Jeremias 1:14 - Chol: I T’an Dios

¹⁴ Lac Yum tsi' subeyon: Tal ñuc bʌ wocol loq'uem bʌ ti norte. Muq'uix i taj pejtelel chumulo' bʌ ti a lumal.

Chol de Tumbalá Bible

¹⁴ Lac Yum tsi' subeyon: Tal ñuc bʌ wocol loq'uem bʌ ti norte. Muq'uix i taj pejtelel chumulo' bʌ ti a lumal.

Jeremias 1:14 Iomraidhean Croise

Isaias 14:31

Winicob añet bʌ la ti jujump'ejl tejclum ti Filistea, cha'lenla uq'uel, come mi caj la' jisʌntel. Mi caj i jisʌntel jini colem bʌ la' tejclum. Talob wen chajpʌbilo' bʌ soldadojob loq'uemo' bʌ ti norte cha'an mi' contrajiñetla.

Isaias 41:25

Ya' ti tojel norte yic'ot ya' ba' mi' pasel q'uin tsac pʌyʌ tilel Ciro yic'ot i soldadojob. Mi caj i pejcañon tij c'aba'. Mi caj i contrajin jini colem tejclum tac. Mi caj i t'uchtañob. Añob ti' p'ʌtʌlel che' bajche' lum ti' c'ʌb xmel uc'um.

Jeremias 10:22

Ubinla. Motocñayob xguerrajob. Talob ti xʌmbal ya' ti norte. I tejclum tac Judá mi caj i sujtelob ti' ch'eñal jontol bʌ ts'i'.

Jeremias 11:17

Come i Yum Panchan yic'ot Pañimil tsa' bʌ i pʌc'ʌyet mi caj i contrajiñet che' bajche' tsi' yʌlʌ cha'an ñuc a mul. Cabʌl tsa' jec'beyon c pusic'al che' bʌ tsa' pulbe pom Baal, che'en lac Yum.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 31:8

Awilan mi caj c cha' pʌyob loq'uel ti norte yic'ot ti jujunwejl pañimil. Mi caj c cha' tempañob tilel yic'ot jini mach bʌ wenic i yoc i c'ʌb yic'ot x'ixicob cʌntʌbilo' bʌ i yalobil yic'ot x'ixicob woliyo' bʌ ti bajq'uel. Cabʌlob mi caj c cha' pʌy tilel.

Jeremias 4:6

Letsan la' bandera ti' bijlel Sion. Yom mi la' puts'el ya'i. Mach yomic mi la' jalijel come tal cabʌl wocol, come wolic pʌy tilel jini yujilo' bʌ jisaya ch'oyolo' bʌ ti norte.

Jeremias 46:20

Anquese i t'ojol jax Egipto che' bajche' i ña' wacax, pero tal jaj loq'uem bʌ ti norte. Mi caj i c'ux.

Jeremias 47:2

Lac Yum woli' subeñob jini filisteojob: Ya' ti norte woli' bujt'el ja'. Talix but'ja' i pam mʌctan a lum yic'ot a c'ajbal, yic'ot a tejclum tac yic'ot jini ya' bʌ chumulob. Winicob mi' cajelob ti oñel cha'an bʌq'uen. Pejtel xchumtʌl tac mi' cajelob ti uq'uel.

Jeremias 50:41

Q'uele. Ix tilelob winicob ch'oyolo' bʌ ti norte, bajc'ʌl winicob yic'ot i yumob chumulo' bʌ ti' ñajtʌlel pañimil.

Jeremias 50:9

Woli' temob i t'an cabʌl tejclum tac ti norte. Joñon wolic xic'ob cha'an mi' tilelob ti contra Babilonia. Woli' chajpañob i bʌ. Mi caj i mʌjlel i cha'añob. Wen yujilob julbʌl. Ma'anic mi' to'ol sajtel i te'el i jalʌjb. Ma'anic mi' wis ts'ej i bʌ.

Jeremias 6:1

Cucula ti ajñel, winicob ti Benjamín. Loq'uenla ti puts'el añet bʌ la ti Jerusalén. Wusula jini trompeta ti Tecoa. Melela c'ajc ti Bethaquerem cha'an mi' ñajtʌ q'uelob jini bats' cha'an mi' laj ña'tañob talix wocol. Talob jini yujilo' bʌ jisaya loq'uemo' bʌ ti norte.

Jeremias 6:22

Woli' yʌl lac Yum: Talob winicob ch'oyolo' bʌ ti norte. Woli' yutsi p'ojlel i p'ʌtʌlel ya' ti' ñajtʌlel pañimil.

Ezequiel 1:4

Che' bʌ tsaj can q'uele pañimil, tsa' bʌc' tili p'ʌtʌl bʌ ic' ti norte yic'ot colem tocal. Ya' ti' yojlil tocal woli' lejmel c'ajc chʌc xowan i c'ʌc'al ti' joytʌlel. Ya' ti' yojlil jini c'ajc an chuqui tsa' tsictiyi che' bajche' c'ʌnc'ʌn taq'uin.

Ezequiel 24:3

Subeñob ti lajiya jini xñusa t'añob: “Lac Yum Dios woli' yʌl: Ch'ʌmʌ tilel jump'ejl olla. Jete ja' ti c'ajc.

Joel 2:20

Mi caj c cha' wets' majlel ti ñajtʌl a contrajob ch'oyolo' bʌ ti norte. Mi caj c chocob majlel ya' ti colem bʌ i tiquiñal lum ba' mi caj i laj chʌmelob. Ojlil mi caj i wejts'el ochel ti ñajb i c'aba' Chʌmen Bʌ, yambʌ ojlil ti colem ñajb Mediterráneo. Mi caj i c'ʌlʌl c'otel i tuwel ti lum. Lac Yum tsa'ix i pʌsʌ jini ñuc bʌ i p'ʌtʌlel.

Zacarias 6:6

Jini carreta tujc'ʌbil bʌ ti i'ic' bʌ caballo mi caj i majlel ya' ti' tojel norte. Jini sʌsʌc bʌ caballo mi caj i tsʌclen majlel. Jini xyʌxem tac bʌ mi caj i majlel ti sur, che'en.