Jeremias 1:16 - Chol: I T’an Dios

¹⁶ Cabʌl jax i jontolil c tejclumob. Jini cha'an mi caj c chocbeñob tilel pejtel jini wocol cha'an tsa'ix i cʌyʌyoñob. Mi' pulbeñob pom yambʌ diosob. Mi' ñocchocoñob i bʌ ti' tojel jini melbil tac bʌ tsa' bʌ i meleyob.

Chol de Tumbalá Bible

¹⁶ Cabʌl jax i jontolil c tejclumob. Jini cha'an mi caj c chocbeñob tilel pejtel jini wocol cha'an tsa'ix i cʌyʌyoñob. Mi' pulbeñob pom yambʌ diosob. Mi' ñocchocoñob i bʌ ti' tojel jini melbil tac bʌ tsa' bʌ i meleyob.

Jeremias 1:16 Iomraidhean Croise

2 Reyob 22:17

Come tsi' cʌyʌyoñob. Tsi' pulbeyob pom jini mach bʌ Diosic. Tsi' techbeyoñob c mich'ajel. Mach lajmic c mich'ajel.

2 Cronicas 15:2

Tsa' majli Azarías i taj jini rey Asa. Tsi' sube: Ñich'tʌbeñon Asa, jatet yic'ot pejtelel Judá yic'ot Benjamín. Lac Yum mi caj i chʌn ajñel la' wic'ot, mi xuc'ul mi la' chʌn ajñel yic'ot. Che' mi la' sajcan lac Yum mi caj la' taj. Pero mi tsa' la' cʌyʌ, mi caj i cʌyetla ja'el.

2 Cronicas 28:2

Tsa' caji i mel jontolil che' bajche' jini reyob ti Israel. Tsi' mele i yejtal tac jini dios Baal.

2 Cronicas 34:25

Come tsi' cʌyʌyoñob. Tsi' yʌq'ueyob i majtan dioste'. Tsi' techbeyoñob c mich'ajel cha'an pejtelel i melbal. Jini cha'an mi caj c jisan ili tejclum tic mich'ajel. Ma'anic majch mi' mʌctañon”. Che' tsi' yʌlʌ lac Yum.

2 Cronicas 7:19

Pero mi mach xuc'uleticla quic'ot, mi tsa' la' cʌyʌ la' jac'beñon c subal yic'ot c mandar cha'an mi la' ch'ujutesan jini mach bʌ diosic,

Isaias 2:8

An ja'el cabʌl dioste' tac ti' petol pañimil. Mi' ñocchocoñob i bʌ cha'an mi' ch'ujutesañob. I wʌlʌc melbalob i c'ʌb.

Isaias 37:19

Tsi' laj pulbeyob i diosob, come mach mero diosobic. Melbilob jach ti te' yic'ot ti xajlel. I ye'tel jach winicob. Jini cha'an tsa' jisʌntiyob.

Isaias 44:15

Mi' c'ʌn lamital cha'an i si', cha'an mi' q'uixñesan i bʌ, yic'ot cha'an mi' tiq'uesan caxlan waj ti horno. Lamital mi' c'ʌn cha'an mi' mel i dios. Mi' ñocchocon i bʌ ti' tojlel. I melbalʌch. I yejtalʌch winic, pero mi' pʌcchocon i bʌ ti' tojlel.

Isaias 65:3

Mi' chʌn xic'oñob ti mich'ajel, come ñʌmʌlob ti dioste' tac. Mi' ch'ujutesañob ti pʌc'ʌbʌl. Mi' pulbeñob pom ti pulʌntib melbil bʌ ti ladrillo.

Jeremias 10:15

Ma'anic i c'ʌjñibal. I melbal jach jini yujilo' bʌ wajleya. Che' ti' yorajlel toj mulil mi caj i jilel.

Jeremias 10:3

Come lot jach chuqui mi' yʌlob xq'uel ec'. I tilel mi' ñopob lot. Jini xjuc'te' mi' sec' jubel te'. Wen yujil e'tel ti te'. Mi' c'ʌn machit cha'an mi' melben i wut i dios.

Jeremias 11:12

Mi' majlelob i pejcan i diosob cha'an mi' c'ajtibeñob i coltʌntel. Cabʌl tsi' pulbeyob pom pero ma'anic mi' jac'ob. Ma'anic i p'ʌtʌlel ti coltaya ti' yorajlel ñuc bʌ wocol.

