Jeremias 1:19 - Chol: I T’an Dios

¹⁹ Mi caj i contrajiñet, pero mach mejlic i jisañet come añon quic'otet. Mi caj cʌq'uet ti colel ti' c'ʌb, che'en lac Yum.

Chol de Tumbalá Bible

¹⁹ Mi caj i contrajiñet, pero mach mejlic i jisañet come añon quic'otet. Mi caj cʌq'uet ti colel ti' c'ʌb, che'en lac Yum.

Jeremias 1:19 Iomraidhean Croise

Salmos 129:2

Anquese cabʌl tsi' tic'layoñob c'ʌlʌl che' ch'itoñon to, Ma'anic tsa' mʌjli i cha'añob.

Jeremias 1:18

Awilan tsa'ix c meleyet che' bajche' ts'ajquibil bʌ tejclum joyol bʌ ti a contrajob. Lajalet bajche' ts'ajquibil bʌ otot mach bʌ mejlic ti ch'ʌjmel. Xuc'ul mi caj a cha'len t'an ti' contra pejtel i reyob Judá yic'ot i yalobilob rey yic'ot jini chumulo' bʌ ti jini lum.

Jeremias 1:8

Mach a wis bʌc'ñan winicob, come añon quic'otet cha'an mi cʌq'uet ti colel ti' c'ʌb, che'en lac Yum.

Jeremias 11:19

Come lajalon bajche' c'uxbibil bʌ tiñʌme' mach bʌ yujilic ba' ora mi caj i pʌjyel majlel ti tsʌnsʌntel. Tsi' temeyob i t'an cha'an mi' tsʌnsañoñob. La' lac jisan che' c'oc' to che' bajche' te' anto bʌ i yetsel. La' lac junyajlel jisan cha'an ma'anix mi' chʌn ña'tʌntel ti pañimil, che'ob.

Jeremias 11:21

Jini cha'an lac Yum tsi' yʌlʌ: Q'uelel c cha'an ili winicob ti Anatot tsa' bʌ i temeyob i t'an cha'an mi' tsʌnsañet. Mi' yʌlob: “Mach a chʌn pejcañon lojon ti' c'aba' lac Yum ame chʌmiquet tij c'ʌb lojon”, che'ob.

Jeremias 18:18

Tsa' caji i temob i t'an c pi'ʌlob: ¿Chuqui yom mi lac tumben Jeremías? che'ob. An lac cha'an motomajob yic'ot x'alt'añob yic'ot winicob cabʌl bʌ i ña'tʌbal. Ma'anic i ye'tel jini Jeremías. La' lac jop'ben i mul cha'an mi' cʌjchel. Mach yomic mi lac chʌn ñich'tʌben i t'an, che'ob.

Jeremias 2:1

Tsa' tili i t'an lac Yum tic tojlel:

Jeremias 20:10

Woliyon ti bʌq'uen. Ti mojt ti mojt mi' mucul temob i t'an tij contra. Mux caj i toj, che'ob. Jini j cʌñʌyo' bʌ ja'el yomob i tic'on ti t'an ame i yʌcoñob tic t'an jini j contrajob, come woli' yʌlob: Tic'ʌl mi mux caj i cha'len bʌq'uen, che'ob. Che' jini mi caj i mʌjlel lac cha'an, che'ob.

Jeremias 20:11

Pero wʌ'an c Yum quic'ot. Wen yujil guerra. Mi' bʌc'tesan j contrajob. Jini cha'an mi' cajelob ti yajlel. Mach mʌjlic i cha'añob. Mi caj i yubiñob quisin come mach uts'atic bajche' woli' melob. Ma'anic mi caj i ñusʌbentel i mul ti pejtelel ora.

Jeremias 26:8

Che' bʌ tsa' ujti i laj subeñob ili t'an che' bajche' tsi' sube lac Yum, jini motomajob yic'ot jini x'alt'añob yic'ot pejtel x'ajñelob tsi' chucuyob. Wersa mi caj a chʌmel, che'ob.

Jeremias 30:11

Añon quic'otet cha'an mi cʌq'uet ti libre, che'en lac Yum. Mi caj c lu' jisʌbeñob i yumʌntel jini winicob ba' tsac chocoyet ti pujquel, pero ma'anic mi caj c lu' jisañet. Mi caj c ju'sʌbeñet a pusic'al cha'an a mul. Ma'anic mic to'ol ñusan mulil.

Jeremias 39:17

Pero mi caj j coltañet ti jini q'uin, che'en lac Yum. Ma'anic mi caj a wʌjq'uel ti' c'ʌb jini winicob mu' bʌ a bʌc'ñan.

Jeremias 42:11

Mach yomic mi la' bʌc'ñan jini rey ti Babilonia. Cʌyʌx la' bʌc'ñan. Ma'anic chuqui mi caj i tumbeñetla, come añon quic'otetla cha'an mij coltañetla loq'uel ti' c'ʌb.

Jeremias 46:28

Mach a cha'len bʌq'uen, c winic, Jacob, che'en lac Yum. Añon quic'otet. Mi caj c lu' jisan yambʌ winicob, pero mach jatetic. Jini jach mi caj c jultesʌbeñet a pusic'al. Ma'anic mi caj c to'ol ñusan a mul, che'en lac Yum.

Daniel 3:25

Pero wolij q'uel chʌntiquil winicob jitbilobix. Woliyob ti xʌmbal ti' yojlil c'ajc. Ma'anic chuqui woli' yubiñob. Che'ʌch yilal i chʌnticlel bʌ bajche' juntiquil dios, che'en.

Numeros 14:9

La' wocolic mach mi la' chañ'esan la' bʌ ti' tojlel lac Yum. Mach mi la' bʌc'ñan jini winicob ya' bʌ añob ti jini lum. Lajalob jax yilal bajche' waj mu' bʌ laj c'ux, come lac Yum woli' cʌntañonla. Lac Yum tsa'ix i cʌyʌ jini año' bʌ ti Canaán. Mach mi la' bʌc'ñañob, che' jini. Che' tsi' xiq'uiyob Caleb.

Hechos 26:17

Come mi caj j coltañet loq'uel ti' c'ʌb a pi'ʌlob yic'ot ti' c'ʌb gentilob. Ya' wolic choquet majlel wʌle

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.