Genesis 7:23 - Chol: I T’an Dios

²³ Dios tsi' jisa pejtel cuxul tac bʌ am bʌ ti pañimil, winicob yic'ot bʌte'el, yic'ot jini jʌlʌcña bʌ mi' majlel, yic'ot mut. Tsa' laj jiliyob. Cojach Noé tsa' cʌle yic'ot jini año' bʌ ti barco.

Chol de Tumbalá Bible

²³ Dios tsi' jisa pejtel cuxul tac bʌ am bʌ ti pañimil, winicob yic'ot bʌte'el, yic'ot jini jʌlʌcña bʌ mi' majlel, yic'ot mut. Tsa' laj jiliyob. Cojach Noé tsa' cʌle yic'ot jini año' bʌ ti barco.

Jiñi Tsiji' bʌ Wen T'añ cha'añ Estudio

²³ Che'ʌch tsi' laj jisa Dios pejtelel cuxul tac bʌ am bʌ ti pañimil, wiñicob x'ixicob yic'ot bʌte'el, yic'ot jiñi jʌlʌcña bʌ mi' majlel, yic'ot xwejlel mut tac; tsa' laj jiliyob. Cojach Noé tsa' cʌle yic'ot jiñi año' bʌ ti barco.

Genesis 7:23 Iomraidhean Croise

Genesis 6:17

Awilan, mi caj c choc tilel but'ja' cha'an mic jisan pejtel i bʌl pañimil am bʌ i cuxtʌlel. Mi' caj ti chʌmel pejtel cuxul bʌ ti pañimil,

Genesis 8:18

Jini cha'an Noé tsa' loq'ui majlel yic'ot winic bʌ i yalobilob yic'ot i yijñam yic'ot i yijñamob i yalobilob.

Job 5:19

Ma'anic mi caj a wʌjq'uel ti jilel anquese mi' cʌlʌx tajet wocol. Jujunyajl mi caj i coltañet loq'uel.

Salmos 91:1

Jini mu' bʌ i chumtʌl yic'ot jini C'ax Ñuc Bʌ Mi' yajñel ti' yʌxñʌlel jini Mach bʌ Anic i P'isol i P'ʌtʌlel.

Salmos 91:7

Anquese tsa' tsʌnsʌntiyob jump'ejl mil ti a t'ejl Yic'ot lujump'ejl mil ya' ti ñoj bʌ a c'ʌb, ma'anic mi caj i tajet.

Proverbios 11:4

Ma'anic i c'ʌjñibal chubʌ'añʌl ti' q'uiñilel i mich'lel Dios. Pero i yuts'atlel jini toj bʌ mi' yʌc' ti colel jini mu' bʌ caj ti chʌmel.

Mateo 25:46

Jini cha'an mi caj i majlelob ti tojmulil mach bʌ anic mi' jilel. Jini tojo' bʌ i pusic'al mi caj i majlelob ba' ma'anic mi' jilel i cuxtʌlel, che'en Jesús.

Hebreos 11:7

Noé tsi' ñopo Dios. Jini cha'an tsi' jac'be i t'an ba' ora Dios tsi' sube chuqui mi' caj ti ujtel che' maxto tsiquilic. Tsi' mele jini colem barco cha'an mi' coltan pejtelel año' bʌ ti' yotot. Cha'an tsi' ñopo Dios, Noé tsi' tsictesʌbeyob i mul pejtelel año' bʌ ti pañimil. Tsa' aq'uenti toj bʌ i pusic'al cha'an mi' yochel ti' cha'an bʌ Dios yic'ot pejtel mu' bʌ i ñopob.

1 Pedro 3:20

Jiñobʌch sajtemo' bʌ mach bʌ anic tsi' jac'ʌyob ti yambʌ ora, che' jal tsi' cha'le pijt Dios ti' yorajlel Noé che' bʌ woli to i mel colem barco. Waxʌctiquil jach tsa' coliyob ti ja'.

2 Pedro 2:5

Dios ma'anic tsi' p'unta jini pañimil ti oñiyi. Cojach tsi' colta Noé tsa' bʌ i subu i sujmlel ili t'an ti toj, yic'ot wuctiquil yaño' bʌ, che' bʌ tsi' choco tilel but'ja' cha'an mi' jisan xñusa Diosob ti pañimil.

2 Pedro 2:9

Che' ja'el lac Yum yujil i coltan jini ch'ujulo' bʌ che' woli' yilʌbentelob i pusic'al. Yujil ja'el i yʌc'ob ti toj mulil jini mach bʌ tojobic che' ti' yorajlel meloñel.

2 Pedro 3:6

Yic'ot ja' tsa' jejmi jini pañimil am bʌ ti oñiyi ti' yorajlel but'ja'.