Jeremias 10:16 - Chol: I T’an Dios

¹⁶ Mach che'ic i Dios Jacob, come jini tsi' mele pejtel chuqui tac an. Tsi' yajca Israel cha'an mi yochel ti' cha'an bʌ. Jiñʌch i Yum Panchan.

Chol de Tumbalá Bible

¹⁶ Mach che'ic i Dios Jacob, come jini tsi' mele pejtel chuqui tac an. Tsi' yajca Israel cha'an mi yochel ti' cha'an bʌ. Jiñʌch i Yum Panchan.

Jeremias 10:16 Iomraidhean Croise

Salmos 119:57

C Yum i wentajet c lum yic'ot c chubʌ'an. Tsa cʌc'ʌ c bʌ ti' jac'ol a t'an.

Salmos 135:4

Come lac Yum tsi' yajca Jacob cha'an che' yom i pusic'al, Tsi' yajca israelob cha'an mi' yochelob ti' cha'an bʌ.

Salmos 142:5

C'am mic pejcañet, c Yum. Mic subeñet: C puts'ibet. Ch'oyol ba' añet pejtelel c wenlel wʌ' ti' lumal jini cuxulo' bʌ.

Salmos 33:6

Tsa' mejli jini panchan cha'an ti' t'an lac Yum, Tsa' mejli pejtel ec' tac cha'an i yiq'uilel i yej.

Salmos 73:26

Ma'anix i p'ʌtʌlel c bʌc'tal yic'ot c pusic'al. Pero Dios i p'ʌtʌlelʌch c pusic'al. C cha'añʌch ti pejtelel ora.

Salmos 74:2

Mach mi' ñajʌyel a cha'an a cha'año' bʌ tsa' bʌ a yajca ti wajali, jini mʌmbilo' bʌ a cha'an. Ña'tan Jerusalén ba' tsa' chumleyet.

Exodo 19:5

Mi xuc'ul mi la ñich'tʌbeñon c t'an, mi uts'at mi la' jac' jini xuc'ul bʌ c t'an, mi caj la' wochel tic cha'an ti' tojlel pejtelel colem tejclum tac, come c cha'añʌch pejtelel pañimil.

Exodo 34:9

Tsi' yʌlʌ Moisés: Mi tsa'ix c taja i yutslel a pusic'al, c Yum, yom ma' majlel tic tojlel lojon, come wen tsʌtsob i pusic'al jini tejclum. Ñusʌbeñon lojon contolil yic'ot pejtelel c mul lojon. Ch'ʌmʌyon lojon che' bajche' a cha'an bʌ, che'en.

Proverbios 16:4

Pejtel chuqui tac tsi' mele lac Yum an i c'ʌjñibal. Tsi' mele ja'el jini jontolo' bʌ cha'an i q'uiñilel wocol.

Isaias 19:25

Come i Yum Panchan yic'ot Pañimil mi caj i yʌq'ueñob i yutslel i t'an Egipto yic'ot Asiria che' uts'atix mi' tem ajñelob yic'ot Israel. Come tsi' yʌlʌ: Muc'ʌch i tajob i yutslel c t'an jini egiptojob come c cha'añob, yic'ot jini chumulo' bʌ ti Asiria come c melbalob, yic'ot israelob come tsac yajcayob, che'en.

Isaias 45:7

Joñon mic melben i sʌclel q'uin yic'ot ac'ʌlel. Mi cʌq'ueñob i wenlel winicob yic'ot jini bʌbʌq'uen bʌ. Yumʌlon. Mic mel pejtelel iliyi.

Isaias 47:4

Che'ʌch tsi' yʌlʌ jini Ch'ujul Bʌ i cha'an Israel tsa' bʌ i mʌñʌyonla, i Yum Panchan yic'ot Pañimil. Che'ʌch i c'aba'.

Isaias 47:6

Che' bʌ tsac mich'le c cha'año' bʌ, tsa cʌc'ʌyob ti a c'ʌb cha'an mi' tojob i mul. Pero ma'anic tsa' wis p'untayob. Tsa' wʌq'ueyob al bʌ i cuch jini xñoxo' bʌ.

