Jeremias 1:11 - Chol: I T’an Dios

¹¹ Tsa' cha' tili i t'an lac Yum tic tojlel: ¿Chuqui wola' q'uel, Jeremías? che'en. Tsac jac'ʌ: Wolij q'uel te'. Woli' pasel juntejc te' i c'aba' almendra, cho'on.

Chol de Tumbalá Bible

¹¹ Tsa' cha' tili i t'an lac Yum tic tojlel: ¿Chuqui wola' q'uel, Jeremías? che'en. Tsac jac'ʌ: Wolij q'uel te'. Woli' pasel juntejc te' i c'aba' almendra, cho'on.

Jeremias 1:11 Iomraidhean Croise

Genesis 30:37

Jacob tsi' ch'ʌmʌ álamote', yic'ot c'olol, yic'ot castañote'. Tsi' pajli wa'al tac bʌ cha'an mi' tsictiyel sʌsʌc bʌ i ts'ijbal. Tsa' tsictiyi jini sʌsʌc tac bʌ am bʌ ti te'.

Isaias 55:11

Che'ʌch ja'el c t'an mu' bʌ c sub. Mach lolomic jach. Mach to'o sujtic. Mi' mel chuqui tac com. Mi' jolontesan i ye'tel tsa' bʌ cʌq'ue i mel.

Jeremias 24:3

Lac Yum tsi' subeyon: ¿Chuqui wola' q'uel Jeremías? che'en. Tsac sube: Cabʌl higo. Lamital uts'atax. Lamital oc'benix, mach c'uxbilic, cho'on.

Ezequiel 12:25

Come Yumʌlon. Pejtelel chuqui mic sub mi' caj ti ts'ʌctiyel. Mach jalix mi caj i yujtel, come wersa mi' yujtel che' cuxulet to la. Ti' caj la' jontolil mi caj i tilel jini wocol ti la' tojlel”, che'en lac Yum Dios.

Ezequiel 12:28

Jini cha'an subeñob ili t'an: “Lac Yum Dios woli' yʌl: Mach jalix mi' caj ti ujtel pejtelel chuqui tsac subeyetla. Wersa mi' caj ti ts'ʌctiyel”, che'en. Jiñʌch i t'an lac Yum Dios.

Ezequiel 7:10

Awilan, tsa'ix c'oti i yorajlel. Woli' pʌs i bʌ la' contra. Ch'ejl la' pusic'al. Mi la' lon ña'tan lajal la' yumʌntel che' bajche' i te' Aarón woli bʌ ti ñich.

Amos 7:8

Lac Yum tsi' subeyon: Amós, ¿chuqui wola' q'uel? che'en. Tsac sube: Plomo, cho'on. Lac Yum tsi' yʌlʌ: Awilan, woli cʌc' plomo ti' tojlel c cha'año' bʌ ti Israel. Ma'anix mi caj c chʌn ñusʌbeñob i mul israelob.

Amos 8:2

Tsi' subeyon: Amós, ¿chuqui wola' q'uel? che'en. Tsac sube: Jump'ejl chiquib but'ul ti c'ʌnix bʌ i wut te', cho'on. Lac Yum tsi' subeyon: Jiñʌch i yejtal c tejclum Israel. I yorajlelix mi' jisʌntelob anquese c cha'añob. Ma'anix mi caj c cha' ñusʌbeñob i mul.

Zacarias 4:2

Tsi' c'ajtibeyon: ¿Chuqui woli a q'uel? che'en. Che' jini tsac jac'be: Wolij q'uel lámpara melbil bʌ ti oro. An wucp'ejl i yajñib tac ba' mi' yotsʌntel aceite olivo. An wucts'ijt i c'ʌb jini lámpara.

Zacarias 5:2

Tsi' subeyon: ¿Chuqui woli a q'uel? che'en. Tsac sube wolij q'uel jumbʌjl jun woli bʌ ti wejlel, lujump'ejl metro i tamlel yic'ot jo'p'ejl metro i xujc, cho'on.

Numeros 17:8

Che' ti yijc'ʌlal tsa' cha' c'oti Moisés ya' ti Tabernáculo. Tsi' q'uele i barate' Aarón, am bʌ ti' wenta i p'olbal Leví, tsa'ix yax'a. Anix i nich yic'ot i buts tac. Tsi' yʌc'ʌ c'ʌñix bʌ i wut i c'aba' almendra.