Genesis 9:16 - Chol: I T’an Dios

¹⁶ Mi caj i tilel t'oxja' ti tocal. Mi caj j q'uel joñon cha'an mic ña'tan xuc'ul bʌ c t'an tsa' bʌ cʌq'ueyob pejtelel cuxul tac bʌ am bʌ ti pañimil, che'en Dios.

Chol de Tumbalá Bible

¹⁶ Mi caj i tilel t'oxja' ti tocal. Mi caj j q'uel joñon cha'an mic ña'tan xuc'ul bʌ c t'an tsa' bʌ cʌq'ueyob pejtelel cuxul tac bʌ am bʌ ti pañimil, che'en Dios.

Jiñi Tsiji' bʌ Wen T'añ cha'añ Estudio

¹⁶ Mi caj i tilel t'oxja' ti tocal; mi caj j q'uel cha'añ mic ña'tan xuc'ul bʌ c t'añ tsa' bʌ cʌq'ueyob ti pejtelel ora jiñi cuxul tac bʌ am bʌ ti pañimil.”

Genesis 9:16 Iomraidhean Croise

Genesis 17:13

Jini mu' bʌ i q'uel pañimil ti a wotot yic'ot jini mu' bʌ a mʌn ti a taq'uin mi caj i tsepbentel i pʌchʌlel. Ya' ti la' bʌc'tal mi caj i tsictiyel xuc'ul bʌ c t'an ti pejtelel ora.

Genesis 17:19

Dios tsi' yʌlʌ: Mach jinic i yalobil a wijñam. Sara a wijñam mi caj i yʌq'ueñet ch'iton bʌ a walobil. Mi caj a wotsʌben i c'aba' Isaac. Mi caj c wa'chocon xuc'ul bʌ c t'an yic'ot Isaac, yic'ot i p'olbal Isaac ti pejtelel ora.

Genesis 17:7

Mi caj c wa'chocon xuc'ul bʌ c t'an quic'otet quic'ot a p'olbal ti pejtelel ora. Jiñʌch xuc'ul bʌ c t'an: Joñon a Dioson, i Dioson a p'olbalob.

Genesis 9:17

Dios tsi' sube Noé: Jiñʌch i yejtal xuc'ul bʌ c t'an tsa' bʌ cʌq'ueyob winicob yic'ot pejtel cuxul tac bʌ ti pañimil, che'en.

2 Samuel 23:5

Melelʌch, xuc'chocobilʌch cotot ti Dios, Come tsa'ix i mele pacto quic'ot ti pejtelel ora. Tsa'ix ña'tʌnti. Tsa'ix ochi i sellojlel. Jiñʌch mu' bʌ i coltañon. Jiñʌch mu' bʌ i yʌq'ueñon c wenlel.

Isaias 55:3

La'la ba' añon. Ubinla c t'an. Ñich'tañonla cha'an chʌn cuxul mi la' wajñel. Mi caj c mel xuc'ul bʌ t'an la' wic'ot. Mi caj c p'untañetla. C'ux mi cubiñetla che' bajche' tsaj c'uxbi David.

Jeremias 32:40

Mi caj cotsañob ti xuc'ul bʌ t'an quic'ot. Jiñʌch xuc'ul bʌ t'an mach bʌ yujilic jejmel ti pejtelel ora. Ma'anix mi caj j cʌyob. Mi caj c chʌn coltañob ti pejtelel ora. Mi caj j cʌntesañob cha'an mi' c'uxbiñoñob ti pejtelel ora, cha'an ma'anix mi' chʌn tʌts'ob i bʌ tic tojlel.

Ezequiel 34:26

Mi caj cʌq'ueñob cabʌl i yutslel c pusic'al ya' ba' chumulob ti' joytʌlel c wits. Mi caj cʌq'ueñob ja'al che' ti' yorajlel. Mi caj c choc tilel cabʌl i yutslel c pusic'al che' bajche' ja'al.

Ezequiel 37:26

Mi caj c cha'len trato yic'otob cha'an ñʌch'ʌl mi' yajñelob. Ma'anic i yujtibal ili trato. Mi caj j coltañob, mi caj c p'ojlesañob. Mi caj c wa'chocon c Templo ti' tojlelob ba' mi caj cajñel ti pejtelel ora.

Hebreos 13:20

Diosʌch mu' bʌ i ñʌch'chocoñonla. Tsi' teche loq'uel lac Yum Jesucristo ba'an chʌmeño' bʌ. Jiñʌch ñuc bʌ Xcʌnta tiñʌme'. Tsi' beq'ue i ch'ich'el cha'an i sellojlel jini xuc'ul bʌ t'an mach bʌ anic mi' jilel.