Jeremias 10:21 - Chol: I T’an Dios

²¹ Jini yumʌlob ma'anic mi' cʌntañob c pi'ʌlob. Ma'anix mi' tsajcañob i Yum Dios. Jini cha'an mach uts'atic añob. Jini mu' bʌ i yumañob tsa'ix laj pʌjyiyob majlel lajal bajche' i yʌlac' jini xcʌnta tiñʌme'ob.

Chol de Tumbalá Bible

²¹ Jini yumʌlob ma'anic mi' cʌntañob c pi'ʌlob. Ma'anix mi' tsajcañob i Yum Dios. Jini cha'an mach uts'atic añob. Jini mu' bʌ i yumañob tsa'ix laj pʌjyiyob majlel lajal bajche' i yʌlac' jini xcʌnta tiñʌme'ob.

Jeremias 10:21 Iomraidhean Croise

Jeremias 10:14

Tontojob pejtel winicob. Ma'añobic i ña'tʌbal. Jini yujil bʌ e'tel ti oro mi caj i yubin quisin cha'an tsi' mele tac dios, come lot jach i dios. Ma'anic i cuxtʌlel.

Jeremias 10:8

Tontojob jini diosob melbilo' bʌ ti te'. Ma'anic i c'ʌjñibal ti cʌntesaya. Tontojob ja'el mu' bʌ i ñopob.

Jeremias 12:10

Jini año' bʌ i ye'tel cha'an mi' cʌntañob c tiñʌme' tsa'ix i biy t'uchtayob c ts'usubil. Tsi' tic'layob c lum ba' tsa' ñumiyob. Jini i t'ojol jax bʌ c lum tsa'ix sujti ti colem bʌ xajlelol wen ch'ijiyem bʌ.

Jeremias 2:8

Jini motomajob ja'el ma'anic woli' yʌlob: “¿Baqui an lac Yum?” Jini yujilo' bʌ mandar mach i cʌñʌyoñobix. Jini año' bʌ i ye'tel wolix i contrajiñoñob. Jini subt'añob woli' subob ti ñuc jini Baal. Woli' tsajcañob jini lolom jach bʌ.

Jeremias 22:30

Otsan ti jun chuqui tsi' yʌlʌ lac Yum cha'an ma'anic i yalobil ili winic. Come ti pejtelel i yalobilob ma'anic mi juntiquilic mu' bʌ caj i cha'len yumʌl ti' buchlib David. Ma'anic i yalobil mu' bʌ caj i yumʌntel ti Judá, che'en lac Yum.

Jeremias 49:32

Ch'ʌmʌla jini camello tac i wenta la' majtan cha'an tsa' mʌjli la' cha'an. Chilbeñob majlel i yʌlac'. Mi caj c pam puc majlel jini winicob mach bʌ anic mi' cʌñoñob. Mi caj c chocbeñob tilel ñuc bʌ wocol ti jujunwejl, che'en lac Yum.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Jeremias 50:17

Pam pujquemob israelob che' bajche' tiñʌme' ajñesʌbil ti bajlum. Ñaxan tsi' cha'le jisaya Asiria. Wi'il tsi' cha'le jisaya jini rey Nabucodonosor ti Babilonia.

Jeremias 8:9

Jini xcʌntesajob woli' yʌjq'uelob ti quisin. Mʌcʌlob i yej. Cʌchʌlob mi caj i majlelob ti yambʌ lum cha'an tsi' juch'teq'ueyob i t'an lac Yum. Tsiquil che' jini ma'anic i ña'tʌbal.

Ezequiel 34:12

Che' bajche' xcʌntaya mi' sajcan i tiñʌme', che' ja'el joñon mic majlel c sajcan c tiñʌme' ba' pam pujquemob. Mi caj j coltañob loq'uel ti wocol yic'ot ti ic'yoch'an bʌ pañimil.

Zacarias 10:3

Ti' caj i mul jini jontol bʌ xcʌntayajob wen mich'on. Mi caj cʌq'ueñob i toj i mul jini yumʌlob, come tsa'ix tili lac Yum Dios cha'an mi' coltan jini año' bʌ ti Judá, come i yʌlac'. Mi caj c p'ʌtesañob cha'an lajal mi' sujtelob che' bajche' wen ch'ejl bʌ caballo ti guerra, che'en.

Zacarias 13:7

I Yum Panchan yic'ot Pañimil woli' chʌn al: La' tilic i contra cha'an mi' low jini Xcʌntaya c cha'an, jini c pi'ʌl ti e'tel, lajal bʌ quic'ot. La' tsʌnsʌntic jini Xcʌntaya. Mi caj i pam pujquelob jini tiñʌme'. Pero mi caj c sujtel cha'an mij coltan jini ch'o'ch'oco' bʌ.