Genesis 8:21 - Chol: I T’an Dios

²¹ Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Chol de Tumbalá Bible

²¹ Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Jiñi Tsiji' bʌ Wen T'añ cha'añ Estudio

²¹ Che' bʌ tsi' yu'bi lac Yum jiñi xojocña bʌ i yujts'il, tsi' yʌlʌ ti' pusic'al: “Ma'añix mi caj c chʌn jisan jiñi pañimil cha'añ i mul wiñicob x'ixicob come jontol chuqui mi' ña'tañob ti' pusic'al c'ʌlʌl che' ch'itoñob to; ma'añix mi caj c chʌn jisan pejtelel cuxul tac bʌ che' bajche' tsa' c jisa.”

Genesis 8:21 Iomraidhean Croise

Genesis 3:17

Dios tsi' sube Adán: Tsa' jac'be i t'an a wijñam. Tsa' c'uxu i wut jini te' tsa' bʌ c subeyet mach yomic ma' c'ux. Jini cha'an pujch'emix jini lum cha'añet. Wocol jax mi caj a taj i bʌl a nʌc' ti lum c'ʌlʌl ma' chʌmel.

Genesis 4:12

Che' ma' cajel ti e'tel ti jini lum, ma'anix chuqui mi caj a taj ti lum. Xputs'elet ti pejtelel ora. Stsuctsucniyelet ti pañimil, che'en lac Yum.

Genesis 5:29

Tsi' yotsʌbe i c'aba' Noé, “Mi laj c'aj la co”. Tsi' yʌlʌ: Jini mi caj i ñuq'uesan lac pusic'al cha'an la que'tel, come wocol jax mi lac cha'len e'tel cha'an ili lum tsa' bʌ i puch'u lac Yum. Che' tsi' yʌlʌ Lamec.

Genesis 6:13

Dios tsi' sube Noé: Mi caj c jisan pejtel winicob x'ixicob, come cabʌl tsa' p'ojli jontolil ti pejtel pañimil. Awilan, mi caj c jisañob yic'ot pañimil.

Genesis 6:17

Awilan, mi caj c choc tilel but'ja' cha'an mic jisan pejtel i bʌl pañimil am bʌ i cuxtʌlel. Mi' caj ti chʌmel pejtel cuxul bʌ ti pañimil,

Genesis 6:5

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Genesis 6:7

Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en.

Job 14:4

Uts'at anic juntiquil toj bʌ, pero ma'anic. ¿Ch'oyol ba jini sʌc bʌ ti jini mach bʌ sʌquic?

Salmos 51:5

Awilan, xmulilon tsa quila pañimil. Añʌch c mul c'ʌlʌl che' cʌntʌbilon i cha'an c ña'.

Salmos 58:3

Sojquemobʌch jini jontolo' bʌ c'ʌlʌl che' bʌ tsi' yilayob pañimil. C'ʌlʌl che' alʌlob to, mi' cha'leñob lot.

Salmos 58:4

Lajal an i venenojlel che' bajche' lucum. Lajalobʌch bajche' lucum mach bʌ yomic i yubin t'an,

Exodo 29:18

Yom ma' pul pejtelel jini tat tiñʌme' cha'an pulbil bʌ i majtan a Yum. Jiñʌch yom bʌ mi' pulel, jini mu' bʌ c ch'ʌm tic wenta.

Exodo 29:25

Ti wi'il yom ma' ch'ʌmbeñob ti' c'ʌb cha'an ma' pul ya' ti pulʌntib. Jiñʌch pulbil bʌ c majtan, uts'at bʌ, xojocña bʌ, pulbil bʌ ti c'ajc.

Proverbios 20:9

¿Am ba juntiquil isujm bʌ mu' bʌ i yʌl: Tsa'ix c poco c pusic'al. Sʌconix. Ma'anix c mul, che'en?

Eclesiastes 7:20

Ma'anic ti pañimil mi juntiquilic mu' bʌ i mel chuqui uts'at ti pejtelel ora. Ma'anic toj bʌ mach bʌ anic mi' wis cha'len mulil.

Isaias 47:12

Chʌn pejcan xiba, chʌn mele ñuc tac bʌ i ye'tel cha'an ma' ñop a bʌc'tesan jini mu' bʌ i tilel i jisañet. Chʌn cha'len wujt che' bajche' tsa' cha'le c'ʌlʌl che' xch'oquet to. Tic'ʌl mi muc'ʌch a coltan a bʌ. Che'ʌch wola' lon ña'tan.

Isaias 47:15

Laj majlemobix a cʌñʌyo' bʌ tsa' bʌ i pejcayet c'ʌlʌl che' bʌ tsa' coliyet. Ti jujuntiquil tsi ch'ʌmʌyob i bijlel. Wʌle ma'anic majch mi' coltañet.

Isaias 48:8

Mach ubibilic a cha'an. Mach cʌmbilic a cha'an ti pejtelel ora. Anix ora wola' mel a bʌ ti xcojc, come mach xuc'uletic, ch'aplomet jax c'ʌlʌl che' bʌ tsa' wila pañimil.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Isaias 65:6

Ts'ijbubil pejtelel iliyi ba' q'uelel c cha'an. Mach ñʌch'ʌlic mi caj j cʌytʌl. Mi caj j q'uextʌbeñob i mul.

Jeremias 17:9

Wen yujilob lot i pusic'al winicob. Cabʌl i sajtemal. ¿Majqui mi' lu' c'ʌn?

