Genesis 9:15 - Chol: I T’an Dios

¹⁵ Mi caj c ña'tan xuc'ul bʌ c t'an tsa' bʌ cʌq'ueyetla, tsa' bʌ cʌq'ueyob pejtel cuxul tac bʌ ti jujunchajp. Mach chʌn talix but'ja' cha'an mi' jisan pejtel cuxul tac bʌ ti pañimil.

Chol de Tumbalá Bible

¹⁵ Mi caj c ña'tan xuc'ul bʌ c t'an tsa' bʌ cʌq'ueyetla, tsa' bʌ cʌq'ueyob pejtel cuxul tac bʌ ti jujunchajp. Mach chʌn talix but'ja' cha'an mi' jisan pejtel cuxul tac bʌ ti pañimil.

Jiñi Tsiji' bʌ Wen T'añ cha'añ Estudio

¹⁵ Che' jiñi mi caj c ña'tan xuc'ul bʌ c t'añ tsa' bʌ cʌq'ueyetla, yic'ot tsa' bʌ cʌq'ueyob pejtelel cuxul tac bʌ ti jujunchajp; ma'añix ba' ora chʌn tal but'ja' cha'añ mi' jisan pejtelel cuxul tac bʌ ti pañimil.

Genesis 9:15 Iomraidhean Croise

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Genesis 9:14

Che' mic pʌy tilel tocal ti pañimil, mux i q'uejlel t'oxja' ti tocal.

Nehemias 9:32

C Dios lojon, ñuc bʌ Dioset, p'ʌtʌlet, bʌc'ñʌbilet. Ma' ts'ʌctesan jini xuc'ul bʌ a t'an. Cabʌl ma' pʌs a c'uxbiya. Jini cha'an q'ueleyon lojon. Cabʌlʌchix c wocol tsa' bʌ tili tic tojlel lojon, ti' tojlel c rey lojon, yic'ot c yumob lojon, yic'ot c motomajob lojon, yic'ot x'alt'añob tsa' bʌ a chocbeyon lojon tilel, yic'ot c tat lojon, yic'ot pejtel winicob x'ixicob a cha'año' bʌ. An c wocol c'ʌlʌl che' bʌ tsi' cha'leyob yumʌntel jini asiriajob c'ʌlʌ wʌle. Ma'anic mi' lajmel.

Salmos 106:45

Tsi' ña'ta jini xuc'ul bʌ i t'an tsa' bʌ i yʌq'ueyob. Tsi' cʌyʌ i mich'leñob cha'an cabʌl i yutslel.

Exodo 28:12

Yom ma' wʌc' jini xajlel ti jujunwejl i quejlab. Cʌchbil yom ya' ti' cujchil tac ya' ti' bujc. Cha'añʌch mi' chʌn ña'tʌntel jini israelob. Aarón yom mi' ch'ʌm majlel jini c'aba'ʌl tac ti' quejlab ya' tic tojlel. La' Yumon.

Jeremias 14:21

Mach ma' ts'a'leñon lojon. Pʌsʌ a bʌ ti ñuc tic tojlel lojon, ame p'ajlecon lojon che' mach chʌn tsiquilix a ñuclel. Chʌn ña'tañon lojon. Mach ma' q'uextan jini xuc'ul bʌ a t'an.

Ezequiel 16:60

Pero wʌle mu' to c chʌn ña'tan jini trato tsa' bʌ c mele a wic'ot che' xch'oquet to. Muq'uix i jalijel jini trato ti pejtelel ora.

Lucas 1:72

Che' jini mi caj i p'untañonla che' bajche' tsi' subeyob lac ñojte'el. Mi caj i ña'tan jini ch'ujul bʌ xuc'ul bʌ t'an

Deuteronomio 7:9

Ña'tanla che' jini Diosʌch lac Yum, jini jach bʌ Dios, xuc'ul bʌ ti pejtelel ora. Mi' chʌn ña'tan jini xuc'ul bʌ t'an tsa' tʌ i yʌc'ʌ ti lac tojlel. Mi' pʌsbeñob i yutslel i pusic'al jini mu' bʌ i jac'beñob i mandar c'ʌlʌl ti jump'ejl mil i lajm la' p'olbal.