Genesis 6:8 - Chol: I T’an Dios

⁸ Lac Yum tsi' q'uele Noé ti uts'at. Tsi' pʌsbe i yutslel i pusic'al.

Chol de Tumbalá Bible

⁸ Lac Yum tsi' q'uele Noé ti uts'at. Tsi' pʌsbe i yutslel i pusic'al.

Jiñi Tsiji' bʌ Wen T'añ cha'añ Estudio

⁸ Pero lac Yum tsi' q'uele ti uts'at jiñi Noé, tsi' pʌsbe i yutslel i pusic'al.

Genesis 6:8 Iomraidhean Croise

Salmos 145:20

Lac Yum mi' cʌntan pejtel mu' bʌ i c'uxbiñob. Mi caj i jisan pejtel jini jontolo' bʌ.

Salmos 84:11

Come lac Yum Dios lac Mʌctʌjibʌch, lac Sʌclelʌch. Lac Yum mi' p'untañonla. Mi' yʌq'ueñonla lac ñuclel. Mux i yʌq'uentelob chuqui tac uts'at jini sʌco' bʌ i pusic'al.

Proverbios 12:2

Jini wen bʌ i pusic'al mi' tajben i yutslel i pusic'al lac Yum. Mux i chojquel ti lac Yum jini mu' bʌ i ña'tan i mel jontolil.

Proverbios 3:4

Che' jini mux a tajben i yutslel i pusic'al Dios. Uts'at mi caj i q'uelet winicob.

Proverbios 8:35

Majqui jach mi' taj jini mach bʌ anic i p'isol i ña'tʌbal mi' taj i cuxtʌlel. Mi' tajben i yutslel i pusic'al lac Yum.

Jeremias 31:2

Lac Yum woli' yʌl: Ya' ba' pam pujquemob i colojbal c winicob mach bʌ anic tsa' chʌmiyob ti espada, mi caj j cʌntañob che' bajche' tsaj cʌntʌbeyob i tatob ya' ti jochol bʌ lum. Tsac pʌsbeyob i yutslel c pusic'al che' bʌ tsi' sʌclayob ba' mi' c'ajob i yo, che'en.

Ezequiel 14:14

Wʌ'ic chumulob Noé yic'ot Daniel yic'ot Job ti' tojlelob, ma'anic i p'ʌtʌlel cha'an mi' coltañob. I bajñelob jach mi' colelob jini tojo' bʌ cha'an ti wen bʌ i melbalob, che'en lac Yum Dios.

Mateo 24:37

Che' bajche' ti' yorajlel Noé, che' lajal mi caj i yujtel che' mi' tilel i Yalobil Winic.

Lucas 1:30

Jini ángel tsi' sube: Mach ma' cha'len bʌq'uen, María, come uts'at woli' q'uelet Dios.

Lucas 17:26

Che' bajche' tsa' ujti ti' yorajlel Noé, che' ja'el mi caj i yujtel ti' yorajlel i Yalobil Winic.

Hechos 7:46

Dios tsi' pʌsbe David i yutslel. Jini David yom i melben i chumlib Dios tsa' bʌ i ñopo Jacob.

Romanos 11:6

Dios tsi' yajcayob ti' yutslel i pusic'al, mach cha'anic wen bʌ i melbalob. Tsa'ic i yajcayob cha'an wen bʌ i melbalob, jiñʌch i tojol i ye'tel, mach i majtanic.

Romanos 4:4

Come jini mu' bʌ i cha'len e'tel ti ganar mi' ch'ʌm i tojol. Mach i majtanic. I ganarʌch.

1 Corintios 15:10

Pero wʌle apóstolon cha'an ti' yutslel i pusic'al Dios. Mach lolomic jach tsa' aq'uentiyon i yutslel i pusic'al Dios. Ñumen cabʌl tsac cha'le e'tel bajche' pejtelel yaño' bʌ, pero mach joñonic, jiñʌch i yutslel i pusic'al Dios am bʌ quic'ot.

Gálatas 1:15

Dios tsi' yajcayon che' maxto anic tsa quila pañimil. Tsi' pʌyʌyon ti' yutslel i pusic'al

2 Timoteo 1:18

La' i taj i p'untʌntel ti Dios ti' tojlel lac Yum ti jini tal to bʌ q'uin. Wen cʌñʌl a cha'an bajche' tsi' coltayonla Onesíforo ya' ti Efeso.

Tito 2:11

Come tsa'ix tsictiyi i yutslel i pusic'al Dios ti coltaya ti' tojlel pejtelel winicob x'ixicob.

Tito 3:7

cha'an mi lac ch'ʌjmel ti' wenta cha'an ti' yutslel i pusic'al. Tsi' yotsayonla ti' yalobil cha'an mi la cʌq'uentel i yumʌntel yic'ot laj cuxtʌlel woli bʌ lac pijtan.

Hebreos 4:16

Jini cha'an yom ch'ejl lac pusic'al mi lac lʌc'tesan lac bʌ ba'an i buchlib Dios ba' mi' pʌsbeñonla i yutslel i pusic'al. Ya'i mi caj lac p'untʌntel. Mi caj laj coltʌntel ti' yutslel i pusic'al che' an wocol ti lac tojlel.

1 Pedro 3:20

Jiñobʌch sajtemo' bʌ mach bʌ anic tsi' jac'ʌyob ti yambʌ ora, che' jal tsi' cha'le pijt Dios ti' yorajlel Noé che' bʌ woli to i mel colem barco. Waxʌctiquil jach tsa' coliyob ti ja'.

2 Pedro 2:5

Dios ma'anic tsi' p'unta jini pañimil ti oñiyi. Cojach tsi' colta Noé tsa' bʌ i subu i sujmlel ili t'an ti toj, yic'ot wuctiquil yaño' bʌ, che' bʌ tsi' choco tilel but'ja' cha'an mi' jisan xñusa Diosob ti pañimil.