Isaias 51:15

Joñon a Yum Dios, i Yumon Panchan yic'ot Pañimil. Jiñʌch j c'aba. Tsac t'oxo colem ñajb. Tsac tiquesʌbeyet bij ti ojlil wʌlʌcña bʌ ja'.

Isaias 54:5

Come lac Yum mi caj i pʌyet cha'an i yijñam. Jiñʌch i Yum Panchan yic'ot Pañimil. Che'ʌch i c'aba'. Jini Xcoltaya a cha'an jiñʌch Ch'ujul Bʌ i cha'an Israel. I Diosʌch pejtel pañimil.

Jeremias 10:12

Diosʌch tsa' bʌ i mele pañimil ti cabʌl i p'ʌtʌlel. Tsi' xuc'choco pañimil cha'an cabʌl i ña'tʌbal. Tsi' lich'i tac panchan jini wen yujil bʌ.

Jeremias 10:6

Ma'anic yambʌ ñuc bʌ Dios lajal bʌ bajche' jatet, c Yum. Wen ñuc a c'aba'. Cabʌl a p'ʌtʌlel.

Jeremias 31:35

Che'ʌch woli ti t'an lac Yum tsa' bʌ i yʌc'ʌ ti chan jini q'uin yic'ot uw yic'ot ec' cha'an mi laj q'uel pañimil ti q'uiñil yic'ot ti ac'ʌlel. Lac Yum mi' t'ox colem ñajb. Mi' yʌc' ti ju'ucña bʌ t'an. I Yum Panchan yic'ot Pañimil, jiñʌch i c'aba'. Lac Yum woli' yʌl:

Jeremias 32:18

Jatet ma' pʌsbeñob i yutslel a pusic'al bajc'ʌl winicob. Ma' wʌq'ueñob i tojbeñob i mul i tatob, jini i yalobilob. Ñuquet, cabʌl a p'ʌtʌlel, Dios. I Yumet Panchan yic'ot Pañimil. Che'ʌch a c'aba'.

Jeremias 33:2

Lac Yum tsa' bʌ i mele pañimil, ti' p'ʌtʌlel jach i t'an tsi' mele. Tsi' xuc'choco. Jiñʌch lac Yum. Che'ʌch i c'aba'. Lac Yum tsi' yʌlʌ:

Jeremias 46:18

Jini Rey, i c'aba' i Yum Panchan yic'ot Pañimil, mi' yʌl: Tal juntiquil ñuc bʌ ti isujm. An i ñuclel che' bajche' Tabor jini chan bʌ wits yic'ot ja'el jini wits Carmel, lʌc'ʌl bʌ ti colem ñajb.

Jeremias 50:34

Wen p'ʌtʌl i yaj coltaya, i Yumʌch Panchan yic'ot Pañimil. Che'ʌch i c'aba'. Mi caj i coltañob cha'an mi' loq'uelob ti' p'ʌtʌlel i yumob, cha'an mi' cha' ñʌjch'el pañimil, pero jini caldeojob mi caj i yubiñob wocol.

Jeremias 51:19

Pero ma'anic mi caj i jisan Jacob, come yajcʌbil Israel i cha'an Dios tsa' bʌ i mele pejtel chuqui an. Jiñʌch i Yum Panchan yic'ot Pañimil. Che'ʌch i c'aba'.

Lamentaciones 3:24

Lac Yum jiñʌch c wenlel. Jini cha'an mic chʌn pijtan.

Amos 4:13

Come jiñʌch Dios tsa' bʌ i mele wits yic'ot ic'. Mi' yʌc' ti tsictiyel chuqui woli' ña'tañob winicob ti' pusic'al. Mi' sutq'uin i sʌclel pañimil ti ic'chipan bʌ. Mi' cha'len xʌmbal ti' chañilel pañimil. I c'aba' lac Yum, i Dios Panchan yic'ot Pañimil.

Zacarias 2:12

Judá i cha'añʌch lac Yum. Mi caj i sujtel ti Ch'ujul bʌ Lum. Lac Yum mi caj i cha' mulan jini tejclum Jerusalén yajcʌbil bʌ i cha'an.

Deuteronomio 32:9

Come c'uxbibil Israel i cha'an lac Yum. Jacob i yajcʌbalʌch lac Yum.