Genesis 49:9 - Chol: I T’an Dios

⁹ Judá, wola' p'ʌtan che' bajche' i yal bajlum. Calobil, tsa' ch'ojyiyet majlel che' bʌ tsa' ujti a jisan a chucbal. Tsa' lutsle a chijtan a we'el che' bajche' bajlum, che' bajche' i ña'al bajlum. ¿Majqui yom i lon ñijcan ch'ojyel?

Chol de Tumbalá Bible

⁹ Judá, wola' p'ʌtan che' bajche' i yal bajlum*. Calobil, tsa' ch'ojyiyet majlel che' bʌ tsa' ujti a jisan a chucbal. Tsa' lutsle a chijtan a we'el che' bajche' bajlum, che' bajche' i ña'al bajlum. ¿Majqui yom i lon ñijcan ch'ojyel?

Jiñi Tsiji' bʌ Wen T'añ cha'añ Estudio

⁹ Judá, i yal bajlum; Calobil, tsa' ch'ojyiyet majlel che' bʌ tsa' ujti a jisan a colojm. Tsa' lutsle che' bajche' bajlum, che' bajche' ñoxix bʌ bajlum. ¿Majqui mi' ñijcan ch'ojyel?

Genesis 49:9 Iomraidhean Croise

1 Reyob 10:20

Che' ja'el ti jujump'ejl letsibʌl an cha'cojt i yejtal tac bajlum, lajchʌncojt ti pejtelel. Ti pejtelel pañimil ma'anic yambʌ i t'ojol jax bʌ buchlibʌl che' bajche' iliyi.

2 Cronicas 9:18

Chan c'ʌcʌl i buchlib. An wʌcquejp t'uchlibʌl cha'an mi' letsel ti buchtʌl. An i yajñib i c'ʌb ti jujunwejl. An i yejtal bajlum ti jujunwejl.

Ezequiel 19:5

Che' cʌchbilix jini ch'iton bajlum, ma'anix i pijtaya. Jini cha'an i ña' bajlum, jiñʌch Israel, tsi' pʌyʌ tilel yambʌ i yal, jiñʌch Joaquín, cha'an mi' yochel ti' rey jini israelob.

Oseas 5:14

Joñon lajalon bajche' bajlum ti' tojlel Efraín yic'ot Judá. C'ax p'ump'uñob mi caj c jisañob che' bajche' mi' bic'ti c'ux i colojm jini bajlum. Ma'anix majqui mi caj i coltan.

Oseas 5:4

Ma'anic mi la' sutq'uin la' bʌ ba' añon, come cʌchbiletla ti mulil. Laj xaxubil la' pusic'al ti la' ts'i'lel. Jini cha'an mach mejlic la' cʌñon, che'en lac Yum.

Miqueas 5:8

Ñuc mi caj i q'uejlel Israel ti' tojlel yan tac bʌ tejclumob che' bajche' bajlum ti' tojlel bʌte'el. Israel mi caj i c'uxob. Mi caj i t'uchtañob. Ma'anic i p'ʌtʌlel jini tejclum tac ti' tojlel Israel. Che'ʌch añob bajche' tiñʌme' ti' tojlel bajlum.

Numeros 23:24

Melel jini israelob mi caj i tejchelob che' bajche' i ña' bajlum mach bʌ anic mi' c'aj i yo jinto mi' c'ux i we'el, jinto mi' japben i ch'ich'el jini tsʌnsʌbil bʌ. Che' tsi' yʌlʌ Balaam.

Numeros 24:9

Mi' cha'leñob wʌyel che' bajche' bajlum. Bʌbʌq'uen che' mi' ñijcʌntel ch'ojyel i ña' bajlum. Tijicñayob pejtelel mu' bʌ i coltañob israelob, pero mux caj i tajob wocol jini mu' bʌ i p'ajob. Che' tsi' cha'le t'an Balaam.

1 Corintios 15:24

Wi'il talix i jilibal ba' ora Cristo mi caj i yʌq'uen i yumʌntel Dios i Tat che' mi' yujtel i jisʌbeñob i yumʌntel yic'ot i p'ʌtʌlel pejtelel i contrajob.

Deuteronomio 33:20

Moisés tsi' yʌlʌ cha'an Gad: Uts'atax i yum Gad mu' bʌ i wen coltan. Lajal i p'ʌtʌlel Gad che' bajche' bajlum. Mi' cha'len chijt. Mi' tsilben i bʌc'tal i contra, mi' jisʌben i jol.

Apocalipsis 5:5

Juntiquil anciano tsi' subeyon: Mach a cha'len uq'uel. Q'uele jini colem Bajlum loq'uem bʌ ti' p'olbal Judá. Jiñʌch ñuc bʌ i p'olbal David. Tsa' mʌjli i cha'an. Jini cha'an mi mejlel i loc'san jini wucp'ejl i sellojlel cha'an mi' jam jini jun, che'en.