Jeremias 10:10 - Chol: I T’an Dios

¹⁰ Pero lac Yum jiñʌch Dios jini isujm bʌ, jini cuxul bʌ mach bʌ yujilic chʌmel ti pejtelel ora. Che' mich' lac Yum, mi' ñijcan i bʌ lum. Che' mich'ix, mi' puts'elob winicob ti pejtelel pañimil cha'an bʌq'uen.

Chol de Tumbalá Bible

¹⁰ Pero lac Yum jiñʌch Dios jini isujm bʌ, jini cuxul bʌ mach bʌ yujilic chʌmel ti pejtelel ora. Che' mich' lac Yum, mi' ñijcan i bʌ lum. Che' mich'ix, mi' puts'elob winicob ti pejtelel pañimil cha'an bʌq'uen.

Jeremias 10:10 Iomraidhean Croise

Genesis 21:33

Abraham tsi' pʌc'ʌ cipreste' ya' ti Beerseba. Tsi' pejca lac Yum ti' c'aba', jiñʌch Dios Am bʌ ti Pejtelel Ora.

1 Reyob 18:39

Che' bʌ tsi' q'ueleyob pejtel jini winicob, tsi' pʌcchocoyob i bʌ. Tsi' yʌlʌyob: Lac Yum jiñʌch Dios, lac Yum jiñʌch Dios, che'ob.

1 Reyob 8:60

Che' jini pejtel winicob ti pañimil mi caj i ña'tañob Yumʌlʌch Dios. Ma'anic yambʌ Dios.

1 Cronicas 29:11

A cha'añʌch a ñuclel yic'ot a p'ʌtʌlel, yic'ot a c'uxbintel, yic'ot a yumʌntel, yic'ot pejtelel chubʌ'añʌl. Come laj a cha'añʌch ti panchan yic'ot ti pañimil. C Yum a cha'añʌch a yumʌntel. Mi' yujtel che' bajche' a wom ti pejtelel pañimil.

2 Cronicas 15:3

Cabʌlix ora woli' tʌts'ob i bʌ israelob. Ma'anic mi' ch'ujutesañob jini Cuxul bʌ Dios. Ma'anic i motomajob mu' bʌ i cʌntesañob. Mach i cʌñʌyobic i mandar.

Job 9:6

Ya' ba' buchul pañimil mi' ñijcuyel.

Salmos 10:16

Lac Yum Reyʌch ti pejtelel ora. Jini mach bʌ i cha'añobic Dios mi caj i laj jilelob ti' lumal lac Yum.

Salmos 100:3

Ña'tanla Diosʌch jini lac Yum. Jini tsi' meleyonla, i cha'añonla. I winiconla, i tiñʌme'onla mu' bʌ i cʌntan.

Salmos 100:5

Come uts'at lac Yum. Mi caj i yajñel i yutslel i pusic'al ti pejtelel ora. Mi caj i pʌsbenob i xuc'tilel i pusic'al la calobilob ti lajm ti lajm.

Salmos 104:32

Ma' q'uel pañimil. Tsilecña mi' ñijcan i bʌ jini lum. Ma' tʌl wits, mi' loq'uel buts'.

Salmos 114:7

Jatet pañimil, yom tsiltsilñayet ti' tojlel lac Yum, ti' tojlel i Dios Jacob.

Salmos 145:13

Mach jilic a yumʌntel. An ti pejtelel ora. An a yumʌntel ti wajali yic'ot ti pejtelel ora.

Salmos 146:6

Jiñʌch tsa' bʌ i mele panchan yic'ot pañimil Yic'ot colem ñajb yic'ot pejtel i bʌl.

Salmos 18:7

Che' jini tsi' ñijca i bʌ jini lum, tsa' tili yujquel lum, Jini wits tac tsa' bujchi. Tsi' ñijca i bʌ cha'an i mich'ajel Dios.

Salmos 29:10

Mi' yajñel lac Yum ti pam but'ja'. Lac Yum mi' cha'len yumʌl ti pejtelel ora.

Salmos 31:5

Mi cʌq'ueñet c ch'ujlel ti a c'ʌb. Tsa'ix a mʌñʌyon, c Yum Dios, isujmetʌch.

Salmos 42:2

Tiquin c ti' yubil cha'an com Dios, jini cuxul bʌ Dios. ¿Baqui ora mi mejlel c ñochtan Dios?

Salmos 68:11

Lac Yum tsi' yʌc'ʌ jini p'ʌtʌl bʌ i t'an. Bajc'ʌl x'ixicob tsi' pam pucuyob.

