Genesis 9:4 - Chol: I T’an Dios

⁴ Pero mach la' c'ux yic'ot i ch'ich'el come tic'bil. Jiñʌch i cuxtilel.

Chol de Tumbalá Bible

⁴ Pero mach la' c'ux yic'ot i ch'ich'el come tic'bil. Jiñʌch i cuxtilel.

Jiñi Tsiji' bʌ Wen T'añ cha'añ Estudio

⁴ Pero mach la' c'ux we'elʌl yic'ot i ch'ich'el, come i ch'ich'el jiñʌch i cuxtʌlel.

Genesis 9:4 Iomraidhean Croise

Ezequiel 33:25

Jini cha'an yom ma' subeñob: “Lac Yum Dios woli' yʌl: Mach mejliquetla come cabʌl la' mul. Mi la' c'ux we'elʌl yic'ot i ch'ich'el. Mi la' ch'ujutesan dioste' tac. Mi la' cha'len tsʌnsa. Ma'anic mi caj j coltañetla.

Levitico 19:26

Mach mi la' c'ux jini we'elʌl yic'ot i ch'ich'el. Mach mi la' lon ñop winic mu' bʌ i sub chuqui mi caj ti ujtel tac. Mach mi la' wotsan la' bʌ ti xwujt.

Levitico 3:17

Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Levitico 7:26

Mach mejlic la' c'ux mi ts'ita'ic i ch'ich'el alʌc'ʌl mi te'lemut. Che' an juntiquil winic mu' bʌ i c'uxben i ch'ich'el alʌc'ʌl mi te'lemut, wersa mi caj i chojquel loq'uel ti' tojlel i pi'ʌlob, che'en lac Yum.

Hechos 15:20

Cojach yom mi la' ts'ijbubeñob ti jun cha'an mi' cʌyob i c'ux chuqui tac aq'uebil dioste', yic'ot chuqui tac milbil yic'ot i ch'ich'el, cha'an mi' cʌyob i ts'i'lel ja'el.

Hechos 15:25

Jini cha'an che' tempʌbilon lojon tsac ña'ta lojon uts'at mic yajcan lojon winicob cha'an mic chocob majlel ba' añetla yic'ot Bernabé yic'ot Pablo mu' bʌ j c'uxbin lojon.

Hechos 15:29

Cʌyʌ la' c'ux jini tsʌnsʌbil bʌ i majtan dioste' yic'ot i ch'ich'el yic'ot jini milbil bʌ. Mach mi la' cha'len ts'i'lel. Mi uts'at mi la' cʌntan la' bʌ cha'an pejtelel jini, uts'at mi la' mel. Ajñenla ti la' wenlel”. Che'ʌch tsi' ts'ijbayob.

Deuteronomio 12:16

Cojach mach yomic mi la' c'uxben i ch'ich'el. Yom mi' la' bec' che' bajche' mi' la' bec' jini ja'.

Deuteronomio 12:23

Pero yom tsajiletla cha'an ma'anic mi' la' c'uxben i ch'ich'el, come i ch'ich'el i cuxtʌlelʌch. Jini cha'an mach yomic mi' la' c'uxben i cuxtʌlel yic'ot i bʌc'tal.

Deuteronomio 14:21

Mach yomic mi la' c'ux jini chʌmen bʌ alʌc'ʌl mi bʌte'el. Mi mejlel la' wʌq'uen jini winicob parte bʌ i lumal chumulo' bʌ ti la' lum. Jini mi mejlel i c'uxob, che' ja'el mi mejlel la' chombeñob. Partejetla, ch'ujul bʌ i tejclumetla lac Yum Dios. Mach yomic mi la' ch'ʌx jini alʌ chivo ti' ya'lel i chu' i ña'.

Deuteronomio 15:23

Mach yomic mi la' c'uxben i ch'ich'el. Beq'ue ti lum che' bajche' mi la' bec' ja'.

1 Timoteo 4:4

Come uts'atʌch pejtelel tsa' bʌ i mele Dios. Mach yomic mi lac ch'ajban. Yom tijicña mi laj c'ux mi tsa'ix lac sube Dios wocolix i yʌlʌ.

1 Samuel 14:32

Che' bʌ tsa' bʌjli q'uin jini winicob tsa' caji' ch'ʌmob i chubʌ'anob i contrajob. Tsi' ch'ʌmʌyob tiñʌme' tac, yic'ot wacax, yic'ot alʌ wacax. Tsa' caji' tsʌnsañob cha'an mi' bʌc' c'uxob yic'ot i ch'ich'el.