' tam'esan a woración che' bajche' mi' cha'leñob gentilob. Mi' lon ña'tañob mi' yubintel i yoración cha'an cabʌl i t'an.

Hechos 19:26

La' wujil chuqui woli' mel Pablo, come tsa'ix la' q'uele. Tsa'ix la' wubibe i t'an. Tsa'ix i xic'beyob cabʌl winicob x'ixicob cha'an mi' cʌyob Diana, mach wʌ'ic jach ti Efeso, pero colel i ñumel ti pejtelel Asia ja'el. Mi' yʌl mach diosic jini melbil tac bʌ ti c'ʌbʌl.

Romanos 1:21

Anquese tsi' cʌñʌyob Dios, ma'anic tsi' ch'ujutesayob. Ma'anic tsi' subeyob wocolix i yʌlʌ. Tsa' lon tejchi i bajñel ña'tʌbal. Utsilix tsa' p'ojli tonto bʌ i pusic'al.

1 Pedro 1:18

Come ña'tʌbil la' cha'an, mʌmbiletla cha'an ma'anic mi la' chʌn ñop jini lolom jach bʌ tsa' bʌ la ñopo ti la' ñojte'el. Mach mʌmbileticla ti jini yujil tac bʌ jilel che' bajche' oro yic'ot sʌsʌc taq'uin.