Genesis 7:1 - Chol: I T’an Dios

¹ Lac Yum tsi' sube Noé: Ochen ti barco, yic'ot pejtel año' bʌ ti a wotot, come tsaj q'uele tojet tic tojlel yic'ot ti' tojlel pejtel winicob x'ixicob ti pañimil.

Chol de Tumbalá Bible

¹ Lac Yum tsi' sube Noé: Ochen ti barco, yic'ot pejtel año' bʌ ti a wotot, come tsaj q'uele tojet tic tojlel yic'ot ti' tojlel pejtel winicob x'ixicob ti pañimil.

Jiñi Tsiji' bʌ Wen T'añ cha'añ Estudio

¹ Lac Yum tsi' su'be Noé: “Ochen ti barco, yic'ot pejtelel año' bʌ ti a wotot, come tsa' j q'uele cojach jatet tojet tic tojlel yic'ot ti' tojlel pejtelel wiñicob x'ixicob ti pañimil.

Genesis 7:1 Iomraidhean Croise

Genesis 6:18

pero ma'anic mi caj a chʌmel jatet. Mi caj cʌq'ueñet xuc'ul bʌ t'an. Mi caj a wochel ti barco, jatet yic'ot a walobilob yic'ot a wijñam yic'ot i yijñamob a walobilob.

Genesis 6:9

Jiñobʌch i p'olbal Noé. Toj jini Noé. Uts'at ti' wut Dios yic'ot ti' tojlel winicob x'ixicob. Uts'at tsi' cha'le xʌmbal ti' bijlel Dios.

Genesis 7:13

Ti jini jach bʌ q'uin che' bʌ tsa' caji ja'al tsa' ochiyob ti barco Noé yic'ot i yalobilob Noé, Sem yic'ot Cam yic'ot Jafet, yic'ot i yijñam Noé yic'ot i yijñamob i yalobilob.

Genesis 7:7

Noé yic'ot i yalobilob yic'ot i yijñam yic'ot i yijñamob i yalobilob tsa' ochiyob ti barco cha'an but'ja'.

2 Samuel 22:24

Tsa' ajniyon ti toj ti' tojlel lac Yum. Tsaj cʌnta c bʌ cha'an ma'anic mic cha'len mulil.

Proverbios 10:9

Jini mu' bʌ ti xʌmbal ti' xuc'tʌlel i pusic'al uts'at mi' majlel, pero mi caj i cʌmbentel i mul jini mu' bʌ i xoy i bijlel.

Proverbios 14:26

Jini mu' bʌ i bʌc'ñañob lac Yum mi mejlel i lʌc'tesañob i bʌ come añob ti' wenta. An i pijtaya i yalobilob ja'el.

Proverbios 18:10

I c'aba' lac Yum i wentajʌch p'ʌtʌl bʌ otot ts'ajquibil bʌ. Muq'uix i ñochtan ti ajñel jini toj bʌ. Muq'uix i yochel i taj i coltʌntel.

Ezequiel 14:14

Wʌ'ic chumulob Noé yic'ot Daniel yic'ot Job ti' tojlelob, ma'anic i p'ʌtʌlel cha'an mi' coltañob. I bajñelob jach mi' colelob jini tojo' bʌ cha'an ti wen bʌ i melbalob, che'en lac Yum Dios.

Sofonias 2:3

C'ajtiben la' coltʌntel pejtel utso' bʌ la' pusic'al tsa' bʌ la' ñopbe i t'an. Yom mi la' sajcan la' toj'esʌntel yic'ot i yutslel la' pusic'al. Tic'ʌl che' jini mi caj i ñusañet lac Yum che' mi' choc tilel i mich'ajel ti jini bʌc'ñʌbil bʌ q'uin.

Lucas 1:6

Tojob ti' tojlel Dios ti cha'ticlel. Ts'ʌcʌl tsi' jac'ʌyob pejtelel i subal lac Yum yic'ot i mandar.

Lucas 17:26

Che' bajche' tsa' ujti ti' yorajlel Noé, che' ja'el mi caj i yujtel ti' yorajlel i Yalobil Winic.

Hechos 2:39

Albilix, mi caj la' wʌq'uentel jini Espíritu jatetla yic'ot la' walobilob yic'ot año' bʌ ti ñajtʌl, che' bajche' jaytiquil mi' pʌjyelob tilel cha'an lac Yum Dios, che'en.

Hebreos 11:7

Noé tsi' ñopo Dios. Jini cha'an tsi' jac'be i t'an ba' ora Dios tsi' sube chuqui mi' caj ti ujtel che' maxto tsiquilic. Tsi' mele jini colem barco cha'an mi' coltan pejtelel año' bʌ ti' yotot. Cha'an tsi' ñopo Dios, Noé tsi' tsictesʌbeyob i mul pejtelel año' bʌ ti pañimil. Tsa' aq'uenti toj bʌ i pusic'al cha'an mi' yochel ti' cha'an bʌ Dios yic'ot pejtel mu' bʌ i ñopob.

1 Pedro 3:20

Jiñobʌch sajtemo' bʌ mach bʌ anic tsi' jac'ʌyob ti yambʌ ora, che' jal tsi' cha'le pijt Dios ti' yorajlel Noé che' bʌ woli to i mel colem barco. Waxʌctiquil jach tsa' coliyob ti ja'.