Genesis 6:6 - Chol: I T’an Dios

⁶ Tsi' mele i pusic'al lac Yum cha'an tsi' mele winicob ti pañimil. Ch'ijiyem i pusic'al.

Chol de Tumbalá Bible

⁶ Tsi' mele i pusic'al lac Yum cha'an tsi' mele winicob ti pañimil. Ch'ijiyem i pusic'al.

Jiñi Tsiji' bʌ Wen T'añ cha'añ Estudio

⁶ Tsi' mele i pusic'al lac Yum Dios cha'añ tsi' mele wiñicob x'ixicob ti pañimil, c'ux tsi' yu'bi ti' pusic'al.

Genesis 6:6 Iomraidhean Croise

Genesis 6:7

Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en.

2 Samuel 24:16

Che' bʌ tsi' chajpa i bʌ jini ángel cha'an mi' jisan jini año' bʌ ti Jerusalén, lac Yum tsi' cha' mele i pusic'al. Tsi' sube jini ángel: Jasʌlix wʌle. Cʌyʌx a jisan jini winicob, che'en. Awilan ya'ix wa'al jini ángel i cha'an lac Yum ti patio ba' mi' jajts'el trigo. Jini patio i cha'añʌch Arauna jini jebuseo.

1 Cronicas 21:15

Lac Yum tsi' choco majlel i yángel cha'an mi' jisa Jerusalén, pero lac Yum tsi' cha' p'unta jini winicob. Tsi' cha' tiq'ui jini ángel: Cʌyʌx, mach a chʌn jisañob, che'en. Ti jimbʌ ora i yángel lac Yum ya'ix an ti' t'ejl i patio Ornán jini jebuseo ya' ba' mi' jats' i trigo.

Salmos 106:45

Tsi' ña'ta jini xuc'ul bʌ i t'an tsa' bʌ i yʌq'ueyob. Tsi' cʌyʌ i mich'leñob cha'an cabʌl i yutslel.

Salmos 110:4

Lac Yum tsi' yʌc'ʌ i t'an, mach yujilic q'uextiyel. Jatet motomajet ti pejtelel ora. Che'ʌch a motomajil bajche' i motomajil Melquisedec, che'en.

Salmos 119:158

Mich' mij q'uel jini xñusa t'añob. Mic ts'a'leñob, Come ma'anic mi' jac'ob a t'an.

Salmos 78:40

Pero cabʌl tsi' chʌn ñusʌbeyob i t'an Dios ya' ti colem bʌ i tiquiñal pañimil. Tsi' techbeyob i ch'ijiyemlel i pusic'al Dios.

Salmos 81:13

Uts'atax tsa'ic i ch'ujbibeyon c t'an jini c cha'año' bʌ, Tsa'ic i cha'leyob xʌmbal israelob tic bijlel.

Salmos 95:10

Cha'c'al jab tsac mele c pusic'al cha'añob. Tsa cʌlʌ: Cabʌl mi' tajob i sajtemal jini winicob x'ixicob. Mach i cʌñʌyobic c bijlel, cho'on.

Exodo 32:14

Che' jini lac Yum tsi' cha' mele i pusic'al cha'an jini tsa' bʌ i ña'ta i mel ti' tojlel i tejclum.

Isaias 48:18

Tsa'ic a jac'ʌ c mandar, cabʌlix i ñʌch'tilel a pusic'al che' bajche' colem ja' woli bʌ ti ajñel. Añʌch toj bʌ a pusic'al yic'ot cabʌl a p'ʌtʌlel che' bajche' wets'ecña bʌ ja'.

Isaias 63:10

Pero tsi' ñusayob a t'an. Tsi' yʌq'ueyob i ch'ijiyemlel i pusic'al jini Ch'ujul bʌ a wEspíritu. Jini cha'an tsa' sujtiyet ti' contra. Tsa' p'ojlesʌbeyob i wocol.

Jeremias 18:7

Mi mejlel c bʌc' ac' c t'an cha'an mi' sʌc jilel jump'ejl colem tejclum, cha'an mi' bojquel, cha'an mi' t'uchtʌntel che' bajche' pimel.

Jeremias 26:19

Jini rey Ezequías yic'ot pejtel winicob ti Judá, ¿tsa' ba i yʌc'ʌyob ti chʌmel jini x'alt'an? ¿Mach ba anic tsi' bʌc'ña lac Yum Ezequías? Tsi' c'ajtibe i coltʌntel ti lac Yum. ¿Mach ba anic tsi' jac'ʌ lac Yum? Tsi' mele i pusic'al. Ma'anic tsi' chocbeyob tilel jini ñuc bʌ wocol che' bajche' tsi' subeyob. Yomix mi lac chʌcʌ q'uel lac bʌ, ame talic ñuc bʌ wocol ti lac tojlel, ame anic lac mul mi tsa' lac tsʌnsa Jeremías. Che'ʌch tsi' cha'leyob t'an jini xñoxob.