Jeremias 11:17

Come i Yum Panchan yic'ot Pañimil tsa' bʌ i pʌc'ʌyet mi caj i contrajiñet che' bajche' tsi' yʌlʌ cha'an ñuc a mul. Cabʌl tsa' jec'beyon c pusic'al che' bʌ tsa' pulbe pom Baal, che'en lac Yum.

Jeremias 15:6

Tsa' cʌyʌyon, che'en lac Yum. Woli a chʌn tʌts' a bʌ tic tojlel. Jini cha'an tsac sʌts'ʌ j c'ʌb cha'an mic jisañet. Mach chʌn comix j cuch a mul. Wocol jax mi cubin.

Jeremias 16:11

Che' jini mi caj a subeñob: “Lac Yum woli' yʌl: Tsi' cʌyʌyoñob la' tat. Tsi' ñopbeyob i diosob jini ñajt bʌ chumulob mach bʌ la' cʌñʌyic. Tsi' yumayob. Tsi' ch'ujutesayob. Tsi' cʌyʌyoñob. Ma'anic tsi' jac'beyoñob j cʌntesʌbal.

Jeremias 17:13

Jatet i yaj pijtayajet Israel. Pejtel mu' bʌ i cʌyetob mi' cajelob ti quisin. Chucul i c'aba' ti pañimil, mach ya'ic chucul ti chan, cha'an tsi' cʌyʌyet. Jatet jach i loq'uibet jini Cuxul bʌ Ja'.

Jeremias 18:15

Pero ma'anic i xuc'tʌlel c tejclumob. Tsa'ix i cʌyʌyoñob. Woli' pulbeñob pom jini mach bʌ Diosic. Mach uts'atic tsi' q'ueleyob jini toj bʌ bij tsa' bʌ c pʌsbeyob c'ʌlʌl ti oñiyi. Tsi' xoyoyob i bijlel. Woliyob ti xʌmbal ti yambʌ bij tac cha'an yomob mulil.

Jeremias 19:4

Tsa' la' cʌyʌyon. Tsa' la' bib'esa ti mulil ili lum. Woli la' pulbeñob pom yambʌ dios tac mach bʌ la' cʌñʌyic, mi jatetla mi la' tatob mi la' reyob. Baqui jach mi la' ñumel ti ili lum an i ña'tʌntel la' mul cha'an tsa' la' tsʌnsa jini mach bʌ añobic i mul.

Jeremias 2:13

Come cha'chajp i mul c winicob x'ixicob. Tsi' cʌyʌyoñob, anquese joñon Cuxul bʌ Ja'on. Tsi' wersa t'oboyob xajlel cha'an mi' yajñel i ya'al. Tsi' sajcayob ja' ba' bajñel yomob i pusic'al. Mu' jach i jilel i ya'al cha'an tocolix i yajñib.

Jeremias 2:17

¿Mach ba cha'anic a mul tsa' tili ili wocol? Tsa' cʌyʌ a Yum Dios che' bʌ tsi' wen pʌsbeyet jini wen bʌ bij.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 2:28

Sʌclan a diosob tsa' bʌ a mele. ¿Baqui añob che' ti' yorajlel a wocol? La' ch'ojyicob che' woliyet ti wocol, mi yujilob coltaya. Tsiqui a diosob, Judá. Wen cabʌlob ti tsic che' bajche' a tejclumob.

Jeremias 4:12

Tal p'ʌtʌl bʌ ic' chocbil bʌ tilel c cha'an. I yorajlelix mi caj c mel c winicob x'ixicob”. Che'ʌch yom ma' subeñob, che'en lac Yum.

Jeremias 4:28

Jini cha'an la' i yuc'tañob i lumal. La' mʌjquic yic'ot i'ic' bʌ pisil yilal jini q'uin, cha'an tsac cha'le t'an. Tsac wʌn ña'ta tic pusic'al bajche' mi caj c mel. Mach quepelic mi caj j cʌy. Ma'anic mij q'uextan c pusic'al, che'en lac Yum.

Jeremias 44:17

Mi caj c mel lojon che' bajche' com lojon. Mi caj c pulben pom jini x'ixic bʌ rey ti panchan. Mi caj cʌq'uen i majtan bajche' jach c'amel com, che' bajche' tsi' meleyob c tat lojon yic'ot c reyob lojon yic'ot año' bʌ i ye'tel ya' ti' tejclum tac Judá yic'ot ti' bijlel Jerusalén. Come che' jini ma'anic c wi'ñal lojon, tijicñayon lojon, wen chumulon lojon.

Jeremias 5:29

¿Mach ba muq'uic i tojob i mul? che'en lac Yum. Joñon mi caj cʌq'ueñob i toj i mul jini tejclum.

