Jeremias 1:15 - Chol: I T’an Dios

¹⁵ Mi caj c pʌy tilel a contrajob chumulo' bʌ ti yan tac bʌ lum ya' ti norte. Talob i wa'chocon i yumʌntel ti' yochib Jerusalén yic'ot ti chan bʌ ts'ajc am bʌ ti' joytʌlel Jerusalén yic'ot ti pejtelel xchumtʌl tac ti Judá.

Chol de Tumbalá Bible

¹⁵ Mi caj c pʌy tilel a contrajob chumulo' bʌ ti yan tac bʌ lum ya' ti norte. Talob i wa'chocon i yumʌntel ti' yochib Jerusalén yic'ot ti chan bʌ ts'ajc am bʌ ti' joytʌlel Jerusalén yic'ot ti pejtelel xchumtʌl tac ti Judá.

Jeremias 1:15 Iomraidhean Croise

Jeremias 10:22

Ubinla. Motocñayob xguerrajob. Talob ti xʌmbal ya' ti norte. I tejclum tac Judá mi caj i sujtelob ti' ch'eñal jontol bʌ ts'i'.

Jeremias 10:25

Pʌsbeñob a mich'ajel yan tac bʌ tejclum mach bʌ anic mi' cʌñet, mach bʌ anic mi' pejcañet, come tsi' jisayob Jacob. Tsi' laj jisʌbeyob i tejclum tac.

Jeremias 13:20

Q'uele pañimil ti norte. Ix tilelob laj contrajob. ¿Baqui an a wʌlac' tsa' bʌ aq'uentiyet, jini wen uts'atax bʌ a wʌlac'?

Jeremias 25:28

Mi mach yomobic i ch'ʌmob jini taza am bʌ ti a c'ʌb mu' bʌ a wʌq'ueñob, subeñob: “Wersa mi caj la' jap. Mach mejliquetla ti puts'el, che'en i Yum Panchan yic'ot Pañimil.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 33:10

Lac Yum woli' yʌl: Tsi' yubiyob laj pujch'emix ili lum. Ma'anic majqui wʌ' chumul mi winic mi bʌte'el. Jocholix i tejclum tac Judá yic'ot i bijlel tac Jerusalén. Pero wʌ' ba' ch'ijiyem pañimil mi caj i cha' ubintel

Jeremias 34:1

Jiñʌch i t'an lac Yum tsa' bʌ tili ba'an Jeremías che' woli ti guerra Nabucodonosor, rey bʌ ti Babilonia, yic'ot pejtel i winicob yic'ot yaño' bʌ loq'uemo' bʌ ti jujump'ejl tejclum. Woliyob ti guerra ti' contra Jerusalén yic'ot ti' contra pejtelel i tejclum tac Judá.

Jeremias 34:22

Awila to. Joñon mi caj cʌc' mandar cha'an mi' cha' sujtelob ilayi cha'an mi' cha' techob guerra ti' contra ili tejclum. Mi caj i t'uchtañob. Mi caj i pulob ti c'ajc. Joñon mi caj c jisan pejtel i tejclum tac Judá cha'an jochol mi' cʌytʌl, che'en lac Yum.

Jeremias 39:3

Pejtel jini yumʌlob ch'oyolo' bʌ ti Babilonia tsa' tiliyob ti buchtʌl ya' ti' ti' ts'ajc xinlʌpʌl bʌ an. Ya' añob Nergal Sarezer yic'ot Samgar Nebo yic'ot Sarsequim yic'ot Rabsaris yic'ot yambʌ Nergal Sarezer jini ñuc bʌ i yaj coltaya rey yic'ot pejtel jini yumʌlob chocbilo' bʌ tilel cha'an i rey Babilonia.

Jeremias 4:16

Subu ti' tojlel ñajt tac bʌ tejclum cha'an talob i jisan Jerusalén jini ñajt bʌ ch'oyolob. Ju'ucña mi' cha'leñob t'an ti' contra jini tejclum tac ti Judá.

Jeremias 4:6

Letsan la' bandera ti' bijlel Sion. Yom mi la' puts'el ya'i. Mach yomic mi la' jalijel come tal cabʌl wocol, come wolic pʌy tilel jini yujilo' bʌ jisaya ch'oyolo' bʌ ti norte.

Jeremias 43:10

Subeñob: “I Yum Panchan yic'ot Pañimil, i Dios Israel, woli' yʌl: P'isi ti la' wenta chuqui wolic mel. Mi caj c pʌy tilel c winic Nabucodonosor rey bʌ ti Babilonia. Mi caj i wa'chocon i buchlib ti' pam ili xajlel tac wʌ' ba' tsac mucu. Mi caj i lich' i pabellón wʌ' ti chan.

Jeremias 44:6

Jini cha'an tsa cʌc'ʌyob ti ñuc bʌ wocol ti pejtelel tejclum tac ti Judá yic'ot ti' bijlel tac Jerusalén cha'an cabʌl c mich'ajel. Jochol tsa' cʌle la' lumal. Lu' jejmenix woli la' q'uel.

Jeremias 46:24

Egipto mi caj i yʌjq'uel ti quisin. Mi caj i yʌjq'uel ti' wenta jini ch'oyolo' bʌ ti norte.

Jeremias 5:15

Awilan wolic pʌy tilel winicob ñajt bʌ chumulob. Talob i contrajiñet, Israel, che'en lac Yum. Añob i p'ʌtʌlel ti wajali c'ʌlʌl wʌle. Yambʌyʌch i t'an mach bʌ a wujilic. Ma'anic ma' ch'ʌmben isujm.

Jeremias 6:22

Woli' yʌl lac Yum: Talob winicob ch'oyolo' bʌ ti norte. Woli' yutsi p'ojlel i p'ʌtʌlel ya' ti' ñajtʌlel pañimil.

Jeremias 9:11

Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Lamentaciones 5:11

J contrajob tsi' tic'layob x'ixicob ti Sion yic'ot xch'ocob ti Judá.

Ezequiel 32:30

Ya' añob ja'el jini año' bʌ i ye'tel ti norte, yic'ot jini ch'oyolo' bʌ ti Sidón. Tsa' laj tsʌnsʌntiyob. Ti yambʌ ora tsi' lon bʌc'tesa winicob, pero wʌle woliyobix ti quisin. Temel añob yic'ot pejtel jini tsʌnsʌbilo' bʌ tsa' bʌ sajtiyob.

Joel 2:20

Mi caj c cha' wets' majlel ti ñajtʌl a contrajob ch'oyolo' bʌ ti norte. Mi caj c chocob majlel ya' ti colem bʌ i tiquiñal lum ba' mi caj i laj chʌmelob. Ojlil mi caj i wejts'el ochel ti ñajb i c'aba' Chʌmen Bʌ, yambʌ ojlil ti colem ñajb Mediterráneo. Mi caj i c'ʌlʌl c'otel i tuwel ti lum. Lac Yum tsa'ix i pʌsʌ jini ñuc bʌ i p'ʌtʌlel.

Zacarias 6:6

Jini carreta tujc'ʌbil bʌ ti i'ic' bʌ caballo mi caj i majlel ya' ti' tojel norte. Jini sʌsʌc bʌ caballo mi caj i tsʌclen majlel. Jini xyʌxem tac bʌ mi caj i majlel ti sur, che'en.