Salmos 68:8

Tsa' tili yujquel lum. C'am tsi' cha'le ja'al che' bʌ tsa' pʌsʌ a bʌ. Jini Sinaí tsi' ñijca i bʌ ti' tojlel Dios, i Dios Israel.

Salmos 74:12

Dios, c reyetʌch c'ʌlʌl ti wajali. C'ʌlʌl wʌle woliyet ti coltaya ti' tojlel winicob x'ixicob.

Salmos 76:7

Bʌc'ñʌbilet. ¿Majqui mi mejlel ti c'otel ti a t'ejl che' mich'et?

Salmos 76:8

Ya' ti panchan tsa' wʌc'ʌ a t'an ti meloñel. Jini año' bʌ ti pañimil tsa' cajiyob ti bʌq'uen. Ñʌch'ʌl tsa' cʌleyob

Salmos 77:18

Ya' ti sutujt ic' tsi' cha'le t'an chajc. Tsa' sʌc'a pañimil cha'an i c'ʌc'al chajc. Tsi' ñijca i bʌ pañimil, tsi' yujcu i bʌ.

Salmos 84:2

C Yum, cabʌl mij c'uxbin a wajñib ba' com c ch'ujutesañet. Wen tijicña c pusic'al che' mij c'ʌyiñet, come cuxul bʌ Dioset.

Salmos 9:8

Toj mi caj i mel jini año' bʌ ti pañimil.

Salmos 90:11

¿Majqui mi' lu' cʌn i p'ʌtʌlel a mich'ajel? ¿Majqui mi' bʌc'ñañet cha'an cabʌl a mich'ajel?

Salmos 93:2

Wa'chocobil a yumʌntel c'ʌlʌl ti wajali. Añet c'ʌlʌl ti wajali, ma'anic a cajibal.

Salmos 97:4

Mi' choc majlel chajc mu' bʌ i sʌq'uesan pañimil. Tsiltsilñayob mi' q'uelob jini año' bʌ ti pañimil.

Isaias 37:4

Tic'ʌl mi tsa'ix i yubi lac Yum i t'an jini comandante tilem bʌ ti Asiria tsa' bʌ i p'ajbe i c'aba' lac Yum. Tic'ʌl mi caj i yʌq'uen i toj i mul cha'an tsi' p'ajbe i c'aba'. Jini cha'an yom ma' pejcan lac Yum ti oración cha'an mi' p'untan i colojbal i winicob”.

Isaias 40:15

Come lac Yum mi' q'uel pejtel winicob ti' petol pañimil che' bajche' junchʌjc' ja' mu' bʌ i yajlel ti yopom. Lajalob bajche' ts'ita' ts'ubejn ti balanza. Mi' ch'uy letsel jini lum joyol bʌ ti ja' che' bajche' ts'ubejn.

Isaias 40:28

¿Maxto ba anic tsa' la' ña'ta? Jiñʌch lac Yum Dios tsa' bʌ i mele pejtel pañimil. ¿Mach ba anic ubibil la' cha'an? Ma'anic mi' c'uñ'an. Mach yujilic lujban. Mach lu' cʌmbilic lac cha'an i ña'tʌbal.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 65:16

Majqui jach yom i tajben i yutslel Dios ti jini lum mi caj i wa'chocon i t'an ti' c'aba' jini isujm bʌ Dios, come ma'anix i ña'tʌntel wocol am bʌ ti yambʌ ora. Yajpemix tic wut a mul, che'en.

Jeremias 23:36

Pero mach yomix mi la' chʌn sub: “Ubinla c t'an, jiñʌch i cuch lac Yum”. Come ti jujuntiquilob mi caj i bajñel cuchob i t'an chuqui tac jach mi' subob. Come an la' mul cha'an woli la' socben i t'an jini cuxul bʌ Dios, i Yum Panchan yic'ot Pañimil, jiñʌch lac Dios.

Jeremias 4:2

Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

Jeremias 4:24

Tsaj q'uele tsiltsilña jini wits. Awilan woli ti ejmel jini bujtʌl.

Jeremias 50:46

Tsiltsilña pañimil yubil cha'an tsa' yajli Babilonia. Mi caj i c'ʌlʌl c'otel i yuq'uel ti ñajt bʌ lum tac.

Jeremias 51:29

Mi' cha'len yujquel lum. Wen ch'ijiyem jax Babilonia cha'an wocol. Woli' jisʌntel Babilonia come xuc'ul lac Yum. Mi' lu' mel che' bajche' ña'tʌbil i cha'an.