Jeremias 5:9

¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Jeremias 51:17

Che' jini mi' tsictesan i tontojlel winicob mu' bʌ i ñopob dioste'. Jini xmel dios mi' cajel ti quisin, anquese melbil ti oro i dios come lot jach. Ma'anic i ch'ujlel.

Jeremias 7:17

¿Mach ba q'uelelic a cha'an chuqui woli' melob ti' tejclum tac Judá yic'ot ti' bijlel tac Jerusalén?

Jeremias 7:18

Jini cha'an cabʌlix c mich'ajel. Jini alp'eñelob mi' tempañob si'. I tatob mi' xic'ob c'ajc. Jini x'ixicob mi' xʌc'ob harina cha'an mi' melbeñob pan jini x'ixic bʌ dios. Mi' lon alob: “Woli ti yumʌl ti panchan”, che'ob. Mi' yʌq'ueñob japbil bʌ i majtan jini diosob mu' bʌ c ts'a'len.

Jeremias 7:9

Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Ezequiel 16:18

Tsa' ch'ʌmʌ a bujc cha'an ma' xojbeñob a diosob. Tsa' c'ʌñʌ jini aceite yic'ot pom tsa' bʌ cʌq'ueyet cha'an ma' ch'ujutesañob.

Ezequiel 24:14

La' Yumon. Tsa cʌc'ʌ c t'an. Pejtelel chuqui tsa cʌlʌ mi caj c mel. Ma'anic mi caj c p'untañet. Mi caj c sutq'uibeñet a jontolil. Mi caj a lu' toj”, che'en lac Yum Dios.

Oseas 11:2

Pero che' bʌ tsac pʌyʌyob, tsi' tʌts'ʌyob i bʌ tic tojlel. Tsa' utsi ñusʌbeyon c t'an. Tsi' yʌq'ueyob i majtan jini dios Baal. Tsi' pulbeyob pom jini dioste' tac.

Oseas 8:6

Come mach Diosic jini alʌ tat wacax tsa' bʌ i meleyob. I melbal jach winic. Jini cha'an wersa mi caj i bic'ti tojp'el jini dios alʌ tat wacax am bʌ ti Samaria.

Joel 2:11

Lac Yum mi' pʌyob tilel ti c'am bʌ t'an che' bajche' p'ʌtʌlo' bʌ soldadojob i cha'an. Mi' jac'beñob i t'an. Come bʌbʌq'uen jax i Q'uiñilel lac Yum. ¿Majqui mi mejlel i cuch?

Hechos 7:41

Che' jini tsi' meleyob alʌ wacax. Tsi' tsʌnsʌbeyob i majtan jini dios taq'uin. Tsa' ñuc'ayob i pusic'al cha'an jini dios tsa' bʌ i meleyob ti' c'ʌb.

Deuteronomio 28:20

Lac Yum mi caj i chocbeñet tilel wocol yic'ot wi'ñal. Wocol jax mi caj a wubin c'ʌlʌl jinto ma' jisʌntel, cha'an ti' caj jontol bʌ a melbal cha'an tsa' cʌyʌ lac Yum.

Deuteronomio 31:16

Lac Yum tsi' sube Moisés: Mi caj a majlel ba'an a ñojte'elob. Mi caj a chʌmel. Jixcu ili winicob x'ixicob, che' mi' c'otelob ti chumtʌl ya' ba'an yaño' bʌ tejclumob, mi caj i tsajcʌbeñob i dioste' tac. Mi caj i cʌyoñob. Mi caj i ñusʌbeñoñob jini xuc'ul bʌ t'an tsa' bʌ c mele quic'otob.

Josue 24:20

Mi tsa' la' cʌyʌ lac Yum, mi tsa' la' ch'ujutesa dioste' tac, mi caj i yʌq'ueñetla wocol. Mi caj i cʌyetla. Anquese tsi' pʌsbeyetla i yutslel, mi caj i jisañetla, che'en.

Apocalipsis 9:20

Yambʌ winicob mach bʌ anic tsa' chʌmiyob ti jini wocol ma'anic tsi' cʌyʌyob i mel jontol bʌ i melbal. Ma'anic tsi' cʌyʌyob i ch'ujutesan xibajob, yic'ot dios oro tac, yic'ot dios plata tac, yic'ot dios c'ʌnc'ʌn taq'uin tac, yic'ot dios xajlel tac, yic'ot dios te' tac, mach bʌ anic mi' c'otel i wut, mach bʌ anic mi' yubin t'an, mach bʌ yujilic xʌmbal.