Genesis 7:4 - Chol: I T’an Dios

⁴ Che' ñumenix wucp'ejl q'uin mi caj c choc tilel ja'al ti pañimil. Mi' cajel ja'al cha'c'al q'uin yic'ot cha'c'al ac'ʌlel. Mi caj c jisan ti pañimil pejtelel cuxul tac bʌ tsa' bʌ c mele. Che' tsi' yʌlʌ lac Yum.

Chol de Tumbalá Bible

⁴ Che' ñumeñix wucp'ejl q'uin mi caj c choc tilel ja'al ti pañimil. Mi' cajel ja'al cha'c'al q'uin yic'ot cha'c'al ac'ʌlel. Mi caj c jisan ti pañimil pejtelel cuxul tac bʌ tsa' bʌ c mele. Che' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

⁴ Che' ñumeñix wucp'ejl q'uiñ, mi caj c choc tilel ja'al ti pañimil cha'c'al q'uiñ yic'ot cha'c'al ac'ʌlel; mi caj c jisan ti pañimil pejtelel cuxul tac bʌ tsa' bʌ c mele.”

Genesis 7:4 Iomraidhean Croise

Genesis 2:5

Che' maxto pasemic jini mu' bʌ i colel ti pʌc'ʌbʌl, lac Yum Dios maxto anic tsi' choco tilel ja'al ti pañimil. Maxto anic majch tsi' cha'le e'tel ti lum.

Genesis 6:13

Dios tsi' sube Noé: Mi caj c jisan pejtel winicob x'ixicob, come cabʌl tsa' p'ojli jontolil ti pejtel pañimil. Awilan, mi caj c jisañob yic'ot pañimil.

Genesis 6:17

Awilan, mi caj c choc tilel but'ja' cha'an mic jisan pejtel i bʌl pañimil am bʌ i cuxtʌlel. Mi' caj ti chʌmel pejtel cuxul bʌ ti pañimil,

Genesis 6:3

Tsi' yʌlʌ lac Yum: Mach ti pejtelelic ora mi caj i cuchbeñob i jontolil winicob jini quEspíritu, come tsucul i pusic'al winicob. Mi caj j com'esʌbeñob i jabilel cha'an wʌcc'al jach jab mi' yajñelob ti pañimil.

Genesis 6:7

Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en.

Genesis 7:10

Che' ñumenix wucp'ejl q'uin tsa' tili but'ja'. Tsa' tejchi che' lujunc'alix i cha'bajc' i jabilel Noé, ti cha'p'ejlel uw yic'ot ti wuclujump'ejl q'uin. Ti jini jach bʌ q'uin tsa' tojmi pejtel i yajñib jini cuxul tac bʌ ja' am bʌ ti tam bʌ i yajñib. Ma'anic i p'isol ja'al. Cha'c'al q'uin yic'ot cha'c'al ac'ʌlel tsi' cha'le ja'al.

Genesis 7:17

Cha'c'al q'uin tsa' bujt'i pañimil. Jini ja' tsa' tam'a. Tsi' ch'uyu letsel jini barco. Chan tsa' c'ʌjqui barco ti pam ja'.

Genesis 7:3

Otsan ja'el wuccojt i tat yic'ot wuccojt i ña'al mut ti chajp ti chajp cha'an cuxul mi' yajñel ti pañimil.

Genesis 8:10

Tsa' to i pijta yambʌ wucp'ejl q'uin. Tsi' cha' choco loq'uel x'ujcuts ti barco.

Genesis 8:12

Tsi' cha' pijta yambʌ wucp'ejl q'uin. Tsi' cha' choco loq'uel x'ujcuts. Ma'anix tsa' chʌn c'oti.

Genesis 8:2

Tsa' tijq'ui ti ajñel jini cuxul bʌ ja' am bʌ ti tam bʌ i yajñib. Tsa' lajmi jini ja'lel tsa' bʌ yajli ti panchan.

Job 22:16

Tsa' bʌc' jiliyob che' ch'itoñob to. Tsa' ñumi but'ja' i wets' majlel lum ti yebal i yoc.

Job 28:25

Dios tsi' yʌq'ue i ye'tel ic'. Tsi' p'isi i yonlel colem ja'. Tsi' sube ba' mi' sujtel.

Salmos 69:28

La' yajpic i c'aba' ti jun ba' otsʌbilob año' bʌ i cuxtʌlel. Mach yomic chucbil i c'aba' yic'ot i c'aba' jini tojo' bʌ.

Jeremias 28:16

Jini cha'an lac Yum woli' yʌl: “Awila to, mi caj c jisañet. Ti jini jach bʌ jab mi caj a chʌmel come tsa' cʌntesa c winicob cha'an mi' cʌyoñob”. Che' woli' yʌl lac Yum, che'en Jeremías.

Amos 4:7

Joñon tsac tiq'ui ja'al cha'an ma'anic mi' yajlel ba' añetla che' ti' yorajlel, che' anto yom uxp'ejl uw c'ajbal. Ti jump'ejl tejclum tsac choco tilel ja'al. Ti yambʌ tejclum ma'anic tsac choco tilel ja'al. Xint'umul tac tsa' yajli ja'al ti lum. Ya' ba' ma'anic tsa' yajli woli' tiquin pʌc'ʌbʌl.

Apocalipsis 3:5

Jini mu' bʌ i mʌjlel i cha'an mi caj i yʌq'uentel i lʌp sʌsʌc bʌ i pislel. Ma'anic mi caj c yʌpben i c'aba' ti jun ba' otsʌbilob i c'aba' año' bʌ i cuxtʌlel. Mi caj c sub ti' tojel c Tat yic'ot ti' tojel i yángelob.