Genesis 9:2 - Chol: I T’an Dios

² Mi caj i bʌc'ñañetla pejtel bʌte'el ti pañimil yic'ot pejtel mut, yic'ot pejtel jʌlʌcña bʌ mi' majlel ti lum, yic'ot chʌy. Ti pejtelel mi cʌq'ueñetla ti la' wenta.

Chol de Tumbalá Bible

² Mi caj i bʌc'ñañetla pejtel bʌte'el ti pañimil yic'ot pejtel mut, yic'ot pejtel jʌlʌcña bʌ mi' majlel ti lum, yic'ot chʌy. Ti pejtelel mi cʌq'ueñetla ti la' wenta.

Jiñi Tsiji' bʌ Wen T'añ cha'añ Estudio

² Mi caj i bʌc'ñañetla pejtelel bʌte'el ti pañimil yic'ot pejtelel xwejlel mut, yic'ot pejtelel jʌlʌcña bʌ mi' majlel ti lum, yic'ot chʌy tac am bʌ ti mar; ti pejtelel mi cʌq'ueñetla ti la' wenta.

Genesis 9:2 Iomraidhean Croise

Genesis 1:21

Che' jini Dios tsi' mele ñuc bʌ i bʌl jini ñajb yic'ot pejtel i chʌñil ja' ti jujunchajp. Cabʌl tsa' p'ojli. Dios tsi' mele pejtel mut tac ti chajp ti chajp am bʌ i wich'. Dios tsi' q'uele ut'satʌch.

Genesis 1:26

Dios tsi' yʌlʌ: La' lac mel winic ti la quejtal, lajal bajche' joñonla. La' aq'uentic i p'ʌtʌlel jini winic cha'an mi' yum'an jini chʌy am bʌ ti ñajb, yic'ot jini mut mu' bʌ ti wejlel ñumel, yic'ot jini alʌc'ʌl ti pejtelel pañimil, yic'ot pejtelel jini jʌlʌcña bʌ mi' majlel ti lum, che'en.

Genesis 1:28

Dios tsi' yʌq'ueyob i yutslel i t'an. Dios tsi' subeyob: La' p'ojliquetla. But'ula jini pañimil. C'ʌñʌla. La' i yumañetla jini chʌy yic'ot jini mut yic'ot pejtel cuxul tac bʌ mu' bʌ ti xʌmbal ti pañimil, che'en.

Genesis 2:19

Lac Yum Dios tsi' c'ʌñʌ lum cha'an mi' mel pejtel bʌte'el yic'ot alʌc'ʌl yic'ot mut ti chajp ti chajp. Tsi' laj pʌyʌ tilel ba'an jini winic cha'an mi' yotsʌben i c'aba', pero ma'anic tsa' tajle i pi'ʌl jini winic cha'an mi' yajñel yic'ot.

Genesis 35:5

Tsa' cajiyob ti xʌmbal majlel. Jini año' bʌ ti tejclum tac ya' ti' joytilel tsa' cajiyob ti bʌq'uen cha'an i Dios Jacob. Jini cha'an ma'anic tsi' yajñesayob i yalobilob Jacob.

Genesis 9:1

Dios tsi' yʌq'ue i yutslel i t'an Noé yic'ot i yalobilob. Tsi' subeyob: Yom tilic cabʌl la' p'olbal. Yom mi la' p'ojlel. But'ula jini pañimil.

Genesis 9:3

I bʌlʌch la' ñʌc' pejtel cuxul tac bʌ mu' bʌ ti xʌmbal. Che' bajche' tsa cʌq'ueyetla pimel yic'ot yambʌ i wut lum, mi cʌq'ueñetla pejtel chuqui tac an.

Job 39:11

¿Ñuc ba ti a pusic'al cha'an cabʌl i p'ʌtʌlel? ¿Mu' ba caj a pijtan jinto mi' ch'ʌmbeñet tilel a c'ajbal?

Ezequiel 34:25

Ñʌch'ʌl mi caj i yajñelob ti pejtelel ora, come mi caj c jisan jini jontol tac bʌ bʌte'el. Mi caj i chumtʌlob ya' ti jochol bʌ lum ti' tijicñʌyelob i pusic'al. Baqui jach mi' wʌyelob ti mate'el yic'ot ti joctʌl ma'anix i bʌq'uen.

Oseas 2:18

Ti jim bʌ ora mi caj cuts'esʌbeñet pejtel jini jontol tac bʌ bʌte'el yic'ot pejtel jini cotcotña bʌ ti lum, yic'ot xwejlel mut. Mi caj cʌc' ti lajmel pejtel guerra. Che' jini ma'anix i c'ʌjñibal jalʌjb mi espada. Ti jim bʌ ora wen tijicñayet mi caj a wajñel ti' ñʌch'tilel a pusic'al baqui jach ma' majlel, come ma'anix a contrajintel.

Levitico 26:22

Mi caj c choc tilel ti la' tojlel jontol tac bʌ bʌte'el cha'an mi' jisan la' walobilob yic'ot la' wʌlac'. Che' jini mi caj i pim'an la' bijlel.

Levitico 26:6

Joñon mi caj cʌq'ueñetla i ñʌch'tʌlel la' pusic'al ila ti pañimil. Tijicña mi caj i yochel la' wʌyel. Ma'anic majch mi caj i bʌc'tesañetla. Joñon mi caj c jisan jini jontol tac bʌ bʌte'el ya' ti la' lumal.

Santiago 3:7

Mi mejlel la cuts'esan i bʌl mate'el, mut, lucum, yic'ot i chʌñil ñajb come ti chajp ti chajp tsa' uts'esʌnti cha'an winicob.