Genesis 6:2 - Chol: I T’an Dios

² Jini sajtemo' bʌ i yalobilob Dios tsi' q'ueleyob xch'oc bʌ i yalobilob winicob. I t'ojol jax tsi' q'ueleyob. Tsi' pʌyʌyob i yijñam che' bajche' jaytiquil tsi' mulayob.

Chol de Tumbalá Bible

² Jini sajtemo' bʌ i yalobilob Dios tsi' q'ueleyob xch'oc bʌ i yalobilob winicob. I t'ojol jax tsi' q'ueleyob. Tsi' pʌyʌyob i yijñam che' bajche' jaytiquil tsi' mulayob.

Jiñi Tsiji' bʌ Wen T'añ cha'añ Estudio

² Che' bʌ tsi' q'ueleyob i yalobilob Dios jiñi xch'oc bʌ i yalobilob wiñicob che' wen i t'ojolob jax, tsi' pʌyʌyob ti yijñam che' bajche' jaytiquil tsi' mulayob.

Genesis 6:2 Iomraidhean Croise

Genesis 12:11

Che' bʌ lʌc'ʌlix yom c'otel ti Egipto, tsi' sube Sarai i yijñam: Cujil a t'ojol jax.

Genesis 26:35

Tsi' meleyob i pusic'al Isaac yic'ot Rebeca cha'an i yijñamob Esaú.

Genesis 27:46

Rebeca tsi' sube Isaac: Mach tijicñayonic cha'an jini x'ixicob ch'oyolo' bʌ ti Het. Mi tsi' pʌyʌ Jacob i yijñam ba'an i yalobilob Het yic'ot i yalobilob Canaán, ¿chuqui to que'tel mi chʌn cuxulon to? che'en.

Genesis 3:6

Tsi' q'uele jini x'ixic uts'at i wut jini te' cha'an mi' c'ux, i t'ojol jax. Tsi' q'uele an i c'ʌjñibal cha'an mi' yʌq'uen i ña'tʌbal. Tsi' tuc'u i wut. Tsi' c'uxu. Tsi' yʌq'ue i ñoxi'al. Tsi' c'uxu ja'el.

Genesis 4:26

Tsi' yila pañimil ja'el ch'iton bʌ i yalobil Set. Tsi' yotsʌbe i c'aba' Enós. Che' ti ili ora che' bʌ tsi' yila pañimil Enós, winicob tsa' caji i ch'ujutesañob i c'aba' lac Yum.

Genesis 6:1

Che' bʌ tsa' cajiyob ti p'ojlel winicob ti pañimil, tsi' yilayob pañimil ja'el xch'oc bʌ i yalobilob.

Genesis 6:3

Tsi' yʌlʌ lac Yum: Mach ti pejtelelic ora mi caj i cuchbeñob i jontolil winicob jini quEspíritu, come tsucul i pusic'al winicob. Mi caj j com'esʌbeñob i jabilel cha'an wʌcc'al jach jab mi' yajñelob ti pañimil.

2 Samuel 11:2

Awilan ti jump'ejl q'uin che' wolix i yic'an, David tsa' loq'ui ti xʌmbal ti q'uiyil bʌ i jol i yotot. Tsi' ñajti q'uele' juntiquil x'ixic woli bʌ ti ts'ʌmel, wen i t'ojol jax.

Esdras 9:12

Jini cha'an tsa' subeyon lojon cha'an ma'anic mic sijibeñob lojon jini xch'oc bʌ calobil lojon. Che' ja'el tsa' tiq'ui jini winic bʌ calobil lojon. Mach yomic mi' pʌyob jini xch'oc bʌ i yalobilob ti' yijñam. Tsa' subeyon lojon mach yomic mij coltan jini sajtemo' bʌ cha'an mi' p'ojlel i chubʌ'an. Tsa' subeyon lojon mi caj a wʌq'ueñon lojon i ñʌch'tʌlel c pusic'al lojon mi uts'at mic jac'beñet lojon. Mi caj a p'ojlesañon lojon ja'el. Xuc'ul mi caj j cʌytʌl lojon tic lum lojon quic'ot calobilob lojon ti pejtelel ora.

Job 1:6

Ti jump'ejl q'uin tsa' tiliyob ángelob. Tsa' wa'leyob ti' tojlel Dios. Tsi' xin otsa i bʌ Satanás.

Job 31:1

Tsa'ix c mele trato yic'ot c wut cha'an mi caj j cʌntan c wut ti' tojlel xch'oc.

Exodo 34:16

Mach yomic mi la' c'ajtiñob xch'octaco' bʌ i yalobilob cha'an i yijñam la' walobilob che' mi' ch'ujutesañob i diosob, ame i xic'ob la' walobilob i cʌyoñob ja'el cha'an mi' ch'ujutesañob i diosob.

Isaias 63:16

Mach chʌn mejlix i coltañon lojon jini Abraham yic'ot Jacob, pero mi mejlel jatet, come c Tatet lojon, Caj Coltayajet lojon. Jiñʌch a c'aba' ti pejtelel ora.

Malaquias 2:11

An lotintel ti Judá yic'ot ti Israel yic'ot ti Jerusalén. Jini winicob ti Judá tsa'ix i ts'a'leyob jini Templo mu' bʌ i c'uxbin lac Yum, come tsi' cha'leyob ñujpuñijel yic'ot x'ixicob mu' bʌ i ch'ujutesañob dioste' tac.

Malaquias 2:15

Lac Yum tsi' yotsayetla ti juntiquil jach yic'ot la' wijñam. Cha'an ti' ña'tʌbal Dios tsa' ochiyetla ti juntiquil jach ti' wut Dios che' bʌ tsa' la' cha'le ñujpuñijel. ¿Chuqui yom Dios? Yom alʌlob ti la' tojlel mu' bʌ caj i ch'ujutesañob. Jini cha'an cʌntan la' bʌ. Xuc'ul yom mi la' wajñel la' wic'ot la' wijñam tsa' bʌ la' pʌyʌ che' ch'itoñet to la.

1 Corintios 7:39

Jini x'ixic an ti' wenta i ñoxi'al che' cuxul to i ñoxi'al. Mi tsa' chʌmi i ñoxi'al mi mejlel i cha' cha'len ñujpuñel mi yom, pero yom yic'ot winic ochem bʌ ti lac Yum.

2 Corintios 6:18

Mi caj cochel ti la' Tat. Mi caj la' wochel ti calobil”, che'en lac Yum mach bʌ anic i p'isol i p'ʌtʌlel.

Deuteronomio 14:1

Come i yalobiletla lac Yum Dios. Mach yomic mi la' tsep la' bʌ. Mach yomic mi la' jujchin la' jol ya' ti la' pam cha'an ti' caj jini chʌmeño' bʌ che' bajche' mi' melob jini mu' bʌ i ch'ujutesañob jini melbil bʌ dios tac.

2 Pedro 2:14

But'ulob i pusic'al ti' ts'i'lel. Mach mejlic i cʌyob i mul. Mi' pʌyob ti mulil jini mach bʌ xuc'ulobic i pusic'al. Ñʌmʌlobix i mel i ts'i'lel i wut. Chocbilobix ti Dios.

1 Juan 2:16

Come pejtelel chuqui an ti pañimil, i colosojlel lac pusic'al yic'ot i ts'i'lel lac wut, yic'ot i chañ'esʌntel lac bʌ mach ch'oyolic ti lac Tat pero ch'oyol ti pañimil.