Jeremias 1:2 - Chol: I T’an Dios

² Lac Yum tsa' caji' pejcan che' uxlujump'ejlix (13) jab i yumʌntel Josías (i yalobil Amón) ti' lumal Judá.

Chol de Tumbalá Bible

² Lac Yum tsa' caji' pejcan che' uxlujump'ejlix (13) jab i yumʌntel Josías (i yalobil Amón) ti' lumal Judá.

Jeremias 1:2 Iomraidhean Croise

1 Reyob 13:2

Cʌntesʌbil ti lac Yum tsi' cha'le t'an ti' contra jini pulʌntib. Tsi' yʌlʌ: Ubin i t'an lac Yum: “Mi caj i yilan pañimil juntiquil i p'olbal David i c'aba' Josías. Josías mi caj i yʌc' ti ili pulʌntib i bʌquel jini payxo motomajob mu' bʌ i pulob pom ilayi. Mi caj i pulben i bʌquel jini payxo bʌ motomajob ti ili pulʌntib”, che'en lac Yum. Che' tsi' yʌlʌ jini x'alt'an.

1 Reyob 13:20

Che' buchulob to ti mesa, tsa' c'oti i t'an lac Yum ti' tojlel jini ñoxix bʌ x'alt'an.

2 Reyob 21:18

Tsa' chʌmi Manasés. Tsa' mujqui ba' muculob i ñojte'elob ya' ti pʌc'ʌbʌl am bʌ ti pat i yotot ya' ti' pʌc'ʌb Uza. Tsa' caji ti yumʌl Amón ti' q'uexol i tat.

2 Reyob 21:24

Jini chumulo' bʌ ti jini lum tsi' tsʌnsayob jini winicob tsa' bʌ i contrajiyob jini rey Amón. Tsi' wa'chocoyob ti rey Josías ti' q'uexol i tat.

2 Reyob 22:3

Che' waxʌcp'ejl jab i ye'tel Josías, tsi' choco majlel Safán jini sts'ijbujel ya' ti Templo. Safán jiñʌch i yalobil Azalía i yalobil bʌ Mesulam. Tsa' chojqui majlel cha'an mi' suben jini ñuc bʌ motomaj Hilcías: “Yom abi ma' tempan jini taq'uin tsa' bʌ i yʌc'ʌyob winicob x'ixicob ya' ti' ti' Templo cha'an i majtan Dios. Ulmesan.

Jeremias 1:11

Tsa' cha' tili i t'an lac Yum tic tojlel: ¿Chuqui wola' q'uel, Jeremías? che'en. Tsac jac'ʌ: Wolij q'uel te'. Woli' pasel juntejc te' i c'aba' almendra, cho'on.

Jeremias 1:4

Tsa' tili i t'an lac Yum tic tojlel:

Jeremias 25:3

Uxp'ejl i cha'c'al jab (23) woli' tilel i t'an Dios ba' añon. Tsa' caji che' i yuxlujump'ejlix (13) jab i yumʌntel Josías (i yalobil Amón) rey bʌ ti Judá. C'ʌlʌl wʌle wolic lu' subenetla ti' xuc'tʌlel c pusic'al, pero ma'anic tsa' la' ñich'ta.

Jeremias 28:12

Ñumenix semana che' bʌ tsi' jeme jini te' Hananías, tsa' tili i t'an lac Yum ba'an Jeremías. Tsi' sube:

Jeremias 3:6

Che' woli to ti yumʌl jini rey Josías, lac Yum tsi' subeyon: ¿Tsa' ba a q'uele bajche' tsi' mele Israel che' bʌ tsi' cʌyʌyon? Tsajni i ch'ujutesan i diosob ti yebal te' tac ti jujump'ejl bujtʌl che' bajche' sts'i'lel x'ixic mu' bʌ i yʌc' i bʌ ti pi'lentel cha'an winicob mach bʌ i ñoxi'alic.

Jeremias 36:2

Ch'ʌmʌ tilel jun. Ts'ijban pejtel c t'an cha'an Israel yic'ot Judá yic'ot yan tac bʌ tejclum che' bajche' tsac subeyet che' woli ti yumʌl Josías c'ʌlʌl wʌle. Pʌsbeñob jini año' bʌ ti Judá.

Oseas 1:1

Lac Yum tsi' pejca Oseas (i yalobil Beeri) che' woliyob ti yumʌntel ti Judá jini reyob Uzías yic'ot Jotam yic'ot Acaz yic'ot Ezequías. Ti jim bʌ ora woli ti yumʌntel jini rey Jeroboam (i yalobil Joás) ya' ti Israel.

Joel 1:1

Jiñʌch i t'an lac Yum tsa' bʌ subenti Joel i yalobil Petuel:

Jonas 1:1

Tsa' tili i t'an lac Yum ba'an Jonás i yalobil Amitai:

Miqueas 1:1

Jiñʌch i t'an lac Yum tsa' bʌ tili ba'an Miqueas ch'oyol bʌ ti Moreset che' bʌ tsi' cha'leyob yumʌl ti Judá jini reyob Jotam yic'ot Acaz yic'ot Ezequías. Tsa' subenti ili t'an cha'an mi' cha' sub ti Samaria yic'ot ti Jerusalén. Tsi' lu' q'uele chuqui tsa' pʌsbenti ti Dios.

Sofonias 1:1

Lac Yum tsi' pejca Sofonías (i yalobil Cusi, i yalobil bʌ Gedalías, i yalobil Amarías, i yalobil Ezequías) ti jini jabil che' woli' yumʌntel jini rey Josías (i yalobil Amón) ya' ti Judá.