Daniel 4:3

Wen ñuc i melbal. Mi' yajñel i yumʌntel ti pejtelel ora. Mi' pʌsbeñob i p'ʌtʌlel winicob yic'ot i yalobilob ti lajm ti lajm.

Daniel 4:34

Nabucodonosor tsi' yʌlʌ: Che' ñumenix wucp'ejl jab, joñon Nabucodonosor tsac letsa c wut ti panchan. Tsa' cha' jajmi c pensar. Tsa' caji c ñuq'uesan Dios am bʌ ti Chan. Tsaj q'uele ti ñuc jini cuxul bʌ ti pejtelel ora. Mi' yajñel i yumʌntel ti pejtelel ora. Chʌn xuc'ul i yumʌntel ti' tojlel winicob yic'ot i p'olbalob ti lajm ti lajm.

Daniel 6:27

Yujil coltaya. Yujil i loc'sañob ti wocol i cha'año' bʌ. Mi' pʌs ñuc tac bʌ i melbal ti panchan yic'ot ti pañimil. Tsi' colta Daniel. Ma'anic tsi' yʌc'ʌ ti jilel ti bajlum, che'en.

Daniel 7:14

Jini Winic tsa' aq'uenti i p'ʌtʌlel, yic'ot i ñuclel yic'ot i yumʌntel. Pejtel winicob yujilo' bʌ t'an ti chajp ti chajp tsa' caji i yumañob. An i p'ʌtʌlel ti pejtelel ora. Ma'anic mi' caj ti jilel i yumʌntel.

Joel 2:11

Lac Yum mi' pʌyob tilel ti c'am bʌ t'an che' bajche' p'ʌtʌlo' bʌ soldadojob i cha'an. Mi' jac'beñob i t'an. Come bʌbʌq'uen jax i Q'uiñilel lac Yum. ¿Majqui mi mejlel i cuch?

Miqueas 1:4

Mi' caj ti ulmʌl jini wits tac che' bajche' mi' yulmʌl ta'chʌb ti c'ajc. Mi' caj ti ejmel jubel wits c'ʌlʌl ti joctʌl che' bajche' ja' ti' ts'ejtʌlel wits.

Nahum 1:5

Mi' ñijcʌyel wits ti' tojlel lac Yum. Mi' jejmel jini bujtʌl tac. Mi' yujquel lum ti' tojlel. Mi' jilelob winicob x'ixicob ti pejtelel pañimil.

Nahum 1:6

Ma'anic majqui mi' mejlel ti wa'tʌl ti' tojlel i mich'lel lac Yum. Ma'anic majqui mi mejlel i cuchben i mich'lel. Come ticʌw che' bajche' c'ajc. Mi' bic'ti tojp'ejl xajlel cha'an ti' mich'lel.

Habacuc 3:10

Tsi' q'ueleyet jini wits tac. Tsi' ñijcayob i bʌ cha'an bʌq'uen. Tsa' bujt'i ja'. Mich'ix yubil jini colem ja' che' woli' choc i bʌ ti ajñel. Tsa' wa'le ti ora che' bʌ tsi' yubi a t'an. Mi' sub a ñuclel ti c'am bʌ t'an.

Habacuc 3:6

Dios mi' poj wa'tʌl cha'an mi' can q'uel pañimil. Ti ora mi' yʌc' ti jilel i yumʌntel winicob. Mi' top' jini wits tac mach bʌ yujilic ñijcuyel ti pejtelel ora. Mi' pʌcchocoñob i bʌ jini bujtʌl tac ti' tojlel. Lajalʌch lac Yum wʌle che' bajche' ti pejtelel ora.

Malaquias 3:2

¿Majqui mi mejlel i q'uel che' mi' tilel? ¿Majqui mi' mejlel ti wa'tʌl ti' tojlel? Come lajalʌch bajche' c'ajc mu' bʌ i sʌq'uesan sʌsʌc taq'uin. Lajalʌch bajche' xapom mu' bʌ i loq'uesan i bibi'lel pisil.

Mateo 16:16

Simón Pedro tsi' jac'ʌ: Jatet Cristojet, jini yajcʌbil bʌ. I Yalobilet jini cuxul bʌ Dios, che'en.

Mateo 26:63

Ma'anic chuqui tsi' yʌlʌ Jesús. Jini c'ax ñuc bʌ motomaj tsi' sube: Mic subeñet ti' c'aba' jini cuxul bʌ Dios cha'an ma' subeñon lojon mi Cristojet. Subeñon lojon mi i Yalobilet Dios, che'en.