Jeremias 18:12

Pero mi' yʌlob: “Lolom jach ma' pejcañon lojon. Wersa com c mel lojon bajche' wolic ña'tan lojon. Wersa com c mel lojon jontolil bajche' jach yom lojon c pusic'al”, che'ob.

Jeremias 8:6

Tsac wen q'ueleyob, tsac ñich'tʌbeyob i t'an pero mach uts'atic i t'an. Ma'anic majqui mi' cʌy i mul. Ma'anic mi' tsicob i pusic'al cha'an jontol i melbal. Ti pejtelelob mi' yajcañob majlel i bijlel jontolil che' bajche' caballo mu' bʌ i choc ochel i bʌ ba' woliyob ti guerra.

Ezequiel 20:41

Che' mic cha' pʌyetla loq'uel ya' ba' cʌchʌletla, lajaletla tic wut bajche' xojocña bʌ i yujts'il pom. Che' jini ch'ujul mi caj j q'uejlel ti' wutob winicob ti pañimil che' mi la' c'uxbiñon.

Levitico 1:13

Mi caj i ñaxan pocbeñob ti ja' i soyta' yic'ot i yoc. Che' jini, jini motomajob mi caj i pulob ti' pejtelel, come tijicña mij q'uel pulbil bʌ c majtan.

Levitico 1:9

Jini i yoc yic'ot i soyta' yom mi' pocob ti ja'. Che' jini ti wi'il jini motomajob mi caj i pulob ya' ti' pulʌntib cha'an uts'at bʌ c majtan mu' bʌ c mulan.

Levitico 26:31

Jochocña mi caj j cʌy jini la' tejclum. Mi caj c jisan jini la' templo tac. Ma'anix mi caj cubiben i yujts'il jini majtañʌl mu' bʌ la' pul.

Levitico 4:31

Yom mi' loc'sʌbentel pejtelel i lewil che' bajche' tsa' loc'sʌnti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pam jini pulʌntib. Mi caj c mulan jini c majtan. Che'ʌch yom mi' mel jini motomaj cha'an mi' tojbentel i mul ili winic. Mi caj i ñusʌbentel i mul.

Levitico 8:28

Ti wi'il Moisés tsi' cha' ch'ʌmʌ jini majtañʌl. Tsa' caji i pule' ti pam jini majtañʌl ya' ti pulʌntib. Jiñʌch jini pulbil bʌ i majtan lac Yum. Lac Yum tsi' mula jini i majtan.

Numeros 15:3

mi yomob i yʌq'ueñon pulbil tac bʌ c majtan, yic'ot jini tsʌnsʌbil tac bʌ c majtan tilem bʌ ti' pusic'al, che' mi' ts'ʌctesañob i t'an, o che' ti' yorajlel tac la' q'uiñijel, la' i yʌq'ueñoñob xojocña bʌ i yujts'il tic tojlel.

Mateo 15:19

Come ch'oyol ti' pusic'al winic mi' tilel jontol bʌ i ña'tʌbal, yic'ot tsʌnsa, yic'ot ts'i'lel, yic'ot jam otot, yic'ot xujch', yic'ot jop't'an, yic'ot p'ajoñel.

Juan 3:6

Jini mu' bʌ i yilan pañimil ti' ña', mi' yʌq'uentel i bʌc'tal. Jini mu' bʌ i yilan pañimil ti Espíritu, mi' yʌq'uentel i cuxtʌlel ti' ch'ujlel.

Romanos 1:21

Anquese tsi' cʌñʌyob Dios, ma'anic tsi' ch'ujutesayob. Ma'anic tsi' subeyob wocolix i yʌlʌ. Tsa' lon tejchi i bajñel ña'tʌbal. Utsilix tsa' p'ojli tonto bʌ i pusic'al.

Romanos 3:23

Come ti pejtelelob tsa'ix i cha'leyob mulil. Mach i tajayobix i ñuclel Dios.

2 Corintios 2:15

Come xojocña mi' yubiñonla Dios cha'an woli' yajñel Cristo ti lac pusic'al. Xojocña i yutslel Cristo ti' tojlel jini woli bʌ i coltʌntelob yic'ot jini woliyo' bʌ ti sajtel.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.

Filipenses 4:18

Tsa'ix la' wʌq'ueyon pejtelel chuqui yom. An i ñumel. Jasʌlix. Epafrodito tsi' ch'ʌmbeyon tilel ti pejtelel. La' wofrenda, xojocña i yujts'il yilal, lajal bajche' pulbil bʌ i majtan Dios mu' bʌ i mulan, uts'at bʌ mi' q'uel.

1 Juan 5:19

La cujil i cha'añonla Dios. Pejtelel i cha'año' bʌ pañimil añob ti' c'ʌb jini xjontolil.

1 Samuel 26:19

Jini cha'an mij c'ajtibeñet ti wocol t'an, ñich'tʌbeñon. Mi jiñʌch lac Yum tsa' bʌ i chocoyet tilel tij contra, la' i ch'ʌm i majtan tic tojlel. Pero mi jiñobʌch winicob tsa' bʌ i chocoyet tilel cha'an ma' tsʌnsañon, la' chojquicob loq'uel cha'an lac Yum. Come woli' chocoñob loq'uel tic lum yic'ot ti' tojlel c pi'ʌlob i cha'año' bʌ lac Yum. Woli' xic'oñob cha'an mic majlel c ch'ujutesan yan tac bʌ dios.