Genesis 9:3 - Chol: I T’an Dios

³ I bʌlʌch la' ñʌc' pejtel cuxul tac bʌ mu' bʌ ti xʌmbal. Che' bajche' tsa cʌq'ueyetla pimel yic'ot yambʌ i wut lum, mi cʌq'ueñetla pejtel chuqui tac an.

Chol de Tumbalá Bible

³ I bʌlʌch la' ñʌc' pejtel cuxul tac bʌ mu' bʌ ti xʌmbal. Che' bajche' tsa cʌq'ueyetla pimel yic'ot yambʌ i wut lum, mi cʌq'ueñetla pejtel chuqui tac an.

Jiñi Tsiji' bʌ Wen T'añ cha'añ Estudio

³ Pejtelel cuxul tac bʌ mu' bʌ ti xʌmbal, mi' mejlel la' c'ux, yic'ot ja'el jiñi pimel tac yic'ot yam bʌ i wut lum, mi cʌq'ueñetla ti' pejtelel cha'añ i bʌl la' ñʌc'.

Genesis 9:3 Iomraidhean Croise

Genesis 9:2

Mi caj i bʌc'ñañetla pejtel bʌte'el ti pañimil yic'ot pejtel mut, yic'ot pejtel jʌlʌcña bʌ mi' majlel ti lum, yic'ot chʌy. Ti pejtelel mi cʌq'ueñetla ti la' wenta.

Levitico 22:8

Mach mejlic i c'ux jini bʌte'el mu' bʌ i bajñel chʌmel yic'ot tsʌnsʌbil bʌ cha'an yambʌ bʌte'el ya' ti mate'el. Come che' jini mi' bib'esan i bʌ jini motomaj.

Romanos 14:14

Ma'anic chuqui bibi' ti' bajñelil. Cujil, come tsa' pʌsbentiyon ti lac Yum Jesús. Bibi' jach ti' wut jini winic mu' bʌ i q'uel ti bibi'.

Romanos 14:17

Come ti' yumʌntel Dios ma'anic mi coltañonla we'elʌl yic'ot uch'el. Mi' coltañonla toj bʌ lac pusic'al yic'ot i ñʌch'tilel yic'ot i tijicñʌyel lac pusic'al ch'oyol bʌ ti Ch'ujul bʌ Espíritu.

Romanos 14:20

Mach a jisʌben i ye'tel Dios cha'an chuqui tac jach ma' c'ux. Melel, sʌc pejtelel chuqui tac an. Jiñʌch jontolil mi an winic mu' bʌ i yʌc' ti yajlel i yermano cha'an chuqui tac jach mi' c'ux.

Romanos 14:3

Jini mu' bʌ i c'ux pejtelel chuqui an, mach i ts'a'len jini mach bʌ anic mi' c'ux. Jini mach bʌ anic mi' c'ux mach mi' lon al ti' pusic'al an i mul jini mu' bʌ i c'ux, come ochem ti Dios.

1 Corintios 10:23

Pejtelel jini la com bʌ lac mel mi mejlel lac mel, pero mach uts'atic mi tsa' lac mele ti pejtelel. Come ma'anic i c'ʌjñibal ti pejtelel cha'an mi' xuc'chocoñonla.

1 Corintios 10:31

Mi an chuqui mi la' c'ux, che' jini, mi an chuqui mi la' jap, mi an yambʌ chuqui mi la' cha'len, cha'lenla ti pejtelel cha'an mi' tsictiyel i ñuclel Dios.

Deuteronomio 12:15

Pero ya' ti la' wotot che' la' wom we'elʌl, mi mejlel la' tsʌnsan che' bajche' jaycojt la' wom tsa'ix bʌ i yʌq'ueyetla lac Yum Dios. Majqui jach yom i c'ux, mi sʌc o mi mach sʌquic, la' i c'ux.

Colosenses 2:16

Jini cha'an mach yomix mi la' lon q'uejlel ti xmulil cha'an chuqui tac mi la' c'ux, mi cha'an chuqui tac mi la' jap, mi cha'an q'uiñijel, mi che' woli ti pasel uw, mi che' ti' yorajlel c'aj o.