Genesis 9:25 - Chol: I T’an Dios

^25-27 Tsi' yʌlʌ: Chojquemix Canaán. Mux i yochel ti majtan e'tel ti' tojlel i yʌscuñob. La' aq'uentic Sem i yutslel i t'an lac Yum Dios. La' ochic Canaán ti x'e'tel i cha'an Sem. Dios mi caj i yʌq'uen i ñuclel Jafet. Mi' caj ti chumtʌl ti pisil bʌ i yotot tac Sem. Mux i yochel Canaán ti x'e'tel i cha'an. Che' tsi' yʌlʌ Noé.

Chol de Tumbalá Bible

^25-27 Tsi' yʌlʌ: Chojquemix Canaán. Mux i yochel ti majtan e'tel ti' tojlel i yʌscuñob. La' aq'uentic Sem i yutslel i t'an lac Yum Dios. La' ochic Canaán ti x'e'tel i cha'an Sem. Dios mi caj i yʌq'uen i ñuclel Jafet. Mi' caj ti chumtʌl ti pisil bʌ i yotot tac Sem. Mux i yochel Canaán ti x'e'tel i cha'an. Che' tsi' yʌlʌ Noé.

Jiñi Tsiji' bʌ Wen T'añ cha'añ Estudio

²⁵ tsi' yʌlʌ: “¡La' chojquic Canaán! ¡Mux i yochel ti majtañ e'tel ti' tojlel i yerañob!”

Genesis 9:25 Iomraidhean Croise

Genesis 3:14

Lac Yum Dios tsi' sube jini lucum: Cha'an ti' caj a mul ts'a'lebilet ñumen bajche' pejtel alʌc'ʌl yic'ot pejtel bʌte'el. Jexecña mi caj a majlel ti a ñʌc'. Ti pejtelel q'uin mi caj i ju'sʌntel a pusic'al. Mi caj a mʌc' ts'ubejn.

Genesis 4:11

Jini cha'an wocol mi caj a taj i bʌl a ñʌc' ti pañimil. Jini lum tsi' cawa i yej yilal cha'an mi' japben i ch'ich'el a wijts'in tsa' bʌ a tsʌnsa.

Genesis 49:7

La' i tojob i mul Simeón yic'ot Leví cha'an tsʌtsatax i mich'ajel. La' i tajob i ts'a'lentel cha'an ti' caj i mich'ajel, come wen jontol jax. Mi caj c t'oxob ti' lumal Jacob. Mi caj c pucob majlel ti' lumal Israel.

Genesis 9:18

I yalobilob Noé tsa' bʌ loq'uiyob ti barco jiñobʌch Sem yic'ot Cam yic'ot Jafet. Cam jiñʌch i tat Canaán.

Genesis 9:22

Cam, i tat Canaán, tsi' q'uele pits'il i tat. Tsa' loq'ui majlel i subeñob i yʌscun yic'ot i yijts'in año' bʌ ti jumpat.

Genesis 9:24

Che' bʌ c'ajalix i yo Noé tsi' ña'ta chuqui tsi' cha'le jini ijts'iñʌl bʌ i yalobil.

Mateo 25:41

Che' ja'el, mi caj i subeñob año' bʌ ti' ts'ej: “Cucula, chojquemet bʌ la ti Dios. Ochenla ti c'ajc mach bʌ anic mi' jilel, jini c'ajc chajpʌbil bʌ cha'an xiba yic'ot i yángelob.

Juan 8:34

Jesús tsi' jac'beyob: Isujm, isujm mic subeñetla, pejtelel mu' bʌ i cha'leñob mulil, chombilobix ti mulil.

Deuteronomio 27:16

“La' aq'uentic wocol jini mach bʌ anic mi' p'is ti wenta i tat i ña'”. Pejtelel jini año' bʌ ti tejclum mi caj i yʌlob: “Amén”, che'ob.

Josue 9:23

Jini cha'an chocbiletla. Mi caj la' melbeñon lojon que'tel. Mi caj la' xot'beñon lojon si'. Mi caj la' luchbeñon tilel ja' cha'an i yotot c Dios. Che' tsi' yʌlʌ Josué.

Josue 9:27

Tsi' yʌq'ueyob i ye'tel ti xot' si' yic'ot luch ja' ti' tojlel jini israelob yic'ot i pulʌntib i majtan lac Yum baqui jach tsi' yajca lac Yum. Che'ʌch woli' melob c'ʌlʌl wʌle.