Genesis 6:5 - Chol: I T’an Dios

⁵ Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Chol de Tumbalá Bible

⁵ Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Jiñi Tsiji' bʌ Wen T'añ cha'añ Estudio

⁵ Lac Yum tsi' q'uele ca'bʌlix i jontolil wiñicob x'ixicob ti pañimil, tsi' q'uele jontol jax ti pejtelel ora pejtelel chuqui añob ti' pusic'al yic'ot pejtelel chuqui mi ña'tañob.

Genesis 6:5 Iomraidhean Croise

Genesis 13:13

Wen jontolob winicob ti Sodoma. An cabʌl i mul ti' wut lac Yum.

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Job 15:16

Jixcu jatet tuw a tsoy. Ts'a'lebilet ti winicob. ¿Sʌquet ba? Che' bajche' mi' chʌy ja' esponja, che'ʌch mi' toyet a mul.

Job 22:15

¿A wom to ba cʌytʌl ti jini jach bʌ bij tsa' bʌ i xʌñʌyob xjontolilob ti oñiyi?

Salmos 53:2

Dios am bʌ ti panchan mi' q'uel winicob x'ixicob Cha'an mi' q'uel mi an majch mi' ch'ʌmben isujm, mi an majch mi' sajcan Dios.

Proverbios 6:18

jini mu' bʌ i tech mulil ti' pusic'al, jini mu' bʌ i sʌclan majlel jontolil,

Eclesiastes 7:29

Tsa' caji c ña'tan ja'el: Uts'at tsi' mele winicob Dios, pero ti jujuntiquilob tsi' xoyoyob i bijlel. Tsi' tajayob i sajtemal.

Eclesiastes 9:3

Jini cha'an ma'anic mi' cʌyob i jontolil winicob. Mi' bajñel ña'tañob chuqui yomob i mel anquese socol i bijlel. Yujilob mi' cajelob ti chʌmel.

Jeremias 17:9

Wen yujilob lot i pusic'al winicob. Cabʌl i sajtemal. ¿Majqui mi' lu' c'ʌn?

Jeremias 4:14

Sʌq'uesan a pusic'al, Jerusalén. Cʌyʌ a mul cha'an ma' coltʌntel. ¿Jala to ba mi caj a chʌn ña'tan ti a pusic'al chuqui tac leco?

Ezequiel 8:12

Lac Yum tsi' subeyon: I yalobil winic, ¿tsa'ix ba a q'uele jini mu' bʌ i mucul melob jini año' bʌ i ye'tel ti Israel, jujuntiquil ti mal i tsalʌl ba' cʌntʌbil i yejtal tac i dios? Mi' lon alob: “Ma'anic mi' q'uelonla lac Yum, come lac Yum tsa'ix i cʌyʌ jini pañimil”, lon che'ob.

Ezequiel 8:9

Tsi' subeyon: Ochen ti' mal cha'an ma' q'uel pejtelel jini leco tac bʌ i melbalob, che'en.

Mateo 15:19

Come ch'oyol ti' pusic'al winic mi' tilel jontol bʌ i ña'tʌbal, yic'ot tsʌnsa, yic'ot ts'i'lel, yic'ot jam otot, yic'ot xujch', yic'ot jop't'an, yic'ot p'ajoñel.

Mateo 24:37

Che' bajche' ti' yorajlel Noé, che' lajal mi caj i yujtel che' mi' tilel i Yalobil Winic.

Lucas 17:26

Che' bajche' tsa' ujti ti' yorajlel Noé, che' ja'el mi caj i yujtel ti' yorajlel i Yalobil Winic.

Deuteronomio 29:19

Che'ʌch mi' yujtel ti' tojlel winic mu' bʌ i ñusan i tic'ol. Mi' lon chañ'esan i bʌ. Che' mi' yujtel i yubin mi yʌl: “Uts'at añon anquese mic mel chuqui jach com ila ti pañimil. Ma'anic muc'on ti bʌq'uen”, lon che'en. Jini mu' bʌ i mel che' bajche' jini woli' yʌc' ti jilel i lum.

Tito 3:3

Come joñonla ja'el ti yambʌ ora ma'anic lac pusic'al, xñusa t'añonla, lotibilonla. Tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al. Tsa' lac lon ñusa q'uin ti ts'a'leya yic'ot ti' tsʌytsʌyñʌyel lac pusic'al. Tsa' ts'a'lentiyonla. Tsa' lac ts'a'le lac bʌ.

1 Pedro 3:20

Jiñobʌch sajtemo' bʌ mach bʌ anic tsi' jac'ʌyob ti yambʌ ora, che' jal tsi' cha'le pijt Dios ti' yorajlel Noé che' bʌ woli to i mel colem barco. Waxʌctiquil jach tsa' coliyob ti ja'.