Ezequiel 33:11

Subeñob: “Isujm mic subeñetla, che'en lac Yum Dios, mach comic mi' chʌmel winic yic'ot i mul. Com mi' laj cʌyob i mul cha'an cuxul mi' yajñelob. Cʌyʌx la' jontolil, sutq'uin la' bʌ ba' añon. ¿Chucoch la' wom chʌmel Israel?

Oseas 11:8

¿Bajche' mi mejlel j cʌyet, Efraín? ¿Mejl ba c choquet, Israel? Mach comic j cʌyet che' bajche' Adma yic'ot Zeboim, come wolic wen mel c pusic'al. Com j coltañet.

Joel 2:13

Mach mi la' tsil la' pislel che' ch'ijiyem la' pusic'al, pero yom pec' mi la' mel la' pusic'al. Sutq'uin la' bʌ ba'an lac Yum Dios, come an i yutslel i pusic'al. Yujil i p'untañetla. Mach orajic mi' mich'an. Cabʌl i yutslel i pusic'al. C'ux mi' yubiñet che' mi' ju'sʌbeñet la' pusic'al.

Jonas 3:10

Che' bʌ tsi' q'uele Dios woli' cʌyob i jontolil, tsi' q'uexta i pusic'al. Ma'anic tsi' choco tilel wocol che' bajche' tsi' subeyob. Ma'anic tsi' jisayob.

Malaquias 3:6

Come joñon la' Yumon. Ma'anic mi' q'uextiyel c pusic'al. Jini cha'an ma'anic mic junyajlel jisañetla, come chʌn an i yutslel c pusic'al ti pejtelel ora.

Numeros 23:19

mach lajalic Dios bajche' winicob yujilo' bʌ lot. Mach lajalic bajche' jini cha'chajp jax bʌ i pusic'al mu' bʌ i q'uextan i t'an. Che' mi' yʌc' i t'an, ¿mach ba anic mi' ts'ʌctesan? Che' tsa'ix i subu chuqui mi caj i cha'len, ¿mach ba anic mi' mel?

Romanos 11:29

Dios ma'anic mi' q'uextan i pusic'al che' mi' yʌq'ueñonla lac majtan. Ma'anic mi' q'uextan i pusic'al che' mi' pʌyonla.

Efesios 4:30

Mach la' wʌq'uen i ch'ijiyemlel i pusic'al jini Ch'ujul bʌ Espíritu tsa' bʌ la' taja ti Dios, come jiñʌch la' sellojlel ti jini tal to bʌ q'uin che' mi caj i tsictiyel majqui i cha'añetla.

Deuteronomio 32:29

Wen uts'at añobic i ña'tʌbal. Uts'at muq'uic i ch'ʌmbeñob isujm Cha'an mi' ña'tañob bajche' mi caj i jilelob.

Deuteronomio 32:36

Lac Yum mi caj i coltan jini israelob ti' tojlel i contrajob. Mi caj i p'untan i winicob che' ma'añobix i p'ʌtʌlel, Che' ma'anix mi' cʌytʌl, mi libre bʌ, mi mozo bʌ.

Deuteronomio 5:29

Uts'atax muq'uic i bʌc'ñañoñob ti pejtelel ora cha'an mi' jac'beñonob c t'an yic'ot c mandar. Che'ic jini, muq'uix i ñusañob q'uin ti uts'at yic'ot i yalobilob ti pejtelel ora.

Hebreos 3:10

Che' jini tsi' techbeyoñob c mich'ajel jini año' bʌ ti yambʌ ora. Tsac subu: Ti pejtelel ora an i sajtemal come leco chuqui tsi' ña'tayob ti' pusic'al. Ma'anic tsi' ñopoyob c bijlel.

Hebreos 3:17

Cha'c'al jab tsi' techbeyob i mich'ajel. Dios tsi' mich'le jini tsa' bʌ i cha' leyob mulil. Tsa' yajliyob i bʌc'tal ya' ti jochol bʌ lum.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.

1 Samuel 15:11

Ch'ijiyem c pusic'al cha'an tsa cotsa ti rey jini Saúl, come tsa'ix i tʌts'ʌ i bʌ tic tojlel. Ma'anic woli' jac'beñon c t'an, che'en. Tsi' wen mele i pusic'al Samuel. Jump'ejl ac'ʌlel c'ʌlʌl tsa' sʌc'a tsi' pejca lac Yum ti c'am bʌ t'an. Tsi' cha'le uq'uel.

1 Samuel 15:29

Jini Dios i ñuclel bʌ Israel mach yujilic lot. Ma'anic mi' yʌn i t'an, come mach lajalic Dios bajche' winic mu' bʌ i cha' wi'il q'uextan i t'an, che'en.

1 Samuel 15:35

C'ʌlʌl che' bʌ tsa' chʌmi Samuel ma'anix ba' ora tsi' chʌn q'uele Saúl. Pero tsi' chʌn mele i pusic'al cha'an i mul Saúl. Lac Yum tsi' mele i pusic'al ja'el cha'an tsi' lon otsa ti rey ti' tojlel israelob.