Genesis 6:7 - Chol: I T’an Dios

⁷ Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en.

Chol de Tumbalá Bible

⁷ Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en.

Jiñi Tsiji' bʌ Wen T'añ cha'añ Estudio

⁷ Lac Yum tsi' yʌlʌ: “Mi caj c jisan ti pañimil jiñi wiñicob x'ixicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot xwejlel mut tac, lolom jach tsa' c meleyob.”

Genesis 6:7 Iomraidhean Croise

Genesis 6:6

Tsi' mele i pusic'al lac Yum cha'an tsi' mele winicob ti pañimil. Ch'ijiyem i pusic'al.

Genesis 7:21

Tsa' chʌmi pejtelel cuxul tac bʌ tsa' bʌ ajni ti pañimil, mut, alʌc'ʌl, bʌte'el, pejtel jʌlʌcña bʌ mi' majlel ti lum, yic'ot pejtelel winicob x'ixicob.

Genesis 7:4

Che' ñumenix wucp'ejl q'uin mi caj c choc tilel ja'al ti pañimil. Mi' cajel ja'al cha'c'al q'uin yic'ot cha'c'al ac'ʌlel. Mi caj c jisan ti pañimil pejtelel cuxul tac bʌ tsa' bʌ c mele. Che' tsi' yʌlʌ lac Yum.

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Salmos 37:20

Pero jini jontolo' bʌ mi caj i jilelob. I contrajob lac Yum mi caj i jilelob che' bajche' aq'uiñʌl. Mi' cajelob ti pulel, mi' cajelob ti jilel che' bajche' buts'.

Proverbios 10:27

Mi' ñajt'esʌntel i jabilel jini mu' bʌ i bʌc'ñan lac Yum. Mi' com'esʌntel i jabilel jini xjontolil.

Proverbios 16:4

Pejtel chuqui tac tsi' mele lac Yum an i c'ʌjñibal. Tsi' mele ja'el jini jontolo' bʌ cha'an i q'uiñilel wocol.

Isaias 27:11

Lajal jini tejclum che' bajche' yajlem bʌ te', tiquinix bʌ. Talob x'ixicob i xot'ob. Mi' tempañob cha'an si'. Ma'añobic i pusic'al jini winicob x'ixicob. Ma'añobic i ña'tʌbal. Jini cha'an Dios tsi' cʌyʌyob. Dios tsa' bʌ i meleyob ma'anic mi caj i p'untañob. Anquese Dios tsi' meleyob ma'anic mi caj i pʌsbeñob i yutslel i pusic'al.

Oseas 4:3

Jini cha'an ch'ijiyem la' lumal yic'ot pejtel jini ya' bʌ chumulob. Ma'anix mi' yʌc' i wut la' lum. Wolix ti jilel jini bʌte'el tac am bʌ ti mate'el yic'ot te'lemut tac, yic'ot i chʌñil tac colem ja'.

Amos 7:3

Jini cha'an tsa' cha' uts'a i pusic'al lac Yum. Lac Yum tsi' yʌlʌ: Ma'anix mic chʌn melben, che'en.

Amos 7:6

Tsa' cha' uts'a i pusic'al lac Yum. Tsi' yʌlʌ lac Yum Dios: Ma'anix mic chʌn choc tilel, che'en.

Sofonias 1:18

Mach mejlic i coltañet a taq'uin ti' q'uiñilel wocol che' mich' lac Yum, come pejtel pañimil mi caj i jisʌntel cha'an i mich'lel. Isujm mach jalic mi caj i laj jisan jini año' bʌ ti Judá.

Sofonias 1:2

Lac Yum tsi' sube: Mi caj c jisan pejtel a lumal yic'ot pejtel chuqui tac an, che'en.

Sofonias 1:3

Mi caj c jisan winicob, yic'ot pejtel cotcotña bʌ, yic'ot xwejlel mut, yic'ot chʌy am bʌ ti ja', yic'ot xmulilob yic'ot i maña. Mi caj c junyajlel jisan winicob yic'ot pejtel chuqui tac mi' c'uxbiñob.

Deuteronomio 28:63

Ti yambʌ ora tijicña jax i pusic'al lac Yum tsi' wen coltayetla. Tsi' p'ojlesayetla, pero mach che'ic ti jim bʌ ora. Mi caj i yubin i tijicñʌyel i pusic'al ba' ora mi' junyajlel jisañetla. Mi caj la' chojquel loq'uel ti lum.

Deuteronomio 29:20

Lac Yum ma'anic mi caj i ñusʌben i mul. Muq'uix cajel i pʌsben i mich'ajel yic'ot i tsʌytsʌyñʌyel i pusic'al. Mi caj i yʌq'uen pejtel jini wocol yic'ot c'amʌjel ts'ijbubil bʌ ti ili jun. Lac Yum mi caj i junyajlel ac' ti jilel i c'aba' ila ti pañimil.

1 Samuel 15:11

Ch'ijiyem c pusic'al cha'an tsa cotsa ti rey jini Saúl, come tsa'ix i tʌts'ʌ i bʌ tic tojlel. Ma'anic woli' jac'beñon c t'an, che'en. Tsi' wen mele i pusic'al Samuel. Jump'ejl ac'ʌlel c'ʌlʌl tsa' sʌc'a tsi' pejca lac Yum ti c'am bʌ t'an. Tsi' cha'le uq'uel.