Genesis 49:3 - Chol: I T’an Dios

³ Rubén, ascuñʌl bʌ calobil, tsa' bʌ c teche che' wen ch'ejlon to, wen ñuquet, cabʌl a p'ʌtʌlel.

Chol de Tumbalá Bible

³ Rubén, ascuñʌl bʌ calobil, tsa' bʌ c teche che' wen ch'ejlon to, wen ñuquet, cabʌl a p'ʌtʌlel.

Jiñi Tsiji' bʌ Wen T'añ cha'añ Estudio

³ Jatet Rubén, ascuñʌl bʌ calobil, c p'ʌtʌlel bʌ yic'ot ñaxan bʌ i wut c ch'ejlel; ñaxañet bʌ ti a ñuclel, ñaxañet bʌ ti a p'ʌtʌlel.

Genesis 49:3 Iomraidhean Croise

Genesis 29:32

Lea tsa' caji' cʌntan i yalobil. Tsi' yila pañimil ch'iton bʌ i yalobil. Tsi' yotsʌbe i c'aba' Rubén, “Dios tsi' q'uele c wocol”, come tsi' yʌlʌ: Lac Yum tsi' q'uele ts'a'lebilon. Wʌle c ñoxi'al mi caj i c'uxbiñon, che'en.

Genesis 35:22

Che' ya' chumul Israel ti ili lum, Rubén tsa' ñole yic'ot Bilha, yambʌ i yijñam i tat. Israel tsi' yubi chuqui tsi' mele. An lajchʌntiquil ch'iton bʌ i yalobilob Jacob.

Genesis 35:23

Jini ch'iton bʌ i yalobilob Lea jiñobʌch Rubén jini ascuñʌl bʌ, Simeón, Leví, Judá, Isacar, Zabulón.

Genesis 46:8

Jiñobʌch i c'aba'ob i yalobilob Jacob yic'ot i butsob tsa' bʌ majliyob ti Egipto: Rubén jini ascuñʌl bʌ yic'ot i yalobilob: Hanoc, Falú, Hezrón, Carmi. Simeón yic'ot i yalobilob: Jemuel, Jamín, Ohad, Jaquín, Zohar, Saúl (i yalobil jini xcananea). Leví yic'ot i yalobilob: Gersón, Coat, Merari. Judá yic'ot i yalobilob: Er, Onán, Sela, Fares, Zara. Tsa' chʌmiyob Er yic'ot Onán ti' lumal cananeojob. I c'aba'ob i yalobilob Farés: Hezrón yic'ot Hamul. Isacar yic'ot i yalobilob: Tola, Pua, Job, Simrón. Zabulón yic'ot i yalobilob: Sered, Elón, Jahleel.

Genesis 48:18

José tsi' sube i tat: Mach che'ic yom, come ascuñʌl jini Manasés. Ac'ʌ ñoj bʌ a c'ʌb ti' jol, che'en.

1 Cronicas 2:1

Jiñobʌch ch'iton bʌ i yalobilob Israel: Rubén, Simeón, Leví, Judá, Isacar, Zabulón, Dan, José, Benjamín, Neftalí, Gad, Aser.

1 Cronicas 5:1

Jini ascuñʌl bʌ i yalobil Israel jiñʌch Rubén. Pero tsi' pi'lʌbe juntiquil i yijñam i tat. Jini cha'an tsa' aq'uenti José i yʌscunlel Rubén. Jini cha'an Rubén ma'anic tsa' ochi ti' listajlel i p'olbal Israel che' bajche' ascuñʌl bʌ i yalobil.

1 Cronicas 5:3

Jini ch'iton bʌ i yalobil Rubén jini ascuñʌl bʌ i yalobil Israel jiñobʌch Hanoc, Falú, Hezrón, Carmi.

Salmos 105:36

Lac Yum tsi' tsʌnsa pejtelel ascuñʌlo' bʌ ti' lumal, Jini ñaxan bʌ i yalobilob.

Salmos 78:51

Tsi' tsʌnsa pejtelel jini ascuñʌlo' bʌ ti jujump'ejl xchumtʌl am bʌ ti' lumal Egipto.

Numeros 1:20

I p'olbalob Rubén, jini ascuñʌl bʌ i yalobil Jacob 46,500 I p'olbalob Simeón 59,300 I p'olbalob Gad 45,650 I p'olbalob Judá 74,600 I p'olbalob Isacar 54,400 I p'olbalob Zabulón 57,400 I p'olbalob Efraín, i yalobil José 40,500 I p'olbalob Manasés, i yalobil José 32,200 I p'olbalob Benjamín 35,400 I p'olbalob Dan 62,700 I p'olbalob Aser 41,500 I p'olbalob Neftalí 53,400 Ti pejtelel jiñobʌch 603,550

Numeros 26:5

I cha'año' bʌ Rubén: 43,700. Rubén jiñʌch ascuñʌl bʌ i yalobil Israel. I p'olbal Rubén: Enoc yic'ot i pi'ʌlob, Falú yic'ot i pi'ʌlob, Hezrón yic'ot i pi'ʌlob, Carmi yic'ot i pi'ʌlob. I yalobil Falú: Eliab. I yalobil Eliab: Nemuel, Datán yic'ot Abiram. Jini Datán yic'ot Abiram jiñobʌch tsa' bʌ i temeyob i t'an yic'ot Coré che' bʌ tsi' wa'chocoyob i bʌ ti' tojlel israelob che' bʌ tsi' contrajiyob Moisés. Tsi' ñusʌbeyob i t'an lac Yum. Jini lum tsi' cawa i bʌ. Tsi' mujlayob temel yic'ot Coré. Tsa' jiliyob ti c'ajc lujunc'al yic'ot lujuntiquil i yuxc'al (250) winicob cha'an ti' caj woli' socob i pi'ʌlob. Lac Yum tsi' mele jini cha'an mi' bʌc'ñañob pejtelel israelob. Pero i yalobilob jini Coré ma'anic tsa' chʌmiyob.

Deuteronomio 21:17

Wersa mi caj i c'uxbin i yalobil jini ts'a'lebil bʌ, come ñoj ñaxan tsi' yila pañimil. Muq'uix i yʌq'uentel cha'yajl i ñumel che' bajche' jini yaño' bʌ, come jiñʌch jini ascuñʌl bʌ. I tejchibalʌch i p'ʌtʌlel. Jini cha'an ñumen cabʌl mi caj i yʌq'uentel.

Deuteronomio 27:13

Muq'uix i majlelob ti wa'tʌl ya' ti wits i c'aba' Ebal cha'an mi' tsictesañob wocol: jini Rubén, Gad, Aser, Zabulón, Dan, yic'ot Neftalí.

Deuteronomio 33:6

La' ajnic Rubén ti pejtelel ora, La' p'ojlic i p'olbal.

Apocalipsis 3:14

Ts'ijbuben jini xcʌntaya i cha'an xñopt'añob mu' bʌ i tempañob i bʌ ya' ti Laodicea: “Awilan, jini Amén bʌ, jini isujm bʌ, jini xuc'ul bʌ Testigo mu' bʌ i cha'len yumʌl ti' tojlel pejtel i melbal Dios, jiñʌch mu' bʌ i yʌl ili t'an: