Jeremias 1:17 - Chol: I T’an Dios

¹⁷ Chajpan a bʌ. Cucux subeñob pejtel jini t'an tsa' bʌ c subeyet. Mach a bʌc'ñañob che' ma' q'uelbeñob i wut, ame mi cʌq'uet ti quisin ti' tojlelob.

Chol de Tumbalá Bible

¹⁷ Chajpan a bʌ. Cucux subeñob pejtel jini t'an tsa' bʌ c subeyet. Mach a bʌc'ñañob che' ma' q'uelbeñob i wut, ame mi cʌq'uet ti quisin ti' tojlelob.

Jeremias 1:17 Iomraidhean Croise

1 Reyob 18:46

Lac Yum tsi' wen p'ʌtesa Elías. Tsi' cʌchʌ i bʌ. Ñaxan tsi' cha'le ajñel majlel Elías ti' tojlel i carreta Acab c'ʌlʌl tsa' c'oti ti Jezreel.

2 Reyob 1:15

Che' jini, i yángel lac Yum tsi' sube Elías: Yom ma' majlel a wic'ot ili winicob. Mach a bʌc'ñañob, che'en. Jini cha'an Elías tsa' majli ba'an jini rey Ocozías.

2 Reyob 4:29

Eliseo tsi' sube Giezi i yaj e'tel: Chajpan a bʌ cha'an ma' majlel ti ajñel. Ch'ʌmʌ majlel jini c barate' a wic'ot. Mi tsa' taja winic ti bij mach a pejcan. Mi an majqui mi' yʌq'ueñet cortesía ti bij, mach a jac'ben. Che' c'otemetix yom ma' wʌc' jini barate' ti' wut jini ch'iton, che'en.

2 Reyob 9:1

Jini x'alt'an Eliseo tsi' pʌyʌ tilel i yalobil juntiquil x'alt'an. Tsi' sube: Yom ma' chajpan a bʌ cha'an ma' majlel ti Ramot am bʌ ti Galaad. Ch'ʌmʌ majlel ili aceite a wic'ot.

Job 38:3

Wa'i'. Pʌsʌ a bʌ ti wen ch'ejl che' bajche' winic. An chuqui mi caj j c'ajtibeñet. Jatet mi caj a jac'beñon.

Exodo 3:12

Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Exodo 7:2

Mi caj a cha' suben pejtelel mu' bʌ c subeñet. Jini Aarón a wʌscun mi caj i suben Faraón cha'an mi' choc loq'uel ti Egipto jini israelob.

Jeremias 1:18

Awilan tsa'ix c meleyet che' bajche' ts'ajquibil bʌ tejclum joyol bʌ ti a contrajob. Lajalet bajche' ts'ajquibil bʌ otot mach bʌ mejlic ti ch'ʌjmel. Xuc'ul mi caj a cha'len t'an ti' contra pejtel i reyob Judá yic'ot i yalobilob rey yic'ot jini chumulo' bʌ ti jini lum.

Jeremias 17:18

Ac'ʌyob ti quisin jini woli bʌ i tic'lañoñob. Pero mach ma' wʌc'on ti quisin. La' toj sajticob i pusic'al, pero mach yomic mi' toj sajtel c pusic'al. La' i tajob jini ñuc bʌ wocol che' ti' q'uiñilel. Yom cha'yajl ma' jisañob.

Jeremias 23:28

Jini x'alt'an mu' bʌ i cha'len ñajal, la' i sub chuqui tsi' ñajle. ¿Chuqui i ye'tel ñajal? Pero jini yujil bʌ c t'an la' i sub c t'an ti' xuc'tʌlel i pusic'al. Come cabʌlʌch i c'ʌjñibal. Mach mejlic i lajintel jini mero ixim yic'ot tiquinix bʌ jam, che'en lac Yum.

Jeremias 26:12

Jeremías tsa' caji' suben pejtel jini yumʌlob yic'ot pejtel winicob: Lac Yum tsi' subeyon cha'an mic cha'len t'an ti' contra ili otot, ti' contra ili tejclum che' bajche' tsa' la' wubi.

Jeremias 26:2

Tsi' subeyon: Wa'i' ti' pat i Templo lac Yum. Subeñob ili t'an pejtel tejclum tac ti Judá mu' bʌ i c'otelob ti ch'ujutesaya. Yom ma' lu' subeñob che' bajche' wolic subeñet. Mach yomic mi' sajtel mi jump'ejlic c t'an ti pejtelel.

Jeremias 36:8

Baruc (i yalobil Neraías) tsi' laj mele che' bajche' tsi' sube Jeremías. Ya' ti Templo tsi' pejca i t'an lac Yum am bʌ ti ts'ijbujel.

Lamentaciones 3:57

Tsa' lʌc'tesa a bʌ ti jim bʌ ora che' bʌ tsac pejcayet. Tsa' wʌlʌ: Mach a cha'len bʌq'uen, che'et.

Jonas 3:2

Ch'ojyen. Cucu ti Nínive, jini colem tejclum. Subeñob jini t'an mu' bʌ caj c subeñet, che'en.

Lucas 12:35

Yom chajpʌbiletla. Yom tsuc'bil la' lámpara.

Hechos 20:20

Ma'anic tsac bʌc'ña c subeñetla jini am bʌ i c'ʌjñibal la' cha'an. Tsaj cʌntesayetla ti' wut winicob x'ixicob yic'ot ti jujump'ejl la' wotot.

Hechos 20:27

Ma'anic tsac cha'le bʌq'uen, pero ts'ʌcʌl tsac subeyetla i t'an Dios.

1 Corintios 9:16

Anquese mic sub jini wen t'an, mach mejlic c sub c bʌ ti ñuc, come wersa ñijcʌbil c pusic'al cha'an mic sub jini wen t'an. Mi caj c taj wocol mi ma'anic mic sub.

1 Tesalonicenses 2:2

Anquese tsac ñaxan ubi lojon wocol yic'ot c tic'lʌntel ya' ti Filipos, ch'ejlon lojon ti Dios, tsac subeyetla i wen t'an Dios anquese an cabʌl j contrajintel lojon.

1 Pedro 1:13

Jini cha'an, chajpan la' pusic'al. Yom yʌxʌl la' wo. Junyajlel xuc'chocon la' bʌ ti pijtaya, come mi caj la' wʌq'uentel i yutslel la' pusic'al che' mi' pʌstʌl Jesucristo.