Juan 17:3

Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

Hechos 14:15

Tsi' yʌlʌyob: Winicob, ¿chucoch mi la' cha'len che' bajche' jini? Joñon lojon winicon lojon ja'el che' bajche'etla. Mic subeñetla yom mi la' cʌy jini lolom jach bʌ cha'an mi la' ñop jini cuxul bʌ Dios tsa' bʌ i mele panchan yic'ot pañimil yic'ot colem ñajb yic'ot pejtelel i bʌl.

Deuteronomio 32:4

Jiñʌch xajlel. Ts'ʌcʌl i ye'tel. Tojʌch pejtelel mu' bʌ i mel. Xuc'ulʌch, ma'anic i mul.

Deuteronomio 5:26

¿Baqui an winic mu' bʌ mejlel i yubiben i t'an Dios ti' yojlil jini c'ajc? ¿Mach ba muq'uic i chʌmel? Jini cha'an yom ma' bajñel majlel a ñich'tʌben i t'an lac Yum cha'an ma' cha' subeñon lojon. Che' jini mi caj c jac' lojon, che'etla.

1 Tesalonicenses 1:9

Come woli' subob bajche' tsa' la' pʌyʌyon lojon ochel ba' añetla yic'ot bajche' tsa' la' cʌyʌ dios tac cha'an mi la' ñop jini mero Dios, cha'an mi la' cha'liben i ye'tel jini cuxul bʌ Dios,

1 Timoteo 1:17

La' q'uejlic ti ñuc jini Rey am bʌ ti pejtelel ora, mach bʌ yujilic chʌmel, mach bʌ tsiquilic ti lac wut. Jiñʌch cojach bʌ Dios am bʌ i ña'tʌbal. La' tsictiyic i ñuclel ti pejtelel ora. Amén.

1 Timoteo 6:17

Jixcu jini am bʌ cabʌl i chubʌ'an ti pañimil, tsʌts ma' subeñob cha'an ma'anic mi' chañ'esañob i bʌ, cha'an ma'anic mi' yʌc'ob ti' pusic'al i chubʌ'an yujil bʌ jilel. Subeñob cha'an mi' chʌn ñopob jini cuxul bʌ Dios mu' bʌ i wen aq'ueñonla pejtelel chuqui tac yom cha'an mi la cubin lac tijicñʌyel.

Hebreos 10:31

Bʌbʌq'uen jax muq'uic i yʌq'ueñonla lac toj lac mul jini cuxul bʌ Dios.

Josue 3:10

Che' jini mux cajel la' ña'tan an ti la' tojlel jini cuxul bʌ lac Yum Dios. Jiñʌch lac ña'tʌntel cha'an mux i choc loq'uel ti la' tojlel jini cananeojob yic'ot heteojob yic'ot heveojob yic'ot ferezeojob yic'ot gergeseojob yic'ot amorreojob yic'ot jebuseojob.

1 Juan 5:20

La cujil tsa'ix tili i Yalobil Dios. Tsa'ix i yʌq'ueyonla lac ña'tʌbal cha'an mi laj cʌn jini mero isujm bʌ. Añonla ti jini mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ anic mi' jilel.

Apocalipsis 20:11

Tsaj q'uele colem bʌ i buchlib Dios sʌsʌc bʌ. Tsaj q'uele jini tsa' bʌ buchle ya'i. Jini pañimil yic'ot panchan tsa' puts'i ti' tojel. Ma'anic tsiquil baqui tsa' majli.

Juezob 5:4

C Yum, che' bʌ tsa' pʌyʌyon lojon loq'uel ti Seir, Che' bʌ tsa' pʌyʌyon lojon ñumel ti' lumal edomob, Jini lum tsa' ñijcʌyi, jini panchan ja'el. Jini tocal tsa' pʌntʌyi ti ja'.

1 Samuel 17:26

David tsa' caji' c'ajtiben jini ya' bʌ añob: ¿Chuqui mi caj i yʌq'uentel jini winic mu' bʌ i mʌjlel i cha'an ti' tojlel jini sajtem bʌ filisteo? ¿Yom ba mi lac bʌc'ñan ili winic woli bʌ i tic'lan Israel? ¿Chuqui i ye'tel ti' tojlel jini soldadojob i cha'an bʌ lac Yum? che'en.

1 Samuel 17:36

Tsa'ix c tsʌnsa bajlum tac yic'ot bʌte'el tac. Lajal mi caj c tsʌnsan jini winic filisteo mach bʌ anic mi' ñop Dios. Come tsa'ix i lon bʌc'tesa jini soldadojob i cha'an jini cuxul bʌ Dios.