Genesis 49:1 - Chol: I T’an Dios

¹ Jacob tsi' pʌyʌ tilel i yalobilob. Tsi' subeyob: Tempan la' bʌ cha'an mic subeñetla chuqui mi' caj ti ujtel ti la' tojlel ti jini tal to bʌ ora.

Chol de Tumbalá Bible

¹ Jacob tsi' pʌyʌ tilel i yalobilob. Tsi' subeyob: Tempan la' bʌ cha'an mic subeñetla chuqui mi' caj ti ujtel ti la' tojlel ti jini tal to bʌ ora.

Jiñi Tsiji' bʌ Wen T'añ cha'añ Estudio

¹ Jacob tsi' pʌyʌ tilel i yalobilob, tsi' su'beyob: —Lʌc'tesan la' bʌ cha'añ mic su'beñetla chuqui mi' caj ti ujtel ti la' tojlel ti jiñi tal to bʌ q'uiñ.

Genesis 49:1 Iomraidhean Croise

Salmos 105:15

Tsi' yʌlʌ: Mach mi la' mʌctan jini yajcʌbilo' bʌ c cha'an. Mach mi la' tic'lan jini x'alt'añob c cha'an, che'en.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Isaias 2:2

Ti jini tal to bʌ q'uin, jini wits ba' wa'chocobil i Templo lac Yum, ñumen ñuc mi caj i yajñel che' bajche yan tac bʌ wits. Winicob ch'oyolo' bʌ ti pejtelel lum mi caj i tilelob ti ch'ujutesaya.

Isaias 22:14

I Yum Panchan yic'ot Pañimil tsi' yʌlʌ: Ma'anic mi caj i ñusʌbentel la' mul ti pejtelel ora. Jinto mi la chʌmel mi caj la' toj, che'en i Yum Panchan yic'ot Pañimil.

Isaias 48:14

Tempan la' bʌ, ñich'tʌbeñonla c t'an. ¿Majqui tsi' wʌn subu chuqui mi' caj ti ujtel? Come tal jini winic mu' bʌ j c'uxbin. Mi caj i mel pejtel tsa' bʌ c wʌn ña'ta ti' contra Babilonia. Mi caj i yʌc' ti pam pujquel jini soldadojob babiloniajob.

Isaias 53:1

¿Majqui tsi' ñopo jini tsa' bʌ lac subu? ¿Majqui tsi' q'uelbe i p'ʌtʌlel lac Yum tsa' bʌ tsictiyi? Ma'anic jaytiquil.

Jeremias 23:20

Mach lajmix i mich'ajel lac Yum jinto mi' yujtel ti meloñel che' bajche' tsi' wʌn ña'ta ti' pusic'al. Ti cojix bʌ q'uin tac mi caj la' ch'ʌmben isujm.

Daniel 10:1

Ti' yuxp'ejlel jab che' woli ti yumʌntel Ciro ch'oyol bʌ ti Persia, an chuqui tsa' cha' pʌsbenti Daniel. Isujm chuqui tsi' q'uele. Tsi' q'uele tal cabʌl wocol ti pañimil, yic'ot guerra, yic'ot ch'ijiyem bʌ pusic'al. Tsi' wen ch'ʌmʌ ti wenta chuqui tsi' q'uele. Dios tsi' yʌq'ue i ch'ʌmben isujm.

Daniel 10:14

Tsa' tili c tsictesʌbeñet chuqui mi caj i yujtel ti' tojlel a pi'ʌlob ti wi'il bʌ ora. Jini mu' bʌ caj c pʌsbeñet mi caj i yujtel ti yanto bʌ ora, che'en.

Daniel 2:47

Jini rey tsi' sube: Jiñʌch mero Dios a Dios. Ñumen ñuc bajche' dioste' tac. Jiñʌch i Yum reyob, mu' bʌ i tsictesan i sujmlel jini mucul tac bʌ, come tsa'ix mejli a tsictesʌbeñon i sujmlel c ñajal, che'en jini rey.

Amos 3:7

Isujm, ma'anic chuqui mi' cha'len lac Yum Dios mi ma'anic tsi' ñaxan subeyob x'altañob i cha'an, cha'an mi' cha' subob.

Miqueas 4:1

Ti jini cojix bʌ q'uin tac mi caj i cha' q'uejlel ti ñuc jini wits Sion ba'an i yotot lac Yum. Ñumen ñuc che' bajche' yan tac bʌ wits ti' wut winicob. Ya' talob ti xʌmbal jini ch'oyolo' bʌ ti pejtel pañimil.

Numeros 24:14

Jini cha'an muq'uix c cha' sujtel majlel ti cotot, pero ñaxan mic wʌn subeñet chuqui mi caj i yujtel ti wi'il bʌ ora che' mi' mʌlbentel jini a winicob ti' tojlel israelob, che'en.

Lucas 2:26

Jini Ch'ujul bʌ Espíritu tsi' sube Simeón ma'anic mi' caj ti chʌmel jinto che' q'uelbilix i cha'an jini Yajcʌbil bʌ cha'an lac Yum.

Hechos 2:17

“Dios mi' yʌl: Ti jini cojix bʌ q'uin tac mi caj cʌq'ueñob quEspíritu pejtelel winicob x'ixicob. La' walobilob mi caj i cha'leñob alt'an. Ch'iton winicob mi caj i q'uelob chuqui mi' pʌsbentelob ti espíritu. Xñoxob la' cha'an mi caj i ñajleñob chuqui tac tal.

Deuteronomio 31:12

Yom ma' tempan jini winicob x'ixicob yic'ot jini ñajt bʌ ch'oyolob cha'an mi' yubibeñob i t'an lac Yum Dios cha'an mi' ñopob, cha'an mi' bʌc'ñañob lac Yum, cha'an mi' jac'beñob pejtelel i mandar.

Deuteronomio 4:30

Che' ch'ijiyem la' pusic'al cha'an pejtelel jini wocol, mi caj la' cha' ña'tan lac Yum Dios. Mi caj la' ñich'tʌben i t'an.

1 Timoteo 4:1

Jini Espíritu mi' wen cʌntesañonla an mu' bʌ caj i cʌy i ñopob jini wen t'an ti wi'il bʌ q'uin. Mi caj i jac'beñob espíritujob mu' bʌ i cha'leñob lot yic'ot i cʌntesa xibajob.

2 Timoteo 3:1

Yom ma' ch'ʌmben isujm: Ti cojix bʌ q'uin tac tal i yorajlel bʌbʌq'uen tac bʌ.

Hebreos 1:2

Wʌle, ti ili cojix bʌ q'uin tac tsa'ix i c'ʌñʌ i Yalobil i pejcañonla. Tsi' wa'choco cha'an mi' yʌq'uentel pejtelel chuqui tac an. Tsi' c'ʌñʌ ti' melol pejtel chuqui tac an.

Hebreos 13:1

Chʌn c'uxbin la' bʌ, come hermanojetla ti Cristo.

Apocalipsis 4:1

Ti wi'il tsaj q'uele: Awilan, jambil jump'ejl i ti' panchan. Jini ñaxan bʌ t'an tsa' bʌ cubi lajalʌch bajche' i t'an trompeta. Tsi' subeyon: La' ti letsel ilayi. Mi caj c pʌsbeñet chuqui tac wersa mi' caj ti ujtel